الرئيسية / أوروبا / فرصة لـ السياحة في اسبانيا : 6 ساعات عمل مقابل استضافة مجانية
السياحة في اسبانيا
فرصة لـ السياحة في اسبانياالسياحة في اسبانيا

فرصة لـ السياحة في اسبانيا : 6 ساعات عمل مقابل استضافة مجانية

فرصة لـ السياحة في اسبانيا | الرحالة | كتب- مصطفى الطبجي:

السياحة في اسبانيا وزيارة برشلونة حلم بالنسبة لك؟. تقابل ميسي أو نيمار أو إنيستا ؟! عاوز تاخد صورة سيلفي في مدرجات ملعب الكامب نو زي أحمد طارق؟!. الرحالة جايب لك فرصة تحقق ده.

فرصة لـ السياحة في اسبانيا

ملعب الكامب نو - برشلونة
ملعب الكامب نو – برشلونة

فنادق في برشلونة
ملكش في الكورة؟!

طيب سمعت عن كنيسة العائلة المقدسة ونفسك تزورها ؟!

كنيسة العائلة المقدسة
كنيسة العائلة المقدسة

أو نافورة مونتجويك السحرية ؟!

نافورة مونتجويك
نافورة مونتجويك

فنادق في مدريد
ويا سلام بقى لو تتمشى في شارع لا رامبلا أشهر شوارع برشلونة

شارع لا رامبلا
شارع لا رامبلا

وفي طريقك تمر على الحي القوطي، ومنه تطبع على متحف الشمع. بقولك إيه.. إيه رأيك في أسبوعين استضافة مجانية في برشلونة ؟!

بتسأل إزاي؟!

#خليني_أقولك

هوستل في مدينة برشلونة بيعرض فرصة عمل بحد أدنى أسبوعين، وحد أقصى أربعة أسابيع
فنادق في اسبانيا
المطلوب منك الآتي:-

  • تشتغل 24 ساعة في الأسبوع (6 ساعات في اليوم)
  • غسل وتغيير ملاءات السراير
  • المساعدة في تنظيف المطبخ، الحمام، وغرف النوم

كل ده في مقابل إيه بقى؟!

#خليني_أقولك

  • 3 أيام أجازة في الأسبوع
  • إقامة مجانية
  • تخفيض على المطاعم
  • غسيل مجاني لملابسك
  • جولات مجانية في المدينة
  • حضور مجاني لأي حفلة تقام في المدينة
  • السفر في أي وقت خلال شهر مايو، يونيو، أو يوليو

الخطوة الجاية هي إزاي تلحق الفرصة دي قبل ما تضيع من إيدك؟!

أدخل على الرابط ده  واعمل Apply Now

هتلاقي عندك اختيارين، الأول Single Trip  والثاني Multi Trip

إيه الفرق بين الإتنين؟!

#خليني_أقولك

لو إنت هتسافر المرة دي فقط أو حابب تجرب يبقى تختار Single Trip، وده هيكلفك 50 دولار للرحلة.

أما لو إنت غاوي سفر ومقطع جواز السفر حتى ذيله. ومخطط لنفسك كل فترة تسافر مكان جديد. يبقى تختار Multi Trip، وبرضه هتكلفك 50 دولار.

وبالمناسبة ده عرض كويس. أوقات الـ Multi Trip سعرها بيكون ضعف الـ Single Trip.

مش محتاج أفكرك إنك لازم يكون معاك بطاقة ائتمانية وتكلفة السفر عليك.

طبعا مش محتاج أقولك إنك لو من عشاق النادي الملكي ريال مدريد. فده لا علاقة له بالفرصة دي، سافر واكتب لـ الرحالة عن تجربتك. ولما ترجع بالسلامة إبقى شجع ريال مدريد واهتف لـ رونالدو براحتك.

شاهد أيضاً

افضل فنادق ميونخ

افضل فنادق ميونخ

افضل فنادق ميونخ | الرحالة | ميونخ، المدينة العريقة، العاصمة الخفية لالمانيا، مدينة الأديرة والكنائس …