fbpx
الرئيسية / أوروبا / شركات السفر | الاعلانات السياحية شيقة ولكن هل هي بداية حقا لرحلة ممتعة؟
شركات السفر

شركات السفر | الاعلانات السياحية شيقة ولكن هل هي بداية حقا لرحلة ممتعة؟

شركات السفر | الرحالة |

بلاش نجري ورا أي إعلان والسلام، اليومين دول انتشرت قوي بوستات شركات السفر وإعلانات عن السفر لجزيرة قبرص في أوقات زي رأس السنة أو في إجازه نص السنة.

في الاعلان بيقولوا إن قبرص ضمن الاتحاد الأوروبي وإن فيزتها منفصلة عن شنجن وانك ما تروحش السفارة وهم هيجيبوها، تعالوا نحلل شوية نقط.

شركات السفر

– أولا موضوع انك تسافر جزيرة في شهر ديسمبر أو يناير ده جنان رسمي لأن حضرتك بتسافر الجزر ليه؟ ، علشان البحر وانت أصلا مش هتنزل بحر في إسكندرية في الوقت ده، علشان الجو يبقي تلج.

تسافر جزيرة في أوروبا درجه الحرارة أقل من 10مئوية وتنزل البحر؟ أكيد لا.

اعلانات سياحية

– طيب مفيش بحر انت فكرك في الجزر دي فيها إيه يتعمل غير البحر, مزارات؟ طبعا قليلة جدا غير بقي ليماسول تتلف علي الرجلين.

يعني مفيش ولا شوبينج ولا مزارات عدلة ، يعني 5 أيام زهق في زهق ، غير جو مطره ورعد وبرق وسقعة، غير بقي اليورو بكام يا حلو؟ بـ 8.5 جنيه يعني هتصرف كام بقى.

شركات السفر

– ثانيا اللي بيروجوا إنها داخل الاتحاد الأوروبي وإن فيزتها هتساعدك تاخد شينجن بعد كده.

لا يا سيدي فيزتها ولا ليها أي لزمة زيها زي تركيا، لأنها فيزا سهلة جدا وملهاش أي متطلبات كثيرة وبدليل إن شركة السياحة بتجيبها ليك.

انت مش بتروح السفارة وبلدان شنجن مش هبله إنها تعتبر انك واخد فيزا بلد انت ما قدمتلهاش أي ورق مهم أو حتى رحت السفارة تبقي فيزا مهمة.

شركات السفر

يبقي فاضل إيه علشان نسافر في عز الشتا جزيرة جوا ميه ، أنا أقولكم روحوا في الصيف عادي فيه نشاط إنما الجزر دي في الشتا مفيهاش مخلوق بيروحها فبلاش تتخدعوا وتطلعوا أو تقولوا فيزتها مهمة في الباسبور.

دي نصيحة يا جماعة وياريت نفكر في أي اعلانات سياحية لـ شركات السفر قبل التسرع في الحجز ونروح نقضي الرحلة كلها في غرفة الفندق 😀

هذا التقرير منشور بالاتفاق مع صفحة Travel Secrets

شاهد أيضاً

افضل فنادق انترلاكن

افضل فنادق انترلاكن

افضل فنادق انترلاكن | الرحالة | مدينة انترلاكن في سويسرا، تقف الكلمات عاجزة عن وصف …