fbpx
الرئيسية / آسيا / السياحه فى تايلند | عادل بركات يكتب من تايلند: عش كتايلاندي وكل رز بالجمبري
السياحه فى تايلند
السياحه فى تايلند

السياحه فى تايلند | عادل بركات يكتب من تايلند: عش كتايلاندي وكل رز بالجمبري

السياحه فى تايلند | الرحالة | رحلة- عادل بركات: 

حابب أكتب لكم عن تجربتى في السفر الى تايلاند و السياحه فى تايلند . أولًا السفر يلزمة فيزا من السفارة التايلاندية بالقاهرة.

تاشيرة السياحه فى تايلند

كشف حساب بنكي أكتر من ١٠ آلاف جنيه.

الباسبور وصورة منه.

صورة شخصية حديثة.

جواب من جهه العمل.

تذكرة طيران.

حجز فندقي من أي موقع.

سعر التأشيرة كان ٣٠٠ ثم أصبح حاليا ٣٥ دولار.

السياحه فى تايلند
السياحه فى تايلند

السياحه فى تايلند

مطار الوصول الى تايلند هو سوفانابومى بانكوك، المطار فيه وسائل مواصلات متعدده من التاكسي للأتوبيس إلى bts المترو.

ياريت يكون الفندق المحجوز قريب من bts station، و بعيد عن المنطقة العربية.

سعر صرف الدولار في تايلند تقريبا٣٤ بات تايلاندي، نصيحه متحولش فلوس كتير من المطار عند الوصول لانخفاض السعر في المطار عن خارجه.

السياحه فى تايلند
السياحه فى تايلند

تايلاند من أجمل البلاد اللى ممكن تروحها في تايلند، وأهلها طيبين ومضيافين جدا أكتر من المصريين، حتى سواق التاكسي مش بينصب عليك.

بانكوك مدينه معظمها أمان، الجو مطير جدا في فترة أكتوبر لآخر السنة. أفضل وقت للزيارة يناير. الجو حر معظم أوقات السنة.

 

الاماكن السياحيه في تايلند

 

المعبد الكبير (جراند بالاس) في تايلند، وده أونطة، وغالي ودخوله بـ ٥٠٠ بات، و مجرد معبد للسياح مفيهوش صلوات حقيقية، وبالنسبة للمصريين، عمره التاريخي قليل جدًا.

 

السوق العائم في بانكوك

في تشاينا تاون مكان كويس، في كمان اتنين فلوتنج ماركت (سوق عائم)، واحد جوه بانكوك بانج نام حقيقي وأسعاره كويسة، وبتعديله بمعديه من بانج بوت، وبتلاقي معبد حقيقي في السكة ممكن تزوره مجانًا.

ورحلة نهارية اقتصادية جدًا، بس مفيهوش مراكب، السوق نفسه منشأ على قناة. السوق التانى المشهور سياحيا واللي فيه المراكب، “فيييك” جدًا وأسعاره غالية ومعجبنيش.

تحفة تايلند هو شلال أيرون في محافظه كنشنبورى، مكان روعة، رحلة نهارية نقضى فيها يوم كامل، بس متحاولش تبات هناك مش مستاهلة، استمتع بيومك وخد ملابس سباحة واستمتع بشلال سبع أدوار، سبحان الله روعة.

السياحه فى تايلند
السياحه فى تايلند

السياحه فى تايلند – بتايا

أما هواة البحر والسباحة، فعندك مكانين في تايلند، الأول بوكيت ، أنا مرحتهاش لأنها بعيدة عن بانكوك ساعة بالطيارة، بس مكان روعة، إن شاء الله هروحله المرة الجاية. أشهر جزيرة، هي جزيرة فاى فاى حته من الجنة.

المكان القريب هو بتايا ، قريبة من بانكوك ، وتبعد حوالي ١٤٠ كيلومتر فقط، ممكن تسافر بالأتوبيس من محطه إيكاماي.

مكان رائع بتنزل فيه تروح المارينا تاخد مركب جماعى بـ ٣٠ بات لمده ساعه إلا ربع عشان توصل جزيرة المرجان، بتايا مكان معقول بس شرم أجمد منه.

خلي بالك في بتايا لأن أهلها استغلاليين، فاصل في كل حاجة، وهي رحلة يوم معقولة وترجع بالليل لبانكوك.

السياحه فى تايلند
السياحه فى تايلند

الاكل في تايلند

في تايلند عمومًا، لو اتزنقت في أي وقت روح لبوليس السياحة، متعاونين جدا وهيدوك خرايط، اعرف هناك الناس واتعامل معاهم، عيش كتايلاندي، واركب مواصلاتهم، طيبين جدًا.

الأكل هناك صعب شوية. في كنز هناك اسمه 7/11 (سفن إلفن) ماركت، في بعض مأكولات حلال بس هما ميعرفوش، أسعاره حلوة، طبقي المفضل الرز بالجمبرى متوفر في كل حتة.

السياحه فى تايلند
السياحه فى تايلند

الأكواريوم في تايلند

في كمان الأكواريوم سيام أوشن ورلد، أكواريوم خيالي لازم يتراح.

المترو في تايلند

مترو الـbts بتشترى تذكرته من الماكينه بالكوينز، وتسأل علي وجهتك بكام استخدامه سهل جدا وأسرع وسيلة للحركة في بانكوك

التاكسي دايما بيشتغل بالعداد بس للاطمئنان اتأكد منه. أجرة المترو تقريبا نص التاكسي لأي وجهة.

أنصحك أيضًا بقراءة:

عروض سياحية.. أجمل فنادق شهر العسل في تايلاند : 387 جنيه في الليلة

السياحة في بوكيت : دليل لأهم الاماكن السياحية في عاصمة السياحة التايلاندية

برنامج سياحي لمدة 7 أيام في تايلاند: لن تدفع أكثر من 3500 جنيه

تايلاند | 10 نصائح ومعلومات عن السياحة في تايلاند : تجربة فتاة مصرية

السياحه في تايلند | أحمد الباشا يكتب برنامج رحلته الى تايلند: حاجة وهم

شاهد أيضاً

السياحة في أملج

السياحة في أملج السعودية : دليلك لأهم الأنشطة والمعالم السياحية

السياحة في أملج | الرحالة |   يقولون إن مكة المكرمة و المدينة المنورة هما …