fbpx
الرئيسية / تقارير مميزة / تحويل عمله | أسرار صرف العملة أثناء السفر: متى أحول وأين وكيف؟
تحويل عمله

تحويل عمله | أسرار صرف العملة أثناء السفر: متى أحول وأين وكيف؟

تحويل عمله | الرحالة | تجربة- عمرو شريف وبهاء فاروق:

ناس كثيره قوي بتقعد تسأل أحول عملة البلد وأنا مسافر ولا أروح بدولار ولا يورو ولا جنيه مصري، وإيه أحسن سعر لتغيير العملة من مصر ولا من البلد نفسها، هنساعدكم بنصائح من الآخر تساعدكم وتفهمكم الدنيا ماشية ازاي.

تحويل عمله

– نصيحة: محدش يحول عملة البلد اللي مسافر ليها من مصر لأن هتضطر تشتريها من مكاتب الصرافة وكلنا عارفين مكاتب الصرافة بتزود كام على السعر الرسمي للعملة وطبعا عملات أغلب الدول مش هتلاقيها في البنوك علشان تاخدها معاك بالسعر الرسمي.

والحاجة التانية ممكن تحول مبلغ أكتر من اللي هتحتاجه وساعتها لو رجعت بيه مصر وحولته لمصري تاني هتخسر فيه كتير.

صرف العملات

– طيب خلاص مش هناخد عملة البلد نعمل إيه؟! هناخد معانا دولار أو يورو وهناك العملتين دول مقبولين وزي بعض يعني مطلوببين جدا وهنبدأ إننا قبل السفر بأسبوعين مثلا نروح البنك اللي بنتعامل معاه ومعانا جواز السفر والتأشيرة والتذكرة ونطلب منه شراء دولار وغالبا البنوك مش بتوافق تبيع لأي حد مسافر أكثر من 1000 دولار.

في بنوك بتبيع أكثر بس خلينا في الأغلبية وهتشتري الدولار منهم ممكن يدوهولك بعد كام يوم بس في الآخر المفروض تاخده وهتاخده بالسعر الرسمي.

تغيير العملات

– وصلنا الدولة اللي هنزورها وسواء معانا دولارات أو يورو إياك ثم إياك تغير من مكاتب البنوك اللي في المطار حرامية جدا لأنه بيضيفوا ضرايب وبالتالي بيبقي سعر التغيير سيء جدا.

حاول بس تغير مبلغ بسيط جدا يكفيك يوم بالكتير يعني حوالي 20 أو 30 دولار. لحد ما توصل الفندق وتعرف الدنيا حواليك وتشوف مكاتب الصرافة اللي حواليك.

– خلي بالك من نقطتين، إوعي تغير كل فلوسك أول يوم, وحول على قد احتياجك لكام يوم ولما الفلوس تخلص تبقى تحول غيرهم.

تجارة العملات

– متحولش من أي حد واقف في الشارع مهما إدالك سعر صرف ممتاز, وحول دائما من مكاتب صرافة موثوق فيها. لأن مهما كان الكام جنيه اللي هتوفرهم ممكن أدامهم تلبس في مزور ولا تاجر عملة.

– خلي بالك من أيام العطلات الرسمية في الدولة ولازم تكون عارفها قبل ما تسافر علشان تكون محول مبلغ يكفيك خلال الفترة اللي محلات الصرافة قافلة فيها.

هذا التقرير منشور بالاتفاق مع صفحة Travel Secrets

شاهد أيضاً

التصريح الأمني

التصريح الأمني | تعرف على الدول التي تحتاج التصريح الامني وكيفية استخراجه

التصريح الأمني | الرحالة | ارتفع عدد الدول التي ينبغي على المصريين الحصول على تصريح …