fbpx
الرئيسية / آسيا / بلال مؤمن يكتب رحلته إلى هونج كونج من جاكرتا : إقامة مجانية لمدة أسبوع كامل
هونج كونج من جاكرتا
هونج كونج من جاكرتا

بلال مؤمن يكتب رحلته إلى هونج كونج من جاكرتا : إقامة مجانية لمدة أسبوع كامل

هونج كونج من جاكرتا | الرحالة | رحلة- بلال مؤمن:

* الطيران : الرحلة كانت من مطار چاكرتا اندونيسيا إلي مطار هونج كونج علي طيران Scott السنغافوري

سعر التيكت كان ١٢٠$ ونزلت ترانزيت مطار سنغافوره

حاجه كده فوق الروعه والوصف، ٧ ساعات ترانزيت محسيتش بيهم خالص وبعدها وصلت هونج كونج الساعه ٦ الصبح أول اليوم بدري بدري ?

هونج كونج من جاكرتا
هونج كونج من جاكرتا

هونج كونج من جاكرتا

* التأشيرة: هونج كونج بدون فيزا للمصريين ولأغلب الدول العربية وبتاخد حاجه اسمها Travel Document وبيكون مدتها ٩٠ يوم ولازم يشوفوها وانتا خارج تاني ومش بيتختم لك عليها دخول ولا خروج يعني لو ضاعت منك بعد كده مثلاً ف مفيش أي اختام ع الباسبور تثبت انك دخلت أو خرجت من البلد دي اساساً .

* العملة: دولار هونج كونج وده سعره مقابل الجنيه المصري = ٢ جنيه وربع

السفر الى هونج كونج

* التنقلات: قدامك ٣ اختيارات للتنقل من المطار لوسط البلد:

المترو

الباص

التاكسي

طبعاً هنبعد عن التاكسي علشان غالي جداً وهنختار الباص وده سعره بيكون ٣٠ دولار هونج كونج أو المترو

أنا عملت اشتراك في المترو وكان سعره ١٥٠ دولار هونج كونج، والحمد لله كفاني أسبوع تنقلات وما احتاجتش اني اشحنه تاني.

وللعلم تقدر تستخدم الكارت ده ف الباص وبيتخصم منه ثمن الباص او لو مش معاك فلوس فكه تقدر تحاسب بيه في السوبر ماركت او تقطع بيه تيكت في الاماكن اللي بتقبل الكارت ده.

الحياة في هونج كونج

ركبت المترو من محطة المطار Airport لمحطة Central ومنها غيرت المسار لخط اسمه Tsuen Wan Line ونزلت محطه اسمها Prince Edward ودي الي سكنت فيها ?

* الاقامة: عملاق الاستضافه والتوفير Couchsurfing

عملت Request لشخص اسمه Chris طلبت منه اني اقيم عنده الـ ٦ ايام بتوع الرحلة وهو رحب جداً وكان شخص لطيف وبقينا اصحاب جداً دلوقت ?

الـ ٦ أيام دول في أقل هوستل لقيته كان سعرهم ١٥٠$ وبكده قدرت أوفر فلوس الإقامة ?

لما وصلت عنده الاستوديو اتفاجئت انه مستضيف بنتين من فرنسا استغفر الله العظيم يارب حاجه كده زي القمر ??

السياحة في هونج كونج

،، هما كانو نايمين فوق وانا Chris ظبط لي كنبه جنبه تحت الي هيا بالبطانيه الحمرا دي ? وهو كنبه صغيره كده جنبي والموضوع كان جميل جداً وكله في اطار محترم من كل الأطراف .

وصلت تعبان جداً كانت الساعه ٧ الصبح نمت علي الكنبة وصحيت الساعه ١٠ علي ريحة غريبة وصوت حد بيصحيني عشان اقوم من النوم افطر ?

الفطار كان رز ابيض مع قطع لحم احمر صغير جداً، فسألته ايه ده ? قالي دي لحمة خنازير مع أرز وسلطة.

قولتله لا يانجم مع نفسك مليش ف السكه دي والله ??

قالي انتا مسلم صح؟

قولتله الحمد لله ايوا

قالي انا بتأسف لك جداً والموضوع مش هايتكرر طول مانتا موجود!.

* الأكل : أغلب المطاعم هناك اكلها حرام لكن فيه مناطق فيها مطاعم حلال زي مثلاً محطة مترو Tsim sha Tsui فيها مطاعم هندي وباكستاني وتركي كلها حلال وسعر الوجبه بيبدأ من ٢٥ دولار هونج كونج.

التسوق في هونج كونج

* شوارع التسوق في هونج كونج :

* Sham Shui Po

* Hollywood Road

* Mongkok

* Causeway Bay

* Admiralty, Central and SoHo

* Sheung Wan

هونج كونج من جاكرتا
هونج كونج من جاكرتا

الاماكن السياحية في هونج كونج

قمة فيكتوريا Victoria Peak

ديزني لاند

حديقة المحيط أو ocean park

عجلة مراقبة هونج كونج

ممشي Tsim Sha Tsui Promenade

ممشي النجوم أو avenue ofstars

سيمفونية الأضواء أو symphony of lights

تيان تان : تمثال بوذا

جزيرة لانتو وجزيرة لاما

متحف الشمع

برج الساعه

شارع هوليوود

 

* هونج كونج دي تزورها مره واحده في حياتك وماتتكررش تاني عشان من اغلي البلاد في العالم حرفياً ?

شاهد أيضاً

أجمل 9 اماكن في بوكيت

أجمل 9 اماكن في بوكيت : بينها معبد شالونج وجزيرة سيميلان

أجمل 9 اماكن في بوكيت | الرحالة | تايلاند تلك الدولة الساحرة الجاذبة للسياح، نظرً …