الرحالة و المسافرون العرب

شهر العسل في جزيرة بوكيت | لهذه الأسباب تم اختيارها وجهة مثالية لشهر العسل

شهر العسل في جزيرة بوكيت | الرحالة | رحلة- بهاء فاروق:

 

اللي زار تايلاند ومزارش بوكيت, يبقى لسه مشافش تايلاند، بوكيت هي أشهر وجهة سياحية في تايلاند وتعد الوجهة المثالية لقضاء شهر العسل في جزيرة بوكيت

 

السفر الى بوكيت بيكون بطيارة من بانكوك والمسافة بالطياره حوالي ساعة وربع, وفي أكثر من شركة بتروح من بانكوك إلى بوكيت زي تاي اير ونوك اير وبانكوك اير واير آسيا.

 

بوكيت فيها شواطئ كتير زي كاتا وكارون وكمالا وبانج تاو وأشهرهم طبعا شاطئ الباتونج ( شفت خليج نعمة في شرم أهو الباتونج ده خليج نعمة بتاع بوكيت).

 

شهر العسل في جزيرة بوكيت

شهر العسل في جزيرة بوكيت
شهر العسل في جزيرة بوكيت

الفنادق في بوكيت بتناسب كل الأذواق والمستويات لكن أنصحك أنك تسكن في شاطئ الباتونج جنب مجمع الجونسيلون لأن ده جنب المطاعم العربية ويبعد عن البحر وشارع البنجلا (مكان السهرات بالليل) حوالي 3 دقايق. ومناسب لرحلة شهر العسل .

 

عموما شاطئ الباتونج بالكامل تقدر تلفه كله مشي ومش هتحتاج فيه انك تركب أي مواصلات. مع العلم إن المواصلة الأشهر هناك هي التوك توك وبكل جدارة, ولكن التوك توك هناك مدلع أخر دلع

 

شهر العسل في جزيرة بوكيت

 

بوكيت بتتميز جدا بتنوع رحلاتها ما بين جزر وطبيعه ومغامرات ولكن أشهر رحلاتها:

 

السفر الى تايلاند | السياحة في تايلاند | اماكن سياحية في تايلاند | فنادق تايلاند

 

السفر الى بوكيت | السياحة في بوكيت | فنادق بوكيت | رحلات بوكيت

 

رحلة جزيرة كورال وجزيرة رايا في بوكيت

 

ودي بتروحها بالسبيد بوت وميزتها انها قريبة من بوكيت مش بعيدة فبتقضي معظم الوقت تستمتع بالجزيرة مش زي بي بي آيلاند، وفيها بتحس كأنك دخلت بوستر من بوسترات تايلاند وعايش وسط جزر الأحلام بين المياه الزرقا والرمال البيضاء والنخل على الشاطئ ونسمة الهواء العليلة ??☀ B| ومناسبة جدا لرحلة شهر العسل في بوكيت

 

رحلة جزيرة جيمس بوند تناسب شهر العسل في جزيرة بوكيت

 

ودي مختلفه تماما عن كورال ايلاند في بوكيت لأن بتروح في رحلة بين الطبيعه والجبال والمغامرات في وسط البحر, بتدخل جوا كهوف مائيه وتشوف تكوينات صخور بقالها ملايين السنين , وتمشي بالمركب جوا غابات المانجروف. ومناسبة لرحلة شهر العسل .

 

طبعا بتزور الجزيرة الأشهر في بوكيت وفي تايلاند كلها تقريبا جزيرة جيمس بوند وسموها كده علشان اتصور عليها فيلم من أفلام جيمس بوند man with the golden gun, وللعلم الجزيرة دي كلها مسلمين.

 

جولة شهر العسل في جزيرة بوكيت

 

وبتزور فيها معالم الجزيرة زي الفيو بوينت ودي مهمة عشان صور رحلة شهر العسل في بوكيت ، ومعبد وات شيلونج وبودا الكبير وده موجود في أعلى نقطه في الجزيرة. وبتزور مصتع الألماس ومصنع الكاجو ومدينة بوكيت القديمة.

 

رحلة الفانتاسي في بوكيت

 

ودي سهره في عالم الأحلام , عباره عن عرض مسرحي ضخم ( من أكبر 10 عروض على مستوى العالم ) بتتفرج على مسرحيه عن قصة امير كمالا وازاي الشيطان خطف حبيبته وراح حررها بمساعدة الاله الفيل ( حسب معتقداتهم ).

 

طبعا قصه خرافيه ولكن عرض مبهر بيشترك فيها الحيوانات والأفيال ? وعروض الليزر والصوت في عرض مسرحي هو الأضخم من نوعه في تايلاند , وانصح أي حد بيزور بوكيت انه يزوره , لأنها تجربه مش حتتكرر كتير في العمر , المشكله ان تذكرته غاليه شوية وهي بحوالي 450 جنيه للفرد.

 

رحلة الرافتنج وركوب الأفيال

 

طبعا لازم يبقى ختامها مسك , ودي الصراحه أحلى رحلة في بوكيت للشباب اللي بتحب المغامرة , وفيها بتركب قارب مطاطي يسع 6 اشخاص ( 2 منهم من الشركه ) وبتمشي لمسافة 5 كيلو في نهر سريع بتنزل في شلالات وتدخل في أماكن بين صخور وتدخل في دوامات مائية (رحلة بالفعل ممتعه ).

 

واطمنوا أمنه جدا جدا . بعديها بتروح تركب الأفيال وسط ادغال بوكيت لمدة نص ساعه , وتتفرج على الغابات والحيوانات , وبعديها بتركب بيتش بجي لمدة نص ساعه . وفيها كمان عروض للأفيال والقرود وبتزور الشلالات وحديقة النباتات الاستوائية . من الاخر رحلة لا تفوت.

 

رحلة جزيرة بي بي في بوكيت

 

رحلة لطيفه لأنها الأشهر في بوكيت ولكن ليست الأفضل وده للأسباب التالية:

  • بعيده عن بوكيت حوالي 50 دقيقه بالسبيد بوت.
  • بتعد على كل جزيرة حوالي 40 دقيقه فقط مش بتلحق تعمل حاجه.
  • لو الجو هوا وفيه موج , يبقى ليلتك زي الفل.
  • ولأنها الأشهر فهي زحمه جدا جدا . الصراحه لا أنصح بيها بالمرة.

رحلة طرزان في بوكيت

 

ودي تعتبر من أحدث رحلات بوكيت , وفيها بتعيش حياة طرزان وسط الغابات وبتتنطط بين الأشجار عن طريق حبل , طبعا رحلة تصلح للشباب الجامد اللي بتحب المغامرات. بوكيت فيها رحلات تانيه كتير أوي زي البانجي والرماية والجو كارت .و لكن دول أشهر رحلات تناسب شهر العسل وكمان العائلات.

 

الحياة الليلية والتسوق في بوكيت

شهر العسل في جزيرة بوكيت
شهر العسل في جزيرة بوكيت

بالنسبه للسهر في بوكيت: فطبعا أشهر شارع هو شارع البنجلا أو شارع جهنم ( زي ما الخليجيين بيسموه ) طبعا واضح من اسمه حتشوف فيه ايه.

 

نصيحه في بوكيت أوعى تعمل شوبنج لأن أسعارها أغلى 3 أضعاف من بانكوك , وبالنسبه للأكل ففيه مطاعم عربيه زي مطعم القاهره ودبي والشرق , وفيه كمان محلات شاورما مسلمين كتير وكمان فيه مطاعم فاست فود ممكن تسألهم عن الأكل الحلال , ومطاعم السي فود مغرقه بوكيت.

 

شهر العسل في جزيرة بوكيت

 

بخصوص اللي رايحين شهر العسل في جزيرة بوكيت , وعاوزين شوية رفاهية وخصوصية , فيه فلل بحمام سباحه خاص , ودي فعلا دنيا تانيه من الرفاهيه . لكن نصيحه لو حتروح بوكيت علشان تسمتع بيها, متقضيش كل وقتك في فيلا بحمام سباحه لن اسعاره بردو مش رخيصة, لكن حاول تقسم وقتك ما بين الفيلا والفندق علشان تطلع منه الرحلات.

 

نصيحه مهمه لحجز الرحلات السياحيه: لو رايح بردو تقضي شهر العسل في جزيرة بوكيت وتحديدا بوكيت متجازفش وتحجز من اي مكتب في الشارع، لأن فيه شركات كتير بتطلع الرحله وفيه فرق كبير في مستوى الخدمات ما بين شركه والتانيه.

 

فممكن تفتكر انك طلعت شاطر ووفرت 50 جنيه مثلا , لكن يلبسك في رحلة بمستوى خدمه زي الزفت ويخليك تكره اليوم ده اصلا , انت مش حتروح تايلاند كل يوم , فلو رحت ظبط رحلتك كويس أوي وأحجز مع شركات موثوق فيها 😉 لأن اليوم اللي بيروح في رحلتك مش حيرجع تاني.

التعليقات مغلقة.