fbpx
الرئيسية / أوروبا / عمر مختار يكتب رحلته إلى بلاد البلقان السبعة: انتهت في اليونان

عمر مختار يكتب رحلته إلى بلاد البلقان السبعة: انتهت في اليونان

رحلة- عمر مختار:

بداية الرحلة دي كانت غريبة شويه. كنت مرتب كل حاجه على إني طالع أمريكا، وخدت الڤيزا وكل حاجة، بس قبل السفر بأسبوع كل حاجة تغيرت نظرا لارتفاع سعر الدولار، فجأه وكمان البنوك كانت حاطه limit قليل فقررت إني أسافر لي مكان تاني.

كان طول عمري interested في دول البلقان اللي هم: البوسنة، كرواتيا، صربيا، مقدونيا، ألبانيا، مونتيجرو واليونان. وكان نفسي أروحهم كلهم عشان أعرف الناس دي عايشه إزاي، وإيه فكرهم بعد الحروب الكتير اللي عانوا منها، في البداية.

قررت إني أروح كرواتيا ورحت العاصمة هناك مع إنها مش مدينة سياحية، بس أنا بحب دايما أروح العواصم، عشان أعرف الناس أكتر، رحت في الشتاء وده مش وقت كويس إنك تروح هناك فيه، كنت أنا السائح الوحيد هناك تقريبا.

حضرت نفسي وكانت أصعب visa آخدها، قعدت 21 يوم عشان تطلع وطلعت 12 يوم بس، حضرت نفسي وجبت ال ticket وطلعت، عرفت ناس كتير هناك والناس هناك فعلا كويسين جدا، والبلد كانت رخيصة جدا.

الرحله كلفتني بكل حاجة طيران وكله 10000 في الـ 12 يوم، مع العلم إني عملت كل حاجة هناك، عرفت الناس دي بتفكر إزاي وعايشين إزاي وأكلهم وبيشربو إيه كمان، بعدين قررت في رحله تانية اللي هي كانت بدل امريكا إني أسافر لبقية دول البلقان.

البداية كانت في صربيا، كان الأيام دي فيه مشاكل في الـ limits بتاعة البنوك، بس البلاد دي كانت رخيصة جدا. صربيا مختلفة عن أي بلد، من أحلى البلاد اللي رحتها، الناس كويسين بس مغرورين شوية، لأن كان عندهم تاريخ كبير زمان، وعندهم إحساس إنهم أحسن من أي حد من دول البلقان، عشان العاصمة بتاع يوغوسلافيا قبل ما تتفكك كانت بلجراد، عاصمه صربيا حاليا.

المهم كان الأكل هناك أحلى حاجة، وسهل تعمل أصحاب كتير، بس حاجتين مينفعش تقولهم هناك، إنك بتحب كرواتيا أو ألبانيا، عشان الصرب بيكرهوا البلدين دول قوي، نظرا لظروف الحروب.

بعدين قررت أروح مونتيجرو (الجبل الأسود)، دي من أحلى الأماكن في أوروبا، حاجة زي ibiza بس أرخص بكتير، وعجبتني أكتر من ibiza كمان، هي مكان للحفلات والسهر والطبيعة وكل حاجة. رحت بلد هناك اسمها herceg novi لو حد سألني رحت هناك ليه وازاي هقولك معرفش، دي زي مكان لازم تنزل من المطار تركب bus وبعدين سفينة توصلك.

المكان شبه دهب شويه، بس عائلي، كنت هناك في بيت عيله واخد room عشان كده أرخص بكتير والناس كانو كويسين جدا وكانو بيحبوني كمان ? المهم رحت بعد كده مكان اسمه budva وده ركبت super jet عشان أروحه، ودي أحلى بلد تتراح، كل حاجة موجودة هناك، سهر وبحر وكل حاجة في ibiza وأحسن كمان.

المهم خدت bus ورحت على ألبانيا، بس بلد كده على الحدود، ودول ناس مسلمين كلهم وطيبين جدا، كان غريب إني أشوف جوامع في أوروبا بعدين قررت إني أروح كوسوفو، اللي كل الحروب دي مع صربيا وألبانيا بسببها. هي بلد جميلة، بس كل اللي فيها حاليا من ألبانيا، بس صغيرة، ومفيش حاجات كتير تتعمل، هي انفصلت وبقت دوله مستقلة.

بعدين روحت مقدونيا، ودي كانت من أحلي البلاد برضه جبال وسهر وكل حاجة، بعدين قررت إني أرجع صربيا، رحت بلد جديدة غير العاصمه اسمها novi sad ودي كانت أكبر تاني بلد هناك، وأحلى من العاصمة.

سافرت بعد كده اليونان، في أثينا قعدت يوم بس، مع العلم إني رحتها قبل كده، وعارفها كويس. اليونان من أجمل البلاد، بس هتكون مش مختلفه كتير نظرا لأن الناس فيها بعض من عاداتنا، المهم إني كسبت أصحاب كتير من الرحلة دي، وتكلفتها كانت بسيطة، وفي رأيي إن أجملهم صربيا، كرواتيا والجبل الأسود. المشاكل بين الدول دي عمرها ما هتنتهي بس مش هقول رأيي هنا إن مين فيهم الصح عشان ده تقرير مش سياسي.

شاهد أيضاً

قصر فرساي

قصر فرساي : نصحبك في جولة داخل أهم معلم سياحي في فرنسا

قصر فرساي | الرحالة |   كل شئ يثبت أنه مبنى استثنائي ويمتلك إبداع خاص …