fbpx
الرئيسية / آسيا / تأشيرة جورجيا | عمرو المغربي يكتب تجربته: جورجيا.. فيزا من غير طوابير
تأشيرة جورجيا
تأشيرة جورجيا

تأشيرة جورجيا | عمرو المغربي يكتب تجربته: جورجيا.. فيزا من غير طوابير

تأشيرة جورجيا | الرحالة | تجربة- عمرو المغربي:

لو انت من هواة الوقوف على طوابير السفارات عشان الفيزا، وبعدها مجمع التحرير عشان تاخد الموافقة الأمنية، وتدور على حجز مبدئي أو وهمي للطيران، وحجز مؤكد .للأوتيل، بقي ده مش مكانك

إحنا بنتكلم عن دولة فيزتها بتاخدها وانت قاعد في البيت أونلاين ومش محتاجة زيارة سفارة

 

شروط الحصول على تاشيرة جورجيا

كل المطلوب منك للحصول على تأشيرة جورجيا هي باسبورك وصورة شخصية حديثة مختلفة عن صورة الباسبور وبخلفية بيضاء

وتملا أبليكاشن تأشيرة جورجيا وتتأكد إن بياناتك كلها مظبوطة ومطابقة لبيانات الباسبور، وتكتب إيميلك صح لانه هو ده اللى هايجيلك عليه الفيزا.

تاشيرة جورجيا
تاشيرة جورجيا

بعد ما تملا أبليكاشن تأشيرة جورجيا على طول هايجيلك ميل فيه لينك تدخل عليه عشان تدفع رسوم الفيزا ( 20 دولار ) بتدفعهم أونلاين بالكريديت كارد

وخلاص على كده تصبر من يومين لأربع ايام وتشوف ميلك كل يوم لحد ما تلاقي جالك مايل منهم وفيه تأشيرة جورجيا، ومبروك عليك.

تاشيرة جورجيا
تاشيرة جورجيا

فيزا جورجيا

تأشيرة جورجيا دي فيزا ورقية حافظ عليها واطبعها وخليها مع باسبورك ويا ريت تطبع منها أكتر من نسخة

كمان تأشيرة جورجيا Multi  يعني ممكن تدخل بيها البلد وتخرج أكتر من مرة وبنفس السعر

وكل المطلوب منك تبدأ بحجز الطيران لجورجيا والسكن ودول هانتكلم عليها في مقالة تانيه

لكن خلينا في المقالة عشان تبقي الفايدة والمعلومة كاملة للي أول مرة ياخد يسافر او ياخد تأشيرة جورجيا أونلاين

تأشيرة جورجيا الالكترونية

أولاً تدخل على موقع إستخراج الفيزا أونلاين https://www.evisa.gov.ge/GeoVisa/  وبعدين في تقوله اونلاين ابليكاشن وتملا بيانات اساسية البلد والغرض من السفر وصلاحية باسبورك.

بعديها هاتدخل على خطوة بعدها هايطلب منك تعلم على كام 7 خانات عشان تكمل وهما عبارة عن اقرار منك بصحة البيانات وانك معاك مصاريف اقامتك وتذكرة طيرانك وانك مسافر سياحة وانت مسئول انك تدخل في المواعيد اللى انت حددتها شوية كلام عادي خالص وانك ممكن تثبت الكلام ده عند وصولك المطار في جورجيا.

بعد كده تملا بياناتك وتاريخ ميلادك وإيميلك ورقم باسبورك وترفع صورتك الشخصية وصورة باسبورك على الموقع.

تاشيرة جورجيا

وتوصل لأخر خطوة وتعمل Sumbit  لأبليكاشن تأشيرة جورجيا بتاعك وتنتظر الميل اللى قولنا عليه وفيه اللينك اللى هاتدخل عليه عشان تدفع ال20 دولار

وخلى بالك اللينك ده صالح لمدة ساعة واحدة بس، يعني لازم تلحق بعد ما تملا أبليكاشن فيزا جورجيا  انك تبقي مجهز الكريديت كارد وتدخل تدفع فوراً، وبعدها تنتظر وصول فيزا جورجيا على الميل بتاعك.

أنصحك أيضًا بقراءة:

السياحة في جورجيا .. أجمل 6 اماكن سياحية في جورجيا : بينها جبل كازبيك

الاماكن السياحية في جورجيا : أفضل 10 مناطق يمكن زيارتها في جورجيا

مصطفى أمين يكتب رحلة السياحة في جورجيا : خاتشبوري وشاي بالمانجو

رحلتي الى جورجيا | رحاب أحمد تكتب رحلتها إلى جورجيا: برنامج سياحي كامل

المدن السياحية في جورجيا | تعرف على أهم 5 مدن سياحية في جورجيا

الدراسه في جورجيا | تجربة شخصية ليوسف عادل: حققت حلمي في تبليسي

عاصمة جورجيا | عمرو المغربي يكتب رحلته إلى جورجيا: برنامجك الكامل في تبليسي

عبد الرحمن أيمن يكتب عن الاماكن السياحية في جورجيا : السياحة في تبليسي

جورجيا سياحة | أهم المعالم السياحية في جورجيا: رحلة إلى دولة البطريق

شاهد أيضاً

السياحة في أملج

السياحة في أملج السعودية : دليلك لأهم الأنشطة والمعالم السياحية

السياحة في أملج | الرحالة |   يقولون إن مكة المكرمة و المدينة المنورة هما …