الرئيسية / أوروبا / أحمد موسى يكتب عن السفر الى المجر : السياحة في بودابست (1)
السفر الى المجر : السياحة في بودابست
السفر الى المجر : السياحة في بودابست

أحمد موسى يكتب عن السفر الى المجر : السياحة في بودابست (1)

السفر الى المجر : السياحة في بودابست | الرحالة | رحلة- أحمد موسى:

لنتفق: الشغل مش هيخلص، ده اللي أنا عملته، ضربت قوانين الشغل عرض الحائط وبما إني سافرت كذا مرة قبل كدا فعارف تفاصيل السفر، بس المرة دي قررت تكون غير كل مرة، لازم أعمل حاجة جديدة. وفعلا في ساعة زمن كنت حجزت تذاكر الطيران ولحسن حظي لقيت تذكرة علي خطوط “ويز إير” سعرها كويس. بس يا فرحة ما تمت!.

تليفون في وسط النهار وإيميل من الشركة، بيقول إنها قفلت الخط الملاحي مع مصر، وعندهم شوية اختيارات نختار منها الحل، إنهم يرجعولي تمن التذكرة وعليه ٣٠٪ كغرامة عليهم أو إني أطلع من أي مطار قريب من البلد.

السفر الى المجر : السياحة في بودابست

اخترت إنهم يرجعولي الفلوس، وفعلا حصل مع الزيادة. لحظة توتر.. فاضل يومين علي ميعاد السفر، نفتح النت، مصر الطيران هي اللي ساعدتنا، بس مش قوي يعني، تذاكرهم غالية قوي، مش مهم. أنا قلت لازم يبقي في أكشن في السفرية دي.

حجزت لـ بودابست وأنا مش محضر أي بروجرام أو أي تفاصيل لرحلتي، اللي مش عارف هقعد فيها قد إيه، وياتري هرجع تاني ولا هكمل هناك.. لحظات فارقة كتيير بتفكر فيها، وأوقات بتستغرب نفسك وانت وسط الناس دي.

السفر الى المجر

و جاء اليوم: النهارده  من الساعة ١٠ صباحًا في المطار، الطيارة كمان ساعتين. خلصت وختمت الجواز وركبت الطيارة وأنا فيا روح عيل صغير بيتنطط. مستني كل لحظة ودقيقة عشان أنزل لأرض الشنجن.

بودابست عاصمة المجر
بودابست عاصمة المجر

اليوم الأول في بودابست. الكنز المستخبي 😀 موظف المطار بيسألني عن حجز الفندق وعن تذاكر العودة، وأنا مش حاجز أصلا عودة. المهم الموضوع خلص بإنهم مضوني على ورقة  second check.

السياحة في بودابست
السياحة في بودابست

وماله، خرجنا من المطار. استخدمنا الكارت، تذاكر المترو والترام. نوصل للهوستل.

السفر الى المجر : السياحة في بودابست
السفر الى المجر : السياحة في بودابست

السياحة في بودابست

مفاجأة تانية في الهوستل. أنا وصلت متأخر على الساعة ١٠، ومكنتش قايلهم. فرحت لقيت الغرفة اللي كنت حاجزها حد تاني أخدها. بس لما اتكلمت معاهم إدوني أوضة أكبر وأحسن بنفس السعر لمدة ليلتين اللي هما حجزو فيهم أوضتي. يا فرج الله.. البداية كده جميلة.. تابعوا رحلتي لـ بودابست على “الرحالة“. 🙂

السفر الى المجر
السفر الى المجر

شاهد أيضاً

رحلتي الى دبي

رحلتي الى دبي | فتاة مصرية تكتب عن رحلتها إلى دبي: إنسى كل اللي سمعته

رحلتي الى دبي | الرحالة | رحلة- صافية بركة:   أول حاجه تعملها قبل ما …