fbpx
الرئيسية / آسيا / وفر 75% من تكلفة السفر الى اسطنبول : 4 برامج سياحية بينها رحلة بورصة
تكلفة السفر الى اسطنبول

وفر 75% من تكلفة السفر الى اسطنبول : 4 برامج سياحية بينها رحلة بورصة

تكلفة السفر الى اسطنبول | الرحالة | تجربة: بهاء فاروق، عمرو شريف وأحمد البدوي:

ناس كثيرة طلبت موضوع عن رحلات إسطنبول، وبناء علي طلبكم عملنا الموضوع ده، إزاي لوحدك ودون الاعتماد على شركات السياحة، تقدر توفر أكتر من 75% من تكلفة السفر الى اسطنبول

1- وفر 75% من تكلفة السفر الى اسطنبول – رحلة بورصة

رحلة بورصة طبعا، من أحلى الرحلات في تركيا، وسعر شركات السياحة للفرد 100 دولار واحنا هنقولك إزاي تطلعها مع نفسك بربع التمن.

لازم نعرف إن فيه طريقتين للوصول إلى بورصة بتكلفتيين مختلفين:

فيزا تركيا للسعوديين
فيزا تركيا للسعوديين

الطريقه الأولى لتوفير 75% من تكلفة السفر الى اسطنبول في رحلة بورصة

1- بركب الـ f1 لغاية كباتاش.

2- هناك في ميناء للمراكب وبتروح أماكن كتيرة، الشركة اسمها bursa budo وبتحجز تذكرة للذهاب فقط عشان لو عجبك الجو في بورصة متتربطش بميعاد الرجوع.

3- التذكرة تكلفتها 25 ليرة بتنزل في ميناء ميدونا، أول ما بتنزل في ناس هتقعد تعمل معاك عروض ويقولك حوارات، نفض لهم خالص.

4- هتلاقي كشك كده هتقطع منه تذكرة ذهاب وعودة لأتوبيس f3 اللي بيروح جبل أولدوغ، مكان التلفريك المشهور.

5- أهم حاجة في أتوبيس الـ f3 انك تقطع تذكرة ذهاب وعودة لأن العودة بتباع في سوبر ماركت هناك وهتلف لفة كبيرة عشان توصل له.

6- بتحجز تذكرة التلفريك بـ 30 ليرة للفرد، وبكدة تكون طلعت الرحلة لوحدك وما ارتبطش بحد ولا بمواعيد وبأسعار أقل كتير عن شركات السياحة.

تكلفة السفر الى اسطنبول
الرحلة كلفتني للفرد حوالي 34 دولار، وهي كالتالي:

1- من كاباتاش لميناء ميدونا في بورصة 50 ليرة ذهاب وعودة.

2- من ميدونا لجبل أولدوغ اللي فيه التلفريك بالباص 16 ليرة ذهاب وعودة.

3- تكلفة التلفريك 30 ليرة للفرد 50 +30 +16 = 96 بالليرة ( يعني32 دولار).
في ملحوظة بخصوص بورصة، إنك لازم تركب من كباتاش عشان تروح ميدونا وتركب الـ f3 اللي بيوصلك للتلفريك لو ركبت من منطقة تانية هتنزلك ميناء تاني خالص وهتتسحل 😀

الطريقه التانية لتوفير 75% من تكلفة السفر الى اسطنبول في رحلة بورصة

1- تركب مع شركه تانيه اسمها ido bus من ميناء يني كابي yenikapi, ودي لو في تقسيم بنركب المترو رقم M2 وبتزل في يني كابي وعلى فكرة لو حجزت أون لاين التذكرة قبل السفر بتبقي رخيصه جدا.
2- هتنزل في ميناء Güzelyalı ودي علي بعد 20 كيلو من بورصة والمركب بتوصل لها في 80 دقيقة.

3- لما بتنزل المينا بتاخد أتوبيس بـ 3 ليره يوديك محطه المترو اللي اسمها Organize Sanayi وده بياخد وقت 30 دقيقة علشان توصل.

4- بعدين تنزل في محطه Şehre Küstü برضه المترو هياخد 30 دقيقة.

5- لما تنزل هتلاقي نفسك في السيتي سنتر بتاع بورصة، الشوارع القديمة والأسواق، وحته زي خان الخليلي، أنصحك تزورها وتلف فيها شويه حلوين، وفي أسواق في الشوارع بتبيع لبس وحاجات بسعر معقول جدا.

6- بعد كده تركب ميكروباص أو باص مكتوب عليه تليفريك في خلال 15 دقيقة توصل بـ 2 ليرة.

بوابة السفر و السياحة في تركيا
بوابة السفر و السياحة في تركيا

تكلفة السفر الى اسطنبول في رحلة بورصة

26 + 30+14 ( ليرة) مواصلات رايح جاي ( باص+ مترو + باص) =70 ليرة (يعني 23 دولار)
رحلة بورصة مرهقة قوي لأن مركب 80 دقيقة+ 60 دقيقه مترو وباص+ 15 دقيقة للتلفريك+ انتظار تليفريك+ لف في السيتي سنتر يعني هتتفحت مشي.
وعلي فكرة خد بالك، التليفريك الطابور بتاعه ممكن يكون زحمة جدا، وتقف ساعة أو أكثر كمان فجهز نفسك للموضوع ده، وخد معاك حاجه تسليك زي كتاب مثلا.

والتليفريك بيقف في النص وهو طالع وتنزل تاخد تليفريك تاني، لأن المسافة لفوق طويلة جدا، حوالي 9 كيلو، واطمن لما توصل فوق هتنسى كل التعب ده.

لأنك هتلاقي حاجات كثير قوي تشوفها زي قمة الجبل وغالبا بيكون علية ثلج , وكافتيريات ومطاعم وكم سوبر ماركت وطبيعة وغابات.
و ده لينك بتاع المركب للحجز: إيدوبودو | وده موقع التليفريك بالعربي

اقرأ أيضًا: الاسواق في اسطنبول | دليلك للتعرف على أهم المراكز التجارية و الاسواق في اسطنبول

2- وفر 75% من تكلفة السفر الى اسطنبول – جزر الأميرات

جزر الأميرات
ودي سعرها مع شركات السياحة في حدود 50 إلى 60 دولار للفرد, تصدق إنك ممكن تطلعها لوحدك بسعر 4 دولار فقط, هقولك ازاي 🙂
1- بتركب برضه مركب من كباتاش بجانب شركة budo وهتلاقي مكتوب بالعربي جزر الأميرات، الموضوع سهل خالص، سعر التذكرة 6 ليرة فقط للذهاب.

2- المركب بتعدي على 6 جزر بس مش بتقف غير في جزيرتين هتنزلوا آخر جزيرة اللي هي أكبر جزيرة وفيها كل الخدمات واللي انت هتحتاجه.

3- ممكن تركب حنطور وده سعره 75 ليرة وبيشيل لغاية 5 أفراد ممكن تركب مع حد أو تركب لوحدك.

4- في تأجير عجل الساعة بـ 10 ليرة للفرد وبعد ما تقضي يومك الجميل هناك هترجع تقطع تذكرة ب 6 ليرة للعودة.
الميزة في الرحلة إنك مش هترتبط بمجموعة والانتقالات للفرد 12 ليرة فقط وأعتقد الفرق واضح 😉

3- وفر 75% من تكلفة السفر الى اسطنبول – رحلة البوسفور

منحة مجانية لـ السفر الى تركيا
تمنها في شركات السياحة 25 دولار, انت تقدر تطلعها لوحدك بسعر 5 دولار يعني تكلفة الفرد من 10 لـ 15 ليرة حسب شطارتك في الفصال.

1- بتركب من تقسيم لكباتاش مترو F1.

2- تطلع الشارع تعدي الناحية التانية هتلاقي الترام T1 هتركبه، وتنزل محطة امينيونو.

3- تعدي الشارع الناحية التانية هتلاقي مراكب كتير، وهتسمع أسعار وأهم حاجة الفصال بس هي تمنها من 10 لـ 15 ليرة بالكثير.

4- وفر 75% من تكلفة السفر الى اسطنبول – رحلة المتاحف

فيزا تركيا
تمنها في شركات السياحة 50 دولار للفرد تقدر تعملها لوحدك بنص الثمن ده.

1- بتركب من تقسيم لكباتاش مترو f1.

2- تطلع الشارع تعدي الناحية التانية هتلاقي الترام t1 هتركبه وتنزل محطة السلطان أحمد.

هتزور أول حاجة المسجد الأزرق و ده مجانا, وبعد كدة متحف آيا صوفيا، والتذكرة تمنها 30 ليرة وبعد كدة متحف طوبا كابي سراي، وده التذكرة ب 20 ليرة للفرد.

إجمالي الرحلة بالمواصلات رايح جاي حوالي 60 ليرة يعني حوالي 22 دولار.

تم نشر هذا التقرير بالاتفاق مع صفحة Travel secrets

اقرأ أيضًا: الاسواق الشعبية في اسطنبول : بينها سالي بازاري وسوق فاتح وبكر كوي

حجز فنادق تركيا من Booking

فنادق اسطنبولفنادق طرابزونفنادق فتحيةفنادق انطاليافنادق مرمريسفنادق انقرةفنادق بودرومفنادق بورصةفنادق ازميرفنادق اوزنجول

مقارنة أسعار الفنادق في تركيا من مواقع مختلفة

الفنادق في اسطنبولالفنادق في طرابزونالفنادق في فتحيةالفنادق في انطالياالفنادق في مرمريسالفنادق في انقرةالفنادق في بودرومالفنادق في بورصة  – الفنادق في ازميرالفنادق في اوزنجول

العمل في الخارج

فرص عمل في الخارج – سجل السيرة الذاتية للعمل في الخارج

شاهد أيضاً

رحلتي الى جزيرة بوكيت

رحلتي الى جزيرة بوكيت : تجربة فتاة مصرية عمرها 19 عامًا

رحلتي الى جزيرة بوكيت | الرحالة | رحلة- بسمة محمود:   أنا بسمة 19 سنة، …