fbpx
الرئيسية / آسيا / ايزيك مصر | إسراء صوار تكتب تجربتها في تركيا مع منظمة Aiesec
ايزيك مصر

ايزيك مصر | إسراء صوار تكتب تجربتها في تركيا مع منظمة Aiesec

ايزيك مصر | الرحالة | رحلة- إسراء صوار:

مكملة معاكم في رحلتي الى تركيا، اللي سافرتها مع ايزيك مصر Aiesec، البروجكت بتاعي كان في مدينة اسمها غازي عنتاب، دي على حدود سوريا داخلها في 2016 أكتر من 2 مليون سوري.

اللي مستغرباه بقى، إزاى فيها عدد السكان ده كله، وفاضية كده ومنظمة وحلوة قوي كده، إزاي بجد غازى عنتاب دى بالنسبة لهم مش حلوة، بس بالنسبة لنا زي الرحاب ومدينتى والحتت دي.

رحلة تركيا مع ايزيك مصر

من أكتر الحاجات الجميلة بجد في تركيا، التراث بتاع المساجد، بجد حاجة تحفة، بصوا بجد البلد نضيفة بغباء، ده غير إن كل حي تقريبًا فيه حديقة فيها ألعاب للأطفال وقعدات للكبار وألعاب بتاع الجيم.

بجد حاجات نضيفة مش زى حديقة الأمل اللي عندنا في المحلة، وتدفع فلوس كمان وانت داخل والجو ده، لا خالص مفيش الكلام ده، دى حدائق موجودة عادي لأي حد في أي وقت من غير أي فلوس إطلاقا.

ايزيك مصر

السفر الى تركيا مع ايزيك مصر

من الحاجات اللي لفتت نظرى كمان إن عندهم على عمدان النور لاسلكي، ليه بقى؟، عشان لما يكونوا عاوزين تاكسي يضغط ع الزرار 5 دقايق بالظبط، والتاكسي يكون قدامه، والباص هناك والموصلات العامة عمومًا مفيش بقى عندهم الأجره يا أستاذ، الأجرة يا آنسة، اللي مدفعش ورا لا لا مفيش الكلام ده.

انت بيكون معاك كارت بتشحنه وبتركب بيه أول ما بتدخل الباص بيكون فيه جهاز كده قدام السواق تحط الكارت قدامه يصفر تدخل، ومفيش جو على جنب يا أسطى وكده، لا هو له محطات يقف فيها عاوز تنزل في المحطة دي، في زرار مكتوب عليه stop تضغط عليه هيقف لك ف المحطة، النظام حلو مفيش كلام.

المهم تعالوا أحكي لكم بقى عن البروجكت والـeps اللي كانوا معايه وكده، أنا كنت طالعة مع ايزيك مصر على soul of discovery  اللى هو ف الآخر exproler يعنى المهم احنا كنا بنروح أماكن أثرية وأماكن سياحية وكده، وكان مطلوب مننا نصور الأماكن دي ونكتب مقالات عشان نروج لها.

اقرأ أيضًا: إسراء صوار تكتب: كيف تقنعين أسرتك بالسفر إلى الخارج؟

السياحة في تركيا مع ايزيك مصر

يعنى بالفعل رحنا زرنا أماكن كتير، يعني رحنا قلعة في غازى عنتاب، ورحنا بيت أتاتورك هناك، مهتمين بالمزارات والحاجات دي بطريقة فظيعة قوي بجد، ورحنا حديقة الحيوان، ودي أكبر تاني حديقة على مستوى العالم.

رحنا جزيرة هالفين، بجد من أجمل الأماكن اللي زرتها،  ورحنا مكان اسمه أورفا، المكان ده (بحسب روايتهم) لما كانوا حطوا سيدنا إبراهيم في النار وربنا قال كوني بردًا وسلامًا على إبراهيم، والنار دي اتحولت لمياه البحيرة، على حد قولهم.

اماكن سياحية في تركيا

البحيرة دى بقى فيها كمية سمك فظيعة، بس السمك دا مبيتاكلش، لو حد أكله يموت (على حد قولهم)>

وزرت مدينه اسمها مارسين قعدت فيها 3 أيام بجد كانوا أحلى 3 أيام. البحر هناك تحفة، ده غير إن اللمة في مكان حلو بتفرق، خصوصًا إن لما يكونوا الناس اللي معاك حبوك وانت حبتهم، والهزار والضحك ونزول البحر الساعة 3 و4 الفجر، واللعب والجري وفي نفس الوقت.

الثقافة اللي بتاخدها من الناس دى في فريق ايزيك وكمية المعلومات اللي بتيجي لك لحد عندك، وانت قاعد بتتكلم معاهم بطريقة غير مباشرة عن طريقة تفكير كل شخص وعن إحساسك إنك لازم يكون عندك ثقافة أكتر وتقرأ أكتر، عشان لما تقعد مع الناس متبقاش مش فاهم حاجة عن الاعتماد على نفسك، عن مبادئك.

ايزيك مصر

السفر مع ايزيك مصر

عن حاجات كتير كان ممكن تعملها ومحدش شايفك ومحدش كان هيعملك حاجه لو عملتها بس ربنا حفظك، مكانش فيه رقيب عليك غير ربنا ونفسك. عن كلمه من حد ترفع من معنوياتك لمدة سنة مثلا، زى انتي أكتر شخصية محترمة عرفناها في حياتنا، عن حاجات كتير مش هتحسها غير لما تسافر.

السفر ده حياة، الحاجة الوحيدة اللي هتقدر تطلع فيها كل الكبت والقرف اللي جواك، عن الحرية والحب عن أجمل حاجات ممكن تشوفها في حياتك.

هتعرف نفسك كويس بس لما تسافر، هتكتشف حاجات في نفسك إنت مكنتش تعرفها، هتحس بحب وخوف وأمان وتعب وفرح وحزن، هتحس بكل حاجة، بس في الآخر هتحب المغامرة، بحلوها ومرها.

معتقدش إني لو كنت سافرت سياحة كنت هكتسب كل الخبرات دي.

ايزيك مصر Aiesec  الحاجة الوحيدة اللي بتوفرلك ده، هي اللي هتوفر لك فرصة إنك تعرف أكتر من 20 شخص من بلاد مختلفة، والكل شارب قايم نايم معاهم، هتحسهم أهلك هتعيط يوم ماتفارقهم أكتر ماعيطت وانت مسافر من بلدك.

ايزيك مصر

منظمة ايزك

هتلاقيك في السفر زرت أماكن كتير، بس في مكان بجد نفسي أروحه تاني، المكان ده تحت الأرض مفيهوش كهرباء ولا في شبكة، هو زى مطعم كده بتنزل له بسلالم كتير، النور هناك بالشموع، راحة نفسيه لأبعد الحدود.

لو مشحون طاقة سلبية ورحت المكان ده هتنسي الدنيا باللي فيها، تخيلوا معايا كد إنكم قاعدين ف مكان زى ده على موسيقى هادية مفيش حد بيتكلم بصوت عالي، بجد محتاجة أروح المكان ده تانى.

مشاريع ايزيك مصر

رحت مولات أكبر من المحلة أصلًا وزرت أماكن أثرية تانية كتير، بس دول أبرز وأحلى الأماكن يعني، بس عدت الأيام  وأخدت الـcertificate من ايزيك

فاكرة اليوم ده قوي، اللى هو فرحانة وفي نفس الوقت زعلانة، اللى هو خلاص أنا همشي للأسف وخلص البروجيكت بتاع ايزيك مصر وحان موعد الرحيل، عن كمية العياط اللى عيطها وأنا بسيب الناس دي زى مايكون عشت معاهم أكتر من 100 سنة.

عن حبهم ليا اللي حسيته بجد، عن مريم، عن حبها ليا وخوفها عليا كأنها أمي، عن كلامها وضحكتها وأسلوبها وحبها لبلدها، المغرب.

خلص البروجكت وسافرت قعدت 3 أيام في إسطنبول، كان لازم أروح إسطنبول الصراحة، يعني مينفعش أروح تركيا ومعديش على إسطنيول يا جماعة مش أسلوب، عن إسطنبول وجمالها، عن جوله في بحر البوسفور مدتها ساعتين ونص، عن أجمل المناظر اللى ممكن تشوفها في حياتك.

ايزيك مصر

مسلسلات تركي

سيبكوا من المسلسلات بقى، ع الطبيعة حاجه تانية، خيال، تركيا من البلاد اللي لازم تعدي عليها مرة في حياتك على الأقل، سافروا يا جماعة، السفر حلو، السفر راحة نفسية، هتلاقوا كل اللي نفسكوا فيه في السفر.

سافر اكتشف أماكن جديدة، استمتع بحياتك ربنا مخلقناش ومخلقش الكون دا كله عشان نفضل قاعدين مكاننا ومنعرفش حاجة عن بقية العالم، ومنشوفش المناظر الجميلة دي، هيفوتكوا كتير.

صدقونى طول ما انتوا قاعدين في مكانكم كده ومتحركتوش، حياتك هتعيشها مرة واحدة، جرب وسافر وعافر عشان حلمك، انتظرونى في بلد أخرة قريبا إن شاء الله.. #هلف_العالم.

اقرأ أيضًا: الحلقة الأولى من رحلة إسراء صوار

إسراء صوار تكتب: كيف تقنعين أسرتك بالسفر إلى الخارج؟

حجز فنادق تركيا من Booking

فنادق اسطنبولفنادق طرابزونفنادق فتحيةفنادق انطاليافنادق مرمريسفنادق انقرةفنادق بودرومفنادق بورصةفنادق ازميرفنادق اوزنجول

مقارنة أسعار الفنادق في تركيا من مواقع مختلفة

الفنادق في اسطنبولالفنادق في طرابزونالفنادق في فتحيةالفنادق في انطالياالفنادق في مرمريسالفنادق في انقرةالفنادق في بودرومالفنادق في بورصة  – الفنادق في ازميرالفنادق في اوزنجول

العمل في الخارج

فرص عمل في الخارج – سجل السيرة الذاتية للعمل في الخارج

شاهد أيضاً

السياحة في أملج

السياحة في أملج السعودية : دليلك لأهم الأنشطة والمعالم السياحية

السياحة في أملج | الرحالة |   يقولون إن مكة المكرمة و المدينة المنورة هما …