الرحالة و المسافرون العرب

حجاجوفيتش ينعى موجكا مايا : عمرها 20 عاما وزارت 30 دولة

حجاجوفيتش ينعى موجكا مايا | الرحالة |

نعى الرحالة المصري أحمد حجاجوفيتش، الرحالة الكرواتية موجكا مايا، بنت الـ 20 ربيعًا، والتي زارت أكثر من 30 دولة حول العالم.

وقال حجاجوفيتش في تدوينة على صفحته على موقع التواصل الاجتماعي “فيس بوك”: “الحياة حلم يوقظنا منه الموت، دي مقولة صحيحة مليون في ال١٠٠ وموچ‍كا مايا البنت الكرواتية اللي في الصورة مثال على كده. “موچ‍كا” توفت وعندها ٢٠ سنة، كانت شخصية أكتر من رائعة وكان كل أصحابها بيسموها “البلسم” من كتر ما هي كانت طيبة وعلي طول مبتسمة وعمرها ما زعلت حد وكانت لما تروح أي مكان بتكون زي النسمة الرقيقة”.

حجاجوفيتش ينعى موجكا مايا

وأضاف حجاجوفيتش: “موچ‍كا كانت تعشق المغامرة وسافرت أكتر من ٣٠ دولة وعملت سكاي دايفينج (القفز بالباراشوت من الطيارة) أكتر من ٢٥ مرة وكانت كل مرة تقول: أنا خايفة جداً إن الباراشوت ميفتحش وأنا في الهواء بعد لما أنط من الطيارة وأموت، وأنا عندي أحلام كتيرة قوي لسة عايزة أعملها في حياتي”.

وتابع الرحالة المصري:”لكن الموت بييجي في لحظة، “موچ‍كا” كانت راكبة عجلتها ورايحة الجامعة بتاعتها مع أصحابها في مدينة زغرب عاصمة كرواتيا وفجأة الجادون اتزحلق من إيديها ووقعت علي الأرض، أصحابها افتكروا إن مفيش حاجة خالص لأن سرعتهم كانت بطيئة جداً ولكن قدر ربنا إن الوقعة البسيطة دي تكسر رقبتها وتموت في نفس اللحظة”.

وأشار أحمد حجاجوفيتش إلى أن الحكومة الكرواتية قامت بعمل تمثال برونزي لموچ‍كا ووضعته في نفس المكان الذي توفت فيه، وأطلقت على التمثال “وردة زغرب” تقديرًا واحترامًا لروحها، وقال: “فعلا يا جماعة الدنيا دي ملهاش أمان، الواحد ممكن يموت في أي لحظة بدون أي أسباب وبطلت بسبب سن أو مرض أو أي حاجة”.

حجاجوفيتش ينعى موجكا مايا

حرصًا منا على تقديم أفضل خدمة للقارئ.. إذا كان لديك أي مشكلة مع محتوى التقرير، بخصوص معلومات غير صحيحة أو منسوخة من موقع آخر، أو وجود معلومات تعتقد أنه من المفيد إضافتها، يرجى استخدام هذا النموذج لإفادتنا بالشكوى أو التصحيح أو الإضافة.

التعليقات مغلقة.