الرئيسية / أوروبا / جنان عبده تدخل مقر حكم الإمبراطورية الرومانية: هنا الوجه الآخر لإيطاليا
ايطاليا : اجمل الاماكن السياحية في روما

جنان عبده تدخل مقر حكم الإمبراطورية الرومانية: هنا الوجه الآخر لإيطاليا

ايطاليا : اجمل الاماكن السياحية في روما | الرحالة |رحلة- جنان عبده:

بمنطقة واحدة  في روما تقدر تشوف أهم آثارها القديمة، ثلاثة منهم موجودين هناك: الكولسيوم- المُدرج العملاق، الفوروم- مقر الإمبراطورية الرومانية والفيتوريانو نصب النصر ونصب الجندي المجهول.

ايطاليا : اجمل الاماكن السياحية في روما

الفوروم العظيم

بعد  ما شفت الكولسيوم رحت الفوروم واللي ما بقل عنه عظمة وضخامة وأهمية تاريخية، لكن اللي تبقى منه قليل.

الفوروم كان يعتبر مركز الحكومة الرومانية في روما العظيمة  وبشمل عدة مباني تقدر تشوف بقاياها كلها في مجمع تاريخي واحد بطل على الكولسيوم وأيضا في هناك آثار لغرف تجارية- حوانيت  كانت شغالة في حينه وفي بقايا معابد أيضا.

واللي فهمته من المرشد السياحي انهم كانوا يعملوا فتحات في الحيطان عشان التهوئة كانت عبارة عن تبريد زي هذه الأيام ، وفي هذا المكان أيضا كانت تجري خُطب للعظماء كانت الناس تيجي تسمعها.

منطقة كبيرة واسعة رهيبة الحقيقة بعظمتها والآثار المنتشرة هناك في كل زاوية فيها احترت أصور شو منها لكن ما ترددت صورت كثير صور لان هذه اللحظات مش ممكن ترجع.

ايطاليا : اجمل الاماكن السياحية في روما
ايطاليا : اجمل الاماكن السياحية في روما

السفر الى ايطاليا

كنت سعيدة جدا إني بزور هذه المنطقة- منطقة ضخمة جدا بتحوي كل هذا الكم الهائل من الاثار والتاريخ واللي فهمته أن المكان انهار بعدة مراحل.

المنطقة كان فيها مستنقعات وتحركات في الأرض ومش البرابرة اللي احتلوا روما هم اللي هدموها.

لكن مع هذا اللي تبقى منها من أعمدة رخامية ضخمة وبقايا مباني بنفسها كافية تدلك على عظمة التاريخ وعلى تطور الفن المعماري في تلك المرحلة.

اجمل الاماكن السياحية في روما
اجمل الاماكن السياحية في روما

السياحة في ايطاليا

كملت سير  للنصب التذكاري الفيتوريو إمانويلا الثاني.. في الطريق شفت فنانين قاعدين برسموا وناس متجمعه حواليهم وبياعين تحف سياحية وموسيقىيين بيعزفوا هناك وأصوات أجراس الكنائس كلها مع بعض بتخليك تعيش اللحظة بشكل رائع وتشعر أنك بترجع في التاريخ وبتعيش لحظاته الجميلة.

الفيتوريانو

هناك قرب الفوروم وسط عدد هائل من الكنايس والاثار التاريخية بيقع هذا النصب التذكاري واقيم على شرف ملك روما الموحدة فيتوريو الثاني. وهو بقع بين ساحة فينيتسيا من جهة وبين هضبة  الكبيتولين اللي عليها الفوروم.

اجمل الاماكن السياحية في ايطاليا
اجمل الاماكن السياحية في ايطاليا

هو عبارة عن مبنى ضخم جدا باللون الابيض الرخامي من عدة طبقات وبتصله من خلال عدد من الدرجات، ودخوله كان مجاني.

في الساحة الأولى في حراس بالزّي الرسمي ما بتحرّكوش رغم الحر الشديد وقدامهم نصب فيه شعلة نار مضوية في النهار قدام نصب الجندي المجهول الروماني. وتم وضعه هناك بعد الحرب العالمية الأولى. المبنى تصميمه  مبني بشكل متوازي من يمينة وشماله.

ايطاليا

طلعت الدرج وصلت ساحة تانية أضخم من الأولى رخامية الأرضية وفوقها صف كبير من الأعمدة الرخامية شكلها حلو وتماثيل ضخمة موزعة في كل مكان..  وبتوسطها تماثل كبير لفيتوريو نفسه وبجانب المبنى من الجهتين تمثال الآلهة فيكتوريا، حقيقي منظر جميل جدا.

وهناك  بداخله في متحف مقابل دفع رمزي لكن أنا  كنت تعبت  وقررت أقعد هناك أتفرج على المكان وأشوف روما اللي بتمتد أمامي بشكل جميل جدا. المكان تم بناؤه عام 1885 واستكمل بعد مئة سنة  وارتفاعه بيوصل 70 متر ووسعه 135 متر.

السياحة في ايطاليا
السياحة في ايطاليا

روما

زي ما قلت صعب جدا الواحد يوصف بالكلام اللي بشوفه من عظمة تاريخ روما العريق بكل قوته وجبروته بجماله ودمويته بخليط عظيم ترك عندي خليط من المشاعر وحب لهذه المدينة العظيمة وإحساس إني قدرت أفهم هي ليه كانت أمبراطورية وكيف قدرت توصل دول ومناطق ثانية وتحتلها مع كل الجبروت اللي عندها.

بكرا راح أترك روما وأروح باتجاه فلورنس (فيرينتسه) اللي كانت عاصمة ايطاليا قبل روما، ومنها بدي أزور مدينة بيزا وأشوف برجها المايل.. تابعوا الرحلة معاي ع الرحالة 🙂

شاهد أيضاً

رحلتي الى دبي

رحلتي الى دبي | فتاة مصرية تكتب عن رحلتها إلى دبي: إنسى كل اللي سمعته

رحلتي الى دبي | الرحالة | رحلة- صافية بركة:   أول حاجه تعملها قبل ما …