الرئيسية / أمريكا الجنوبية / عمر مختار يكتب مغامرته في البرازيل: حصلت على رحلة للمغرب مجانًا

عمر مختار يكتب مغامرته في البرازيل: حصلت على رحلة للمغرب مجانًا

رحلة- عمر مختار:

أنا هحكي لكم عن أحلى رحلة في حياتي، مع العلم إني سافرت 42 دولة، بس دي كانت أحسنهم، وهي البرازيل. في البداية مكنتش أصلا بفكر أروح البرازيل عشان بعيدة والتذاكر غالية جدًا، بس كان لي ناس أصحابي هناك، وكان نفسي أروح لهم، بدأت أشتغل على الڤيزا، هي بتقعد أسبوع بس وسهلة جدًاو تكلفتها 160 جنيه، يمكن بقت أكتر الأيام دي.

أخدت الڤيزا لمدة 90 يوم من وقت وصولي إلى البرازيل، المهم كنت مستعد أسافر في أي وقت لحد ما اتصدمت بالواقع، ولقيت التذكرة بـ 14 ألف جنيه، قعدت أدور على كل رحلات الطيران من كل الشركات اللي موجودة في أفريقيا عشان تبقى رخيصة، كان أحسنهم ethiopian airlines كانت بـ 12 ألف، لحد ما لقيت تذكرة على الطيران المغربي بـ 7000 جنيه حجزتها فورا.

حجزت studio هناك للإقامه في مكان أمان اسمه barra da tijuca وده حاجه زي التجمع هنا، منطقة جديدة، عشان البرازيل في أماكن كتير خطر، المهم وصلت transit المغرب المفروض يكون 5 ساعات، بس الشركة خلتها 11 ساعة، قلت مش مشكلة، كله يهون عشان البرازيل.

وصلت sao paulo وأنا كنت رايح Rio de Janeiro وكنت حاجز طيران داخلي ما بين المدينتين، بس عشان الرحلة اتأجلت فأجلوا كمان رحلتي إلى rio وخلوني أقعد حوالي 11 ساعة كمان، المهم قعدت لفيت شوية في sao paulo لحد لما رحت rio بعد 32 ساعة سفر ما بين transit وطيران.

نزلت كان هناك الصبح بسبب فرق التوقيت، قعدت في البرازيل حوالي شهر ونص، الأغلبية كانت في rio، أجمل مكان على الأرض، حتي قلت لهم هناك، إنتم متستهلوش الأرض دي، نظرًا للإجرام الكتير اللي هناك.

لازم تكون مخلي بالك من كل حاجة، لأن الحرامية كتير هناك، ومفيش حد بيتكلم english غير أصحابي اللي قابلتهم ? نزلت أخطر مكان هناك وهو favella اسمها city of god وfavella معناها منطقة عشوائية بالبرتغالي، لقيت العيال الصغيرين بيعملوا مخدرات الكوكايين وكله وماسكين أسلحة وعندهم بحيرة تماسيح جوه.

الأطفال بيلعبوا كرة شراب، لعبت معاهم وكان نفسي أصورهم بس ممنوع هناك التصوير في city of god بس في فيلم معمول باسم city of god وده من أحسن الأفلام في التاريخ، بيوضح كل حاجه جوه، المهم خرجت بسلام.

رحت تقريبًا كل الأماكن sugar luff وده اسم لجبلين بينهم telefric كله قرود صغيرة في الطريق وحرامية كمان عندهم اسم لعصابة القرود دي هناك بس نسيته ? رحت حضرت ماتش في الدوري البرازيلي بين santos و botafogo الناس دي بتعشق الكرة، تمشي في أي مكان تلاقي بنات وولاد بيلعبوا في الشارع.

دخلت آكل من mac مرة لقيتهم بيرقصوا كلهم، شعب مبهج وجميل بس ناقصه الأمان شويه، غير كده فهي أحلى بلاد العالم، إنك تشوف الجبال قدامها المحيط مع شواطئ زي copa cabana وipanema دول أحسن شواطئ هناك، وهتلاقي مطاعم قدامهم حلوة جدا.

البرازيل غالية زي أوروبا تقريبا، بس هي تستاهل كل الفلوس اللي هتدفعها، ودي البلد الوحيدة اللي بجد بكيت وأنا ماشي منها، كان نفسي أكمل حياتي هناك بدون مبالغة. كفايه إنك تقعد قدام المحيط وتاكل موز مقلي ?

الجو هناك حر جدًا، بس في شهر 8 الجو بيكون لطيف لنا، ليهم بيكون شتاء، قررت أخيرا إني أرجع مع إني كنت بحاول أقعد هناك وأكمل تعليمي من كتر ما البلد حلوة، بس رجعت على المغرب، وحصل اللي كنت متوقعه، إن الرحلة تأخرت والطيارة بتاع مصر طلعت.

قعدت أدور عن القاهرة على الـ board ملقتهاش في مطار محمد الخامس في Casablanca سألت المسؤول هناك قالت لي، الطيارة اللي رايحة القاهره كمان 4 أيام، أيوه صح 4 أيام ? والشنطة هتفضل عندهم.

بدأت أحس إني فعلا راجع مصر ? المهم قالوا لي انت هتقعد في hotel المطار ومش هينفع تخرج بره البلد، المهم اتخانقت معاهم، وفي الآخر منمتش في hotel حتى، نمت علي كنبة في المطار ? صحيت تاني يوم اتخانقت معاهم لحد لما إدوني تصريح بدخول البلد، دخلت اشتريت شوية حاجات عشان كان معاهم شنطتي، وقعدت أتفسح شوية في المغرب لحد لما رجعت على مصر وديه كانت نهاية رحلة البرازيل.

شاهد أيضاً

السفر التطوعي إلى تايلند

السفر التطوعي إلى تايلند : تجربة فرات سامي في التطوع بمزرعة تايلاندية

السفر التطوعي إلى تايلند | الرحالة | رحلة- فرات سامي:   ابتديت يومي الرابع في …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *