الرئيسية / تقارير مميزة / المتزوجون أيضًا يسافرون: تجربة زوجين مصريين لم يمنعهما الزواج من السفر

المتزوجون أيضًا يسافرون: تجربة زوجين مصريين لم يمنعهما الزواج من السفر

أحمد رجائي، بسمة صالح، مروة محمود، حاتم عباس، زوجين و4 أصدقاء، قرروا أن يكون لهم طريقتهم الخاصة في السفر، فرغم أن معظم الرحالة يفضلون السفر منفردين بشكل مستقل، إلا أن الزوجين المصريين قرروا أن يتبنوا نظرية جديدة في السفر ويثبتونها بسفرهم سويًا لعدة دول حول العالم، هذه النظرية تقول إن المتزوجون يسافرون أيضًا، وهو الاسم الذي أطلقوه على صفحتهم على موقع التواصل الاجتماعي “فيس بوك”.

يقول الرحالة الأربعة على صفحتهم “كابل ترافيل”: “السفر أخطر أنواع الإدمان. أنا بتكلم بجد مش بهزر، زي ما السفر حاجة حلوة قوي، ويمكن أكتر حاجة فرحتي لمدة 155 يوم عشتهم في 3 بلاد، من غير تراب من غير روتين ومن غير أي حاجه تعكنن عليك ولا تضايقك لأنك أصلا مسافر ومتفق مع نفسك مفيش حاجه هتضايقني ولا هتأثر عليا، أنا جاي اتبسط وبس، ما عدا طبعًا عكننة الأزواج اللي هي بالتاكيد جزء لا يتجزأ من الرحلة”.

يضيفون: “إلا انك أول بقي ما ترجع وتقضي ساعتين تلاتة مع الناس اللي وحشوك، أهلك وأصحابك، هتلاقي جسمك بيوجعك ومحتاج الجرعة، وهنا هتعرف إنك كده خلاص بقيت مدمن”.

ويتابعون: “مدمن للسفر وللهوا النظيف والناس اللي بيحترموا بعض قوي وعندهم نظام، والمناظر الحلوة والثقافة المختلفة وحاجات تانية كتيير، وهتبقي الجرعة الوحيدة اللي هتصبرك هي تفكيرك في السفريةالجاية، وهتفضل تاخد جرعة ورا جرعة ومش هترتاح غير لما تكرر أول جرعة، يالا نسافر تاني”.

إحدى الزوجتين كتبت على الصفحة، تشرح فكرتهم: “أنا رایحة مع جوزی فرنسا، بلد الرومانسیة، نروح بقى لوحدنا ونعيش اللحظة.. Stooooooop.. لا لا الموضوع مش كده. الأحلى بكتير إن يكون معاك ناس تانية، بتستمتع معاهم بكل حاجه بتعملها، وكل موقف بتعيشه، وبتفتكر معاهم عملت إيه بعد ما ترجع، وكل ما تجيب سيرة السفر تلاقي نفسك مبسوط إنهم شاركوك حاجة زي دي. ده غير إنك بتلاقي نفسك بتعمل حاجات out of z box عشان ملتزم بناس تانیة مینفعش تکسل.. أفکار کتیر من کل الناس هنعمل إیه، حماس عالي للانبساط”.

“الرحالة” تنشر خلال الفترة المقبلة، رحلات الزوجين المصريين، والأصدقاء الأربعة، إلى العديد من الدول، باسم صحفتهم “كابل ترافيل”، كما ننشر نصائحهم وتجاربهم والمواقف الطريفة التي مروا بها.. تابعونا.

شاهد أيضاً

الرحالة ابن بطوطة

الرحالة ابن بطوطة : معلومات عن حياة ورحلات أهم رحالة عربي مغربي

الرحالة ابن بطوطة | الرحالة | يعتبر الرحالة ابن بطوطة من أبرز الشخصيات التاريخية التي …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *