أحمد طارق يكتب عن رحلة الـ 15 يوم في أوروبا: البرنامج والتكاليف (1-5)

رحلة- أحمد طارق:
بعد السلام والتحية، وبعد الدول الاسكندنافية، وفرنسا وكوكب اليابان اللي في آخر الدنيا ديه، قررت إني أروح أوروبا لآخر مره وأعمل ميكس كده لطيف بين البلاد الغالية والبلاد المتوسطة في أوروبا.
اخترت ٥ بلاد هما (إسبانيا– البرتغال- هولندا– التشيك- النمسا)، والتحدي الأكبر هو إن كل البلاد دي ف ١٥ يوم بس.
التكلفه كانت ١٥٠٠٠ جنيه شاملة الفيزا+ الطيران+ الاقامة (السعر قبل تعويم الجنيه)، اخترت إسبانيا عشان ابدأ بيها، أخدت ميعاد من السفارة وجهزت ورقي وهو كالآتي :

اقرأ أيضًا: بالفيديو.. 13 معلومة تضمن بها فيزا شينجن لزيارة أوروبا: ابعد عن الفهلوة
١- تذاكر السفر
٢- الإقامة
٣- شهادة قيد من الجامعة
٤- شهادة تحركات لآخر ٧ سنين مترجمة (لازم تجيبها حتي لو انت سافرت أوروبا قبل كده)

 

اقرأ أيضًا: كيف تستخرج شهادة التحركات في 8 خطوات: أهلًا بك في أوروبا
٥-تأمين سفر من إليانز (١٠٠ جنيه)
٦- صورتين
٧-باسبور ساري ٦ شهور
٨- البطاقه بس تكون مترجمة (انت ممكن تترجمها مش لازم مكتب ترجمة معتمد)
9-كشف حساب بنكي لآخر 6 شهور

اقرأ أيضًا: أهم 10 أسباب لرفض طلب تأشيرة الشنجن: بينها اللف والدوران
تكلفه الفيزا الـVIP حوالي ١١٠٠ جنيه و الباسبور بيجيلك لحد البيت، باقي التكاليف نتكلم عليها في الآخر علي رواقة.
حالات الرفض دي هكلمكوا عليها بعدين، والكلام ده جايبه من ناس كانوا شغالين في السفارة.
الشنطه (جربنديه): ٥ تي شيرتات، قميصان، ٣ شورتات، بنطلون جينز، بنطلون قطن، شبشب (لامؤخذة لازم تبرم اللبس عشان ميخدش مكان).
ملحوطة: (إنت مش رايح تكون فاشونيستا هناك ف إنك تلبس التي شيرت أكتر من يوم دي حاجة طبيعية وصحية جدا). 😀
جدول الرحله كالآتي :
إسبانيا (٤ أيام)، برشلونة (٣ ليالي)، مدريد (ليلة)، البرتغال (٤ أيام)، كشكاش (ليلتين)، لشبونة (ليلتين)، هولندا (يومين)، أمستردام (ليلة)، التشيك (4 أيام)، فيينا (يوم). طبعًا جدول شاق جدًا، ومكانش فيه نوم، بس بصراحة كان ممتع جدا.
تن تن تنننن الطائره رقم مش عارف كام المتجهة إلي إسبانيا تتفضل عشان مستعجلين.. شكرا لحسن استماعكم، وتابعونا في الحلقات المقبلة. 