الرئيسية / تقارير مميزة / دليلك الكامل للطعام “الحلال” في أوروبا

دليلك الكامل للطعام “الحلال” في أوروبا

تجربة- بهاء الدين فاروق:

في أوروبا والدول الغربية مينفعش تدخل على أي مطعم كدة وتطلب أكل، أنت مش في مصر والمحلات عندهم مش زي الفول والطعمية عندنا.

لأن الأكل ممكن يكون فيه حاجات مش حلال زي لحم الخنزير أو دهونه اللي بتدخل في أكلات مختلفة عير اللي عندهم الخمر بيستخدموها زي العصير والشربات عندنا في الأكل الحلو والحادق.

عشان لازم تبقى في السليم خليك في الخضروات والفواكة والمأكولات البحرية والنواشف ومش كل الحاجات النواشف بردو (بهزر طبعًا اوعى تصدقني بدل ما تموت من الجوع وتدعي عليا) 😀

طبعًا أنت مسافر تقضي اجازة أكيد مش هتعيش على الخضار والفاكهة، مش بس كدة ده أكيد كمان هتعوز تأكل في مطعم أسهل وأريح (أيوة بقى أكيد ابتديت تدعيلي… صح؟) 😀

المطاعم الحلال منتشرة في أوروبا لأن في جالية عربية كبيرة ومفهوم اللحم الحلال انها مذبوحة على الشريعة الإسلامية مش أي لحمة بقرة تأكلها في أوروبا وأنت مغمض وتقول دي مش خنزير غلط لأنها مش مذبوحة على الشريعة الإسلامية حتى الفراخ يا باشا، حتقول أها نبعد عن اللحمة وخلينا في الفراخ هاهاها الفراخ بيخنقوها هناك مش بيدبحوها.

طيب وصلنا بقى، هنأكل فين؟ أدامك أنواع مطاعم ادخل كل فيها وأنت مغمض لأنها خلال، زي العربي واللبناني والسوري وأي جنسية عربية، ويليها المطعم التركي المنتشرة جدًا، يليها الإيراني، يليها الباكستاني وفي الآخر لو مش عارف تحدد ده مطعم نوعه إيه دور على أي مطعم مكتوب عليه لحم حلال
وعلى العموم ما تقلقوش، المطاعم الحلال كل شوية بتزيد وتزيد، طيب إيه بقى موضوع الفاست فوود “ماكدونالدز، هارديز، بيج برجر، كنتاكي” وغيرهم.. حلال أو لا؟!

البراندات دي في بعض الدول مؤخرًا ادخلت سكشن اللحم الحلال، فتأكد أن فيها مكتوب سكشن حلال وتقدر كمان تسأل الموظف في المطعم وكفاية تقوله “حلال فوود” وهو هيقولك إيه الأكلات الحلال في المنيو وعلى العموم ده موقع دليل كل المطاعم اللي بتقدم لحم حلال في العالم.. ادخل دور فيها قبل ما تسافر، كل اللي عليك تدخل عليه وتكتب عاوز تأكل ايه وأنت مكانك فين وحيجيبلك أقرب مطعم ليك وبالهنا والشفا

http://www.zabihah.com

شاهد أيضاً

التصريح الأمني

التصريح الأمني | تعرف على الدول التي تحتاج التصريح الامني وكيفية استخراجه

التصريح الأمني | الرحالة | ارتفع عدد الدول التي ينبغي على المصريين الحصول على تصريح …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *