fbpx
الرئيسية / آسيا / رحلتي الى مونار | محمد أمين يكتب عن رحلته في إقليم كيرلا بالهند

رحلتي الى مونار | محمد أمين يكتب عن رحلته في إقليم كيرلا بالهند

رحلتي الى مونار | الرحالة | رحلة- محمد أمين:

– يلا بينا؟

– على فين؟

– الهند

– الهند؟!

– أيووووون

– إزاي؟

– من غير تفاصيل.. كفاية أقولك Travel Secrets 😉 ❤

ده حوار بيني وبين زوجتي قبل رحلتي الى مونار في الهند اللي لسه راجع منها قبل كام يوم، زرنا فيها إقليم كيرلا بجنوب الهند مع أجمل جروب وأحلى الأوقات، اللي بصراحة فاقت كل توقعاتي وخلتني عايش 12 يوم كأنهم حلم جميل مش عايز أصحى منه 😀

الرحلة ابتدت عندي من خلال إعلان على Travel Secrets ومن خلال برنامج منظم جدا ومتسلسل بشكل رائع للساحر أحمد ربيع، مع متابعة لحظة بلحظة من بهاء لينا، بالإضافة لأهم نقطة، وهي وجود ماما ماجدة معانا اللي كان بيمثل عامل خبرة كبير جدًا لينا.

رحلتي الى مونار
رحلتي الى مونار

زرنا في رحلتي الى مونار أماكن رائعة من طبيعة الجنوب المذهلة بدأت بمدينة اتريبلي والشلالات المنعشة، مع القرود المشاكسة 😀 وسبنا القرود ورحنا لكامب أكثر من رائع في وسط طبيعة ساحرة مع نشاطات بالقوارب في النهر وعجل ومغامرات والنوم وسط الطبيعة في خيمة على النهر مباشرة، وتصحى الصبح على صوت الفيل على ضفة النهر التانية مع زقزقة العصافير ❤ .. وممكن برضه منعرفش ننام من الأصوات العجيبة في الغابة المحيطة 3:)

رحلتي الى مونار
رحلتي الى مونار

رحلتي الى مونار

بعدها نتحرك لأكثر معالم كيرالا تألقاً و بهاءً.. مونار ❤ ❤ حيث مزارع الشاي التي تكسو الجبال الشاهقة ببساط أخضر لا يوصف، بالتأكيد مينفعش نفوت فرصة صعود قمة إحدى هذه الجبال لنصل فوق السحاب ونرى شروق الشمس من أعلى نقطة يستطيع الإنسان الوصول اليها.

طبعًا مينفعش نروح الهند، ومنجربش البهارات ونركب الفيل ? يبقى لازم نعدي على بلدة تيكادي، نزور فيها واحدة من مزارع البهارات ونتعرف فيها من خلال مرشد على أنواع التوابل الهندية ونشوف أشجارها ونشتري منها، ومننساش ناخد لفة بالفيل في وسط المزارع دي  🙂

رحلتي الى مونار
رحلتي الى مونار

شاطئ كوفالم في مونار

وانت هناك إوعى يفوتك تاخد المركب اللي بتمشي بيك في النهر علشان تشوف كل الحيوانات الشهيرة وهي في بيئتها الأصلية في الغابة 😉 لازم بقى ناخد فاصل من هذه المغامرات، ونروح لأفضل شاطئ فيكي يا هند 3:) شاطئ كوفالم، ذو الفنار الأنيق والمناظر الخلابة مع أكلة سمك معتبرة بالليل تخليك تنور في الضلمة 3:)

رحلتي الى مونار
رحلتي الى مونار

خلاص ارتحنا، طب يلا بقى نزور حديقة الحيوان بتاعتهم في العاصمة الإدارية للإقليم قبل ما نطلع على مغامرتنا الجديدة في (كانيكوماري) ونشوف بقى جزء من الثقافة الهندية القديمة وعروض المسرح الكيرلاوي مع شوية شقاوة كدة من العرض الرياضي.. مشيها رياضي 😉 ، بعد ما تخلص العروض لف شوية في السوق الشعبي بتاعهم هتلاقي شوية هدايا حلوة 🙂

رحلتي الى مونار
رحلتي الى مونار

الفندق العائم في مونار

يلا بقى نروح مكان كله معابد قديمة مع جزيرتين صغيرين في آخر نقطة في جنوب الهند بيلتقي فيها 3 بحار في نفس المكان (بحر العرب وخليج البنغال ومش فاكر الثالث 3:) ) وبرضه هتلاقي سوق شعبي لذيذ 😀

قربنا نخلص رحلتنا 🙁 🙁

يبقى لازم نروح أليبي نسكن في مركب عائم ونبات فيها ليلة كلها أنتخة، نفطر ونتغدا ونتعشا واحنا على ظهر المركب ونشوف مشاهد تدعو للاسترخاء والراحة النفسية ❤ ❤ ❤ وبعدين نلم شنطنا علشان نرجع تاني لمطار كوتشين ومنه إلى أوطاننا.

 

كبسولات من رحلتي الى مونار

1- الجروب بتاعنا، كان فوق الخيال، أحسن حاجة في الرحلة كلها ❤ كنا مصريين وسوريين ومالديفيين وكوريين، جاين من مصر والسعودية والكويت والإمارات والمالديف، ميكس رائع.

2- أغلب أهل البلد بيتكلموا إنجليزي كويس جدًا.

3- المعيشة هناك رخيصة، والعملة متدنية (الدولار = 65 روبية تقريبا) كله يحول من الدولار لعملته بقى ? .

4- أهل البلد ودودين جدًا.

5-  باص بسواق فاهم شغله كويس طول الرحلة معانا ولينا احنا بس.

6- الجروب بتاعنا اللي كنا سوا، فوق الخيال، أحسن حاجة في الرحلة كلها ❤ 😉 .

7- سيارات الهند السواق بيبقى على اليمين واحنا بنركب من الشمال 3:) زي إنجلترا.

8- إوعى تفتح باب السواق وتفتكر إنك هتعرف تركب 😀 .

9- مطار كوتشين صغير ولذيذ، ويعتبر أكبر مطار في العالم شغال بالطاقة الشمسية.

10- حاسب من الأكل الحار 3:) بس جرب أكلهم، لذيذ ومختلف.

11- متنساش تجيب شاي من مونار 😀 .

12- شبكات الموبايل كلها هتغلبك .. فاشتري اي حاجة 3:)

أنصحك أيضًا بقراءة:

كيف تحصل على تأشيرة الهند في 6 خطوات : استلمها في اليوم التالي

تأشيرة الهند للسعوديين خطوة بخطوة: اعتبرها في جيبك من الآن

رمضان في الهند : الغنجي والهرير على مائدة الإفطار وتوزيع المرطبات بعد التراويح

برنامج سياحي في مدن الهند السياحية لمدة أسبوع: رحلة مصطفى توفيق

الاكلات الهندية التقليدية : تعرف على أفضل 5 أكلات في المطبخ الهندي

شاهد أيضاً

أجمل 9 اماكن في بوكيت

أجمل 9 اماكن في بوكيت : بينها معبد شالونج وجزيرة سيميلان

أجمل 9 اماكن في بوكيت | الرحالة | تايلاند تلك الدولة الساحرة الجاذبة للسياح، نظرً …

تعليق واحد

  1. I have also been to Kerala. That’s true it’s amazing and looks like a dream.
    I still cherish my best memories there.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *