fbpx
الرئيسية / آسيا / الاكلات الهندية التقليدية : تعرف على أفضل 5 أكلات في المطبخ الهندي
الاكلات الهندية التقليدية
الاكلات الهندية التقليدية

الاكلات الهندية التقليدية : تعرف على أفضل 5 أكلات في المطبخ الهندي

الاكلات الهندية التقليدية | الرحالة | تجربة- محمود فهمي:

بيقولوا Food isn’t rational Food is a culture & habit & craving and identity 😛 وده يخلي من أهم الحاجات اللي لازم تجربها لما تسافر مكان جديد هي إنك تجرب كل أنواع الأكل.

في الموضوع ده حابب أتكلم عن الأكل في الهند بما إني بقالي في البلد دي سنة ونص ومعنديش حاجه أعملها غير المذاكرة والأكل. الأكل ببساطة هو لغة الشعوب وثقافتها ولما نيجي نتكلم عن شبه القارة الهندية فكل منطقة هنا مختلفة عن التانية.

الاكلات الهندية التقليدية

الاختلاف ده بيشمل اللغة والديانة والمناخ والبيئة حتى الشكل والعرق وأكيد مختلفين عن بعض في الأكل كمان، هعرض تجربتي مع بعض الأكلات المشهوره من شمال وجنوب وغرب الهند، أكلات لازم تتجرب قبل ما تموت لأنها تستحق التجربة فعلا.

1- البرياني:

الاكلات الهندية التقليدية
الاكلات الهندية التقليدية

مين ميعرفش البرياني، أكله تظبط لك مزاجك وتكتمك، تاكلها وتنام لتاني يوم و ياسلام لو طلبته double masala مزيج التوابل والنكهات في بقك يخليك متحسش بطعم أي أكل بعد كده، لأنك هتحسه ماسخ من غير طعم، وده سبب خلى الإمبراطورية البريطانية تحتل الهند علشان تستولي على التوابل، معاهم حق بصراحة.

البرياني في منه فراخ وضأن وسمك وجمبري، أرشح لك تجرب السمك والفراخ مع البرياني.

 

2-الشاباتي:

الاكلات الهندية التقليدية
الاكلات الهندية التقليدية

نوع من العيش بيغمس بيه قدامات خضار من أكتر الأكلات اللي الهنود بيحبوها هنا، معظم الأكل بتاعهم تغميس خضار بأنواع مختلفة من العيش، الخضار بيبقى مهروس وسايل زي الشوربة، متقدرش تفرق بين كل نوع والتاني أو تعرف نوع الخضار من الطعم، بس لأنه بيبقى كله توابل ومشطشط بس طعمه حلو وخفيف على الجيب، رخيص جداً يعني.

 

3-الساموسا والساموسا شات (samosa chaat):

الاكلات الهندية التقليدية
الاكلات الهندية التقليدية

أكلات خفيفة كده ورخيصة، تنفع وجبات بينيه، الساموسا بتبقى محشيه خضار وبهارات والساموسا شات عبارة عن ساموسا عادية بس بتتهرس في صوص طماطم مع حمص وشوية مكسرات بس بتبقى عجيبة فعلا وميتزهقش منها ونفس الحكاية رخيصة جداً.

 

4- البوري والباني بوري:

الاكلات الهندية التقليدية
الاكلات الهندية التقليدية

البوري عبارة عن حاجة زي الفطير، نفس الطعم بس بيبقى منفوخ بيتغمس بيه برضه نفس القدامات بتاعة الشاباتي وينفع بردو يتاكل بالعسل بيبقى جبار.

الاكلات الهندية التقليدية
الاكلات الهندية التقليدية

الباني بوري بقى نسخه مصغره من البوري بتبقى أنشف شويه، تلاقي الهنود متجمعين عند عربية صغيرة شبه بتاعه الكبدة في مصر كده وبيضربوا الباني بوري ده، الراجل بيخرمه ويصب فيه حاجه شبه الشوربة ولازم يتاكل بسرعه و � من قطمه واحدة إلا يفتكروك نايتي.

 

5-الجاليبي وميلك كيك: (jalebi -milk mysory cake):

الاكلات الهندية التقليدية
الاكلات الهندية التقليدية

من الحلويات الهندية الكويسة الجيليبي، وده شبه المشبك عندنا بس أخف شويه وطعمه أحسن وأقل سكر والـmilk mysory cake دي عبارة عن دقيق معجون في سمن وسكر تقيله جدا بس حلوة جداً جداً.

الاكلات الهندية التقليدية
الاكلات الهندية التقليدية

دي من أشهر الأكلات هنا وطبعا في حاجات تانية كتير مش هقدر أتكلم عنها كلها، من الحاجات العظيمة برضه اللي بتتعمل هنا هي الشاي، الهنود محترفين شاي، وأحسن شاي تشربه من أكتر الأماكن شعبية وياسلام كده لو معاه osmania bisquits أو moon bisquits يبقى تمام.

الاكلات الهندية التقليدية
الاكلات الهندية التقليدية

أي مكان تزوره لما ترجع لازم يكون معاك حكاية تحكيها عنه، وفي سطور الحكاية دي لازم تتكلم عن الأكل.

أنصحك أيضًا بقراءة:

كيف تحصل على تأشيرة الهند في 6 خطوات : استلمها في اليوم التالي

تأشيرة الهند للسعوديين خطوة بخطوة: اعتبرها في جيبك من الآن

رمضان في الهند : الغنجي والهرير على مائدة الإفطار وتوزيع المرطبات بعد التراويح

برنامج سياحي في مدن الهند السياحية لمدة أسبوع: رحلة مصطفى توفيق

رحلتي الى مونار | محمد أمين يكتب عن رحلته في إقليم كيرلا بالهند

شاهد أيضاً

أجمل 9 اماكن في بوكيت

أجمل 9 اماكن في بوكيت : بينها معبد شالونج وجزيرة سيميلان

أجمل 9 اماكن في بوكيت | الرحالة | تايلاند تلك الدولة الساحرة الجاذبة للسياح، نظرً …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *