الرئيسية / آسيا / أحمد موسى من بودابست : الإفطار مجاني والصحبة مجرية (2)

أحمد موسى من بودابست : الإفطار مجاني والصحبة مجرية (2)

بودابست | الرحالة | رحلة- أحمد موسى:

بودابست ، المدينة الجميلة، والكنز المغمور. صحينا تاني يوم، الهوستل فطار ببلاش، ومشاريب كمان، فتحت النت، دورت ممكن أعمل اية في البلد دي، إيه الأماكن اللي ممكن أزورها، وعملت لنفسي برنامج ليوم كامل.

بودابست

وأنا خارج من الهوستل البنت اللي علي الريسبشن قالتلي لو انت هنا لوحدك ممكن أقولك تروح فين عشان تستمتع، وبالفعل قالتلي علي أماكن وازاي أوصلهم بأسرع وقت وسهولة وعرضت عليا إنها لما تخلص الشغل ممكن تخرج توريني أماكن ف البلد، وطبعا وافقت.

بودابست
بودابست

البازيليكا

خرجت اليوم دا لوحدي، ورحت زرت أماكن كتير زي البازيليكا، مبني البرلمان، و دول مباني تحفة.

ده غير إن في الوقت دا كان في الكريسماس، ومارشنويل ف كل حتة. زرت الكباري القديمة كلها كوبري معلق السلسلة والنفق والقلعة وكنيسة ماتياس  وأماكن كتير.

كان إحساس رائع وانت بتتمشي وعمال تتفرج وتتعرف على أماكن جديدة ف السقعة كده.

15281875_10154673748723617_1004374022_n

السفر الى المجر

خلص أول يوم على إني لفيت أماكن مشهورة. لكن اليوم التاني أخدتني ياسمينا وقررت إنها تجييب أصحابها معاها ولففتني في أماكن مكنتش أسمع عنها ولا أعرف عنها وبرضه أخدتنا علي الأماكن اللي زرتها وبدأت تشرح لي التاريخ بتاعهم.

كسبت صداقتها وصداقة أصحابها وخاصة لما عرفوا إن أنا من هواياتي السفر، عرضت عليهم لو حد منهم ممكن يشاركني في السفر للفترة اللي أنا فيها دي.

لكن ارتباطهم بشغلهم ودراستهم منعتهم ولكن ومازلت لحد النهارده علي علاقة بيهم وكل فترة بيدعوني إننا نرجع نتقابل زي زمان.

الرحالة

خرجت من بودابست بصداقات وأشخاص رائعين. وبرضه معلومات كتيير عنها وحسيت إن البلد مش غالية قوي زي بلاد تانية كتير.

في السفر متستبعدش لما حد يعرض عليك مساعدة، متستبعدش حاجة، هتتوهم كتير من علاقات طيبة وهتتعرف علي أرواح ناس كتيير، ف ساااااااااااافر وعيش الدنيا.

متسجنش نفسك ف مكان واحد، سافر لو حتي وراك شغل، وتابعونا في الحلقة الجايه على “الرحالة“.

لمزيد من تقارير ونصائح السفر حول المجر والعاصمة بودابست يرجى الضغط هنا بوابة السفر الى المجر

شاهد أيضاً

جزيرة بالي اندونيسيا

جزيرة بالي اندونيسيا بالصور: أجمل معالمها وشواطئها وأفضل مواعيد السفر إليها

جزيرة بالي | الرحالة |   هي جنة راكبي الأمواج المعروفة بجمالها الطبيعي، حيث الشواطئ …