fbpx
الرئيسية / أوروبا / أحمد طارق يكتب عن رحلته في برشلونة: سألوني عن محمد صلاح

أحمد طارق يكتب عن رحلته في برشلونة: سألوني عن محمد صلاح

رحلة- أحمد طارق:

إسبانيا من البلاد الجميلة جدًا، مش هقولك معالم أثريه بقى و الجو ده، اللي هيشدك في إسبانيا فعلًا هو الشارع. تقدر تمشي إسبانيا كلها من غير ما تزهق و تفضل طول الوقت تتصور. الأغلب إني مبحبش أركب المترو في أي بلد أروحها، بفضل الأتوبيس لأن ده بيخليك تشوف البلد.
الشعب الإسباني شعب جميل جدًا من أجمل الشعوب اللي قابلتها، شبهنا شوية في الطبع، دمهم خفيف كده و مرحين و شعب خدوم جدًا.
برشلونه من أغلى المدن في أوروبا لأنها مدينه سياحية درجه أولى، حتي الإسبان نفسهم بيقولوا عليها غاليه قوي بس تستاهل.


كنت قاعد ف هوستيل الأوضه فيها ٢٠ سرير، بـ ٦٠ يورو ٣ ليالي، و طبعا ده غالي جدا بس ده كان أرخص حاجة وقتها.
استاد الكامب نو هو استاد نادي برشلونة، و دايما كان حلمي أزور الاستاد ده، لأني بحب جدا نادي برشلون،. الغريب في الأمر إن الاستاد ممكن يعمل ميزانية دول من التذاكر وحتي الهدايا اللي وصلوا إنهم يبيعوا العُشب بتاع الاستاد!.
الجميل في الزيارة دي إني وأنا بشتري حاجه من محل الهدايا للاستاد، قابلت واحد سألني: انت منين؟، قلت له من مصر. انبسط قوي، وقال لي من بلد محمد صلاح، أنا و كام واحد صاحبي نفسنا يلعب في برشلونة.


بعد ٤ أيام ف بارسا، رحت مدريد ليوم و نص بس، مدريد جميلة، وطبعا مش هفوت زيارة استاد نادي ريال مدريد، السنتياجو بيرنبو، مع إني مشجع برشلونة، بس استاد الريال حلو جدًا، طريقة العرض تحفة. مدريد فيها عرب أكتر من برشلونة، وتعتبر أرخص من برشلونة.
كان فيه مهرجان ف مدينه اسمها “بيبلونا” تقريبا. اللي هو بيسيبوا التيران ف الشارع و تجري ورا الناس و بيبقي في إصابات كتير وناس بتموت. و اللي مش بينزل اليوم ده بيعتبروه جبان، ولامؤخذة مش ابن بلد.. كان نفسي أروحه و الله بس مكانش فيه وقت.
تنتنننننن، الطائرة المتجهة المطار لشبونة لامؤخذة هتتأخر شوية عشان في عُطل في الطيارة، وعدي علي المزمازيل الموظفة تديك كوبون عشان تتعشى كأعتذار مننا.. وماله. 😀
تابعونا في الحلقة المقبلة

شاهد أيضاً

افضل فنادق ميونخ

افضل فنادق ميونخ

افضل فنادق ميونخ | الرحالة | ميونخ، المدينة العريقة، العاصمة الخفية لالمانيا، مدينة الأديرة والكنائس …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *