الرئيسية / تقارير مميزة / أهم 5 حاجات غيرهم السفر في يارا يحيى: أدرينالين المغامرة ضرب في المخ

أهم 5 حاجات غيرهم السفر في يارا يحيى: أدرينالين المغامرة ضرب في المخ

السفر | الرحالةكتبت- يارا يحيى:
السفر إحساسه ما يتوصفش، فرحة لما نحضر الشنطة ونركب طيارة من بلد وننزل في بلد تانية حاجة كدة فيها إثارة غريبة وفرحة، ده غير إن أدرينالين المغامرة بيضرب في المخ، بيجيب سعادة من نوع مُختلف كده. أنا ممكن أقولكو ١٠٠ حاجة السفر غيرها فيا،بس أنا هقول ٥ بس علشان متزهقوش.

السفر
السفر

١-  إني أعيش اللحظة وأقدرها، أكون عارفة إن الكام يوم دول ممكن ميجوش تاني. أعيش كل لحظة و أخزنها علشان أفضل على طول فاكراها، لأن في ناس بتعيش عمرها كله مفيش في حياتها ذكري حلوة أو إحساس معين في مكان يفضلوا طول عمرهم فاكرينه.

السفر

٢-  إني أقدر قيمة التجربة أكتر من أي حاجة مادية، ناس كتير وأنا كنت منهم شايفين إن أهم حاجة تخليك بني آدم هي إن يبقي عندك شقة وعربية وفلوس في البنك، هو ده تقديرهم لقيمة البني آدم، بس لما سافرت عرفت إزاي الواحد ممكن يكون غني جدًا بحاجات تانية وثقافة وتجارب بالنسبة لي أحسن من عربية Mercedes s class 2022 .

٣-  التلقائية، دي بقى أكتر واحدة قريبة من قلبي إن الواحد لما بيسافر بيكون تلقائي جدا، مش محتاج يتجمل، مش محتاج يبهر أي حد، بيكون نفسه وبس، من غير أي تكليف ولا أي محاولة لإرضاء أي حد أو شيء تاني غير نفسه.

أوقات صعبة

٤-  الأوقات الصعبة، مفيش أي حد بيسافر مبيحصلوش موقف زي الزفت، الطيارة تفوته، حجز يتلغي، يتوه والتليفون يفصل، كل الحاجات دي لما بتحصل وتلاقي إنك اتصرفت من غير مساعدة لأي حد بتحس إن لو كان حد حلفلك إنك ممكن تعمل كدة لوحدك مستحيل كنت تصدقه، وقتها هتعرف إن أي موقف ممكن تتحط فيه أكيد هتعرف تتصرف وهتعرف إنك تقدر تعتمد علي نفسك في أي حاجة just believe in yourself .

٥-  هتقابل ناس كتير مختلفين عنك وتتكلم معاهم و تبقوا أصحاب، دي حاجة صعب إنها تحصل في بلدك لأن دايما بنكون شايفين إن احنا نعرف ناس كفاية.

ثقافات

غير بقي الثقافات اللي هتلاقي نفسك بتحترمها وتقدرها بمجرد إنك شوفت ناسها المؤمنين بها، وتستغرب نفسك إنك كنت في يوم من الأيام بتحكم علي الناس من شكلهم أو دينهم أو لبسهم.

السفر حياة، صدق الراجل الحكيم اللي قال إن الحياة كتاب واللي مسافرش قرأ صفحة واحدة بس.

شاهد أيضاً

الرحالة ابن بطوطة

الرحالة ابن بطوطة : معلومات عن حياة ورحلات أهم رحالة عربي مغربي

الرحالة ابن بطوطة | الرحالة | يعتبر الرحالة ابن بطوطة من أبرز الشخصيات التاريخية التي …