fbpx
الرئيسية / آسيا / رحلة في سنغافورة بلد الغرامات: 500 دولار عقوبة الشرب في المترو

رحلة في سنغافورة بلد الغرامات: 500 دولار عقوبة الشرب في المترو

رحلة في سنغافورة بلد الغرامات | الرحالة | رحلة- قاسم شاكر:

رحلتي لسنغافورة بدأت بحجز على طيران القطرية قبل موعد السفر بأكثر من شهرين، الحجز كان تذكرة لكوالالمبور في ماليزيا، اللي وصلتها بعد ما نزلت ترانزيت في مطار حمد الدولي بالدوحة، ومنه لكوالالمبور.

وصلت ماليزيا، غيرت دولار من مكتب الباصات بسعر أقل بكثير من الصرافة.

حجزت باص على كوالا سنترال بـ١٠ رينجت. وصلت بعد ساعة، كنت جعان جدًا. كوالا سنترال دى زى محطة رمسيس مثلا، بس على نظيف، فيها مول ضخم ومحطة مترو مركزية، نزلت الدور الأرضى اشتريت أكل وعصائر من الماركت وركبت المترو للفندق.

رحلة في سنغافورة بلد الغرامات

في ماليزيا، رحت شارع العرب ومعابد كتير هناك وحديقه الطيور والنافوره الراقصه والبرجين، لكن الأكل عن صعب شوية، وهو صعب عمومًا في كل آسيا.

من كوالالمبور، كنت حاجز على طيران إير آسيا لسنغافورة، وكنت حصلت على تأشيرتها من خلال وكيل لسفارتها بالقاهرة، بـ 30 دولار أمريكي، بالإضافة لعمولة الوكيل.

رحلة في سنغافورة بلد الغرامات
رحلة في سنغافورة بلد الغرامات

مطار سانغي الدولي

المهم وصلت مطار سانغى الدولي. جوزات المطار بتسأل أغلب العرب والأفارقه القادمين إليها أسئلة للتأكد من غرض دخولك البلد، كنت مستعد بحجز فندق مؤكد، وحجز طيران للعودة مؤكد، ومبلغ ١٠٠٠ دولار أمريكي، وتم السماح لي بالدخول.

المترو هنا 5 أدوار وخطوط متعددة، لازم تعرف هتمشى ازاى بالظبط، تذكرة المترو بـ ٢.٤٠ دولار سنغافوري، وهو الأساس في المواصلات لأن التاكسي غالي جدًا.

نزلت فى فندق غالي شوية لأنه أمام محطة المترو في الحي الصيني, النظافة هوس موظفي الفندق على مدار اليوم.

أسد النافورة

سنغافورة  بلد صغير جدا، مساحته حوالي ٦٠٠ كيلو متر مربع. أشهر الأماكن فيها أسد النافورة، وده أشهر مكان سياحي فى البلد وهو الرمز الوطنى هناك، إضافة إلى الأبراج ذات حمامات السباحة العلوية، ودي تعتبر ثانى أشهر مكان سياحي، إلى جانب المولات والحدائق.

الأكل يا جماعة هنا غير حلال تمامًا، أنا كنت معتمد على الفواكه بشكل أساسي، أكلهم صينى عموما.

بلد الغرامات

لازم تلتزم بالقانون في سنغافورة لأن الغرامات غالية جدًا، يعني عقوبة تناول الطعام أو الشرب في المترو

٥٠٠ دولار، عقوبة رمي القمامة في الطريق ٥٠٠٠ دولار، وعقوبة تخريب الأماكن العامة ٣٠.٠٠٠ ألف دولار أو الحبس.

شاهد أيضاً

رحلتي الى جزيرة بوكيت

رحلتي الى جزيرة بوكيت : تجربة فتاة مصرية عمرها 19 عامًا

رحلتي الى جزيرة بوكيت | الرحالة | رحلة- بسمة محمود:   أنا بسمة 19 سنة، …