fbpx
الرئيسية / أوروبا / 10 خطوات تضمن بها تأشيرة بريطانيا: ما تجودش

10 خطوات تضمن بها تأشيرة بريطانيا: ما تجودش

تجربة- بهاء الدين فاروق:

بريطانيا تعتبر ثامن أكبر دولة سياحية في العالم، وبيدخلها أكثر من 30 مليون سائح في السنة. طيب إزاي أكون واحد من الـ 30 مليون دول؟! وإزاي أضمن الحصول على الفيزا؟!.
المطلوب منك ببساطة إنك تنفذ الخطوات دي بالتفصيل، وإن شاء الله تاخد الفيزا، و اطمن الإجراءات بسيطة بس عاوزة شوية تركيز، المطلوب منك الآتي:
1) حتفتح اللينك ده و تمشي مع الخطوات بتاعته بالتفصيل الممل: http://tinyurl.com/hz98jgg (فيه إمكانية انك تختار اللغة العربية لعرض الأسئلة و لكن الإجابات بالإنجليزي).
2) بعد ما هتخلص الأبليكاشن بتدفع الرسوم أون لاين (هتحتاج كريدت كارد لدفع الرسوم، وسعرها تقريبًا 87 جنيه إسترليني). ملحوظة: فيه مصاريف إضافيه لـ TLScontact وهو المكتب المسؤول عن استلام الأوراق.
3) مطلوب منك تكون محضر الأوراق التالية: كشف حساب بنك آخر 6 شهور ويكون فيه مبلغ لا يقل عن 30 ألف جنيه مثلا، (هم مش محددين مبلغ معين ولكن المبلغ اللي يخليك تقدر تغطي مصاريفك خلال فترة إقامتك)، و HR Letter من شغلك متحدد فيها وظيفتك وراتبك وبتشتغل من إمتى.
4) هيكون مطلوب منك في الأبليكشن تكتب حتسكن فين في بريطانيا، وهتعمل إيه هناك، وهتقعد قد إيه و متوقع تصرف كام خلال الرحلة، وبتكسب كام في السنة، الدول اللي زرتها آخر 10 سنين، عنوان شغلك، فحاول تكون مجهز كل الحاجات دي قبل ما تعمل الأبليكاشن.

5) هيتطلب منك بعد ما تملا الأبليكاشن إنك تحدد موعد لتسليم الأوراق الأصليه في مركز TLScontact (سواء في القاهره أو الإسكندرية).
6) هتحتضر الأوراق دي معاك وانت رايح المركز: تطبع الموعد اللي انت حددته، تطبع الأبليكاشن كامل، تطبع الإيميل اللي بيثبت إنك دفعت الرسوم أون لاين، تاخد الأصل من كشف حساب البنك والـ HR Letter وطبعا مترجمين إنجليزي، وصورة شخصيه 4*6 خلفية بيضاء وتكون حديثة، وتروح بنفسك تسلمهم في TLScontact في الموعد اللي حددته.
7) فيه هنا حاجة مهمة خلي بالك منها، مش مطلوب منك تجود و تبدع مع سفارة بريطانيا يعني متقدمش غير الورق ده (إلا لو انطلب منك ورق معين)، مش مطلوب منك تقدم مثلا حجوزات طيران أو فندق أو حسابات كريدت كارد أو تأمين سفر أو برنامج سياحي (عكس فيزا شنجن).
8) في الموعد والوقت اللي انت حددته هتروح المركز و تسلم كل الأوراق وهناك هياخدوا بصمتك ويصوروك ويراجعوا على كل الأوراق بتاعتك.
9) لو السفارة البريطانية محتاجة إنها تعمل معاك مقابلة شخصية هيطلبوك وده احتماله قليل جدا، لكن غير كده هما بياخدوا القرار مباشرة من خلال الأبليكاشن والورق اللي انت قدمته.
10) الفيزا تقريبا بتستغرق 10 أيام وبتطلع، وإن شاء الله توصلك بالـ DHL بالموافقة.

شاهد أيضاً

افضل فنادق ميونخ

افضل فنادق ميونخ

افضل فنادق ميونخ | الرحالة | ميونخ، المدينة العريقة، العاصمة الخفية لالمانيا، مدينة الأديرة والكنائس …

2 تعليقان

  1. I have ever been seen the global outside,
    And Iam just seeing the stunning things
    Or motions which is people do
    On T.V
    Or films I’m looking for them
    Too much and love them and I were hoping to complete my course and I will go somewhere for little trip
    Around the worldwide
    To meet some nation, oh yeah but not yet
    I’m still looking for a function
    That’s why
    I hope to get a job everything will be OK.

  2. انني طالبٌ مجتهدًا بقدرالله ًٰ
    وعايش برغم قساوة ظروفي
    وارء عالم من الخيال وافراحهم
    من السعادة .
    وامنّي عن يوما اكون في افراح.
    وبتمني لكي ازور العالم يوما ما
    لكنني لاادري متي واين ؟ ونعم والغربه هي طريقة الرحلة وليست ابدية واينما تكون حترجع
    للوطن العصيل
    لكنني احب وطني السودان واعشق من اعماق قلبي ويا عزيز انت وطني برغم قساوتك
    ولا ادري اين نكن يوما ومستحيل انساك ياوطن
    الله اكبر ولله الحمده.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *