fbpx
الرئيسية / آسيا / بولا وجيه يكتب من موسكو: الزواج في روسيا .. 600 جنيه ثمن الفرح بالشبكة

بولا وجيه يكتب من موسكو: الزواج في روسيا .. 600 جنيه ثمن الفرح بالشبكة

الزواج في روسيا | الرحالة | رحلة- بولا وجيه:
بعيداً عن الهزار والسف اللي كان في دماغي أول ما لقيت إن الفرح مفهوش غير العرسان وأبونا وأنا.
خلونا نتكلم جد شوية، أنا بعد ما عرفت إن الكنيسة دي بترحب بالمصريين الأقباط ومبتمنعش دخولهم بقيت بحب أروحها كل كام يوم.
مش موضوعنا، بس موضوعنا بقى عن الفرح اللي حضرته وأذهلني بمعنى الكلمة.
النهاردة قلت استكشف باقي أنحاء الكنيسة، ما أنا مش هفضل زي العبيط كده بدخل أصلي وأمشي على طول!.
لازم أدخل أتفرج وأتجول كده حتى نوع من السياحة، فدخلت مبني شكله حلو واسمه иконки магазин أو محل الأيقونات، يعني المكتبة بتاعة الكنيسة من الأخر. ?

الزواج في روسيا

دخلت أتفرج فلقيت شاب وشابة واقفين بيختاروا دبل الجواز من المكتبة!.

أه والله، أكتشفت هنا ممكن تشتري دبل الجواز من مكتبة الكنيسة، بس قولت إيه ده!، هيتجوزوا بدبل هبلة زي اللي بتتباع في مصر في موقف ألف مسكن!، يستحيل طبعاً!.

قربت علشان أتفرج مش كنوع من التطفل، بس علشان أخد فكرة علشان لو فكرت أتجوز هنا في روسيا أو زي روسيا ? ، أهو يبقى أخدت خبرة تفيدني في حياتي!.

الزواج من روسية

المهم لقيتهم اختاروا دبلتين وسلسلة وصليب ودفعوا الحساب 2300 روبل يعني 625 جنيه ومشيوا!، واكتشفت كمان إن الدبل والسلسلة دهب أبيض!، يعني عادي جداً بـ625 جنيه الموضوع اتلم مش زي مصر مبيتلمش غير بالـ16 غويشة والـ 12 سلسلة و19 خاتم غير السلاطات والمشويات!.

المهم بعد ما خلصوا ومشيوا، قولت أدخل الكنيسة أصلي وأمشي، المهم دخلت لقيت الكاهن رحب بالاتنين جداً وبدأ في مراسم الجواز والاتنين كانوا فرحانين ومش هاممهم إن مفيش حد معاهم وبعد ما خلصوا سلموا عليا وعلى الكاهن، ومعرفش سلموا عليا ليه! ? ، ومشيوا!.

الزواج في روسيا
الزواج في روسيا

كيم كارديشان

الغريب إن الموضوع هنا في الجواز طلع عادي على عكس مصر!، يعني عادي البنت كانت لابسة فستان أو طقم بسيط جداً مش مبهرجة في نفسها، والعريس لابس بدلة عادية من اللي بتنزل في محلات وسط البلد بـ275 جنيه وكان شكله حلو.

مكنش لابس بدلة سموكن تركي وفيها حتت من جلد كيم كارديشان والجو ده، وبجد انبسطت جداً، وأتمنى إن في مصر تبقى مواضيع الجواز سهلة كده، وننسى موضوع بنت خالتها. ?

وان الفرح عادي مش لازم أجيبله ورد وزينة زي اللي كانت في فرح الأمير ويليام، أو المسقية بالمياه اللي كانت بتشرب منها ميرفت أمين!، وان عادي مش لازم قاعة وأوبن بوفيه وإلا الناس هتاكل وشنا!.

أنصحك أيضًا بقراءة:

تاشيرة روسيا لحضور كأس العالم مجانا: بوتين وقع القرار والحصول عليها عبر هذا الموقع

السفر إلى روسيا : 20 معلومة يجب أن تعرفها قبل السفر إلى موسكو

فرصة.. سافر روسيا واحضر كأس العالم 2018 مجانًا

فرصة لـ السفر الى روسيا مجانا لشخصين وحضور كأس القارات: شاملة الطيران والفيزا

السياحة في روسيا : دليلك لأهم المدن والأنشطة السياحية في روسيا

حجز فنادق روسيا من Booking

فنادق موسكو – فنادق سانت بطرسبرغ – فنادق كالينينغراد – فنادق كازان – فنادق سوتشي – فنادق سامارا – فنادق فولغوغراد – فنادق يكاترينبورغ – فنادق نوفغورود – فنادق روستوف ون دون – فنادق سارانسك

مقارنة أسعار الفنادق في روسيا من مواقع مختلفة

الفنادق في موسكو – الفنادق في سانت بطرسبرغ – الفنادق في كالينينغراد – الفنادق في كازان – الفنادق في سوتشي – الفنادق في سامارا – الفنادق في فولغوغراد – الفنادق في يكاترينبورغ  – الفنادق في نوفغورود – الفنادق في روستوف ون دون – الفنادق في سارانسك

العمل في الخارج

فرص عمل في روسيا – سجل السيرة الذاتية للعمل في روسيا

شاهد أيضاً

أجمل 9 اماكن في بوكيت

أجمل 9 اماكن في بوكيت : بينها معبد شالونج وجزيرة سيميلان

أجمل 9 اماكن في بوكيت | الرحالة | تايلاند تلك الدولة الساحرة الجاذبة للسياح، نظرً …