fbpx
الرئيسية / تقارير مميزة / ترجمة معتمدة | كل شيء عن الترجمة المعتمدة للمستندات المطلوبة في السفارات

ترجمة معتمدة | كل شيء عن الترجمة المعتمدة للمستندات المطلوبة في السفارات

ترجمة معتمدة | الرحالة | كتبت- هند سالم:

الترجمة خطوة مهمة جدا للتقديم في السفارات الأجنبية. كل السفارات تقريبا تطلب إن الأوراق المقدمة إما أن تكون أصولها باللغة الإنجليزية، ولو كانت باللغة العربية بيتم ترجمتها إما للغة الإنجليزية أو للغة السفارة.

بعض الحالات فقط وأنواع معينة من التأشيرات ممكن تشترط السفارة إن الترجمة تكون للغة السفارة وليس إلى اللغة الإنجليزية.

ترجمة معتمدة

بعض السفارات بيكون عندها قائمة بالمترجمين المعتمدين لازم تترجم فقط من خلالهم لازم تتأكد من مكتب الترجمة إن ترجمته معتمدة لدى السفارة اللى هتقدم فيها.

بعض الأوراق زى عقود الزواج وخطابات جهة العمل والسجل التجارى والبطاقة الضريبية بيتم ترجمتها زى ما هي، لأن بيكون لهم فورمات جاهزة لدى مكاتب الترجمة، ومجرد أنه بيملأ البيانات، وتسعيرتهم تقريبا واحدة.

بعض الأوراق الأخرى مثلا زي عقود الممتلكات (عقود الشقق والأراضي.. إلخ) العقود دي بيكون عدد ورقها كتير وممكن يكلف كتير في ترجمتهم، المكاتب المعتمدة اللي فاهمة شغلها عارفة إن العقود دي بيتم عمل ملخص بالمعلومات المهمة فقط فيها ولا يتم ترجمتها كلها.

مكتب ترجمة معتمدة

بعض مكاتب الترجمة ممكن تستغل عدم معرفة كتير من الناس للمعلومة دى ويتم ترجمة العقد بأكمله ولو عقد مثلا مكون من 10 صفحات وتكلفة ترجمة الصفحة 50 جنيه يعنى العقد الواحد ممكن يكلفك 500 جنيه في حين أنه لو تم تلخيص المعلومات المهمة فيه تكلفته مش هتزيد عن 100 جنيه.

مكاتب الترجمة بتترجم من الأصول مش من الصور وفي حالة المستندات اللي السفارة بتاخد أصولها زى خطاب العمل المكتب بيرفق الأصل مع الترجمة وبيختم الاتنين.

مركز ترجمة معتمدة

وفي حالة إن المستند السفارة بتاخد صورة فقط منه زى عقود الزواج المكتب بيعمل نسخة ويرفق فيها الترجمة ويختم الاتنين مع بعض.

بعد ما تستلم الورق اتأكد إن المعلومات في النسخة المترجمة صحيحة خصوصا الإسم والبيانات الشخصية وحاول انك تترجم أوراقك قبل الموعد بوقت كافي عشان ما تتزنقش.

شاهد أيضاً

التصريح الأمني

التصريح الأمني | تعرف على الدول التي تحتاج التصريح الامني وكيفية استخراجه

التصريح الأمني | الرحالة | ارتفع عدد الدول التي ينبغي على المصريين الحصول على تصريح …