fbpx
الرئيسية / آسيا / تاشيرة تركيا | أسرار استخراج تاشيرة تركيا : 10 معلومات يجب أن تعرفها
تاشيرة تركيا
تاشيرة تركيا

تاشيرة تركيا | أسرار استخراج تاشيرة تركيا : 10 معلومات يجب أن تعرفها

تاشيرة تركيا | الرحالة | تجربة- عمرو شريف:

لو نفسك تسافر تركيا و محتار شوية في موضوع الفيزا , لازم تقرا الموضوع ده 😉

تاشيرة تركيا

1- التقديم على الفيزا يكون من خلال السفارة التركية في مصر، ودي موجودة في القاهرة والإسكندريه وعلشان الضغط مقسمين، اللي من البحيرة وطنطا وكفر الشيخ بيروح بتاع الإسكندرية، واللي من الشرقية والقليوبية يروح بتاع القاهرة.

2- بتروح السفارة التركية في مصر الساعة من 7 الي 8 الصبح تسجل اسمك في كشف عند العسكري اللي على البوابة علشان بمعنى أصح تحجز دور، وبعدين تروح وترجع تاني على الساعة 9 وربع، وهيمسك العسكري الكشف، وينظم الناس صف تبعًا لترتيب الأسماء اللي في الكشف.

بعد ما الطابور يترص باب السفارة التركية في مصريفتح الساعه 9.30 ويدخلوا الناس وانت داخل بتتفتش, وتسيب الموبايل بتاعك, ويديك ورقة بيه, ويديك الأبليكاشن الفاضي، ويديك رقم علشان ينادوك بيه.

تاشيرة تركيا للمصريين
تاشيرة تركيا للمصريين

تاشيرة تركيا

– تدخل السفارة التركية في مصر تملا الأبليكاشن بالإنجليزي طبعًا والساعة 10 ينادوا على الأرقام، بينادوا كل 5 أرقام مع بعض, لو الأوراق أوكي بيقولك إدفع ويديك رقم ويقولك بعد 3 أيام تعالى من الساعة 2 إلى 3 خد الجواز.

3- استمارة السفارة التركية في مصر اللي بتاخدها علي الباب بتكون بالإنجليزي، وهتلاقي جوه السفاره حاطين نسخ ترجمة ليها بالعربي، يعني ممكن تقرأ بالعربي، و تملا استمارتك بالإنجليزي وتكتب فيها كل بياناتك وسبب الزيارة ومدة الزيارة بطريقة صحيحة من غير أفلام.

وبلاش تكتب أي كلام وانت بتقدمها للموظف، خليك صريح في إجابتك وثابت, عامة هم مش بايخين في الأسئلة وبيسألوا أسئلة سهلة وبديهية جدًا.

اماكن سياحية في تركيا
اماكن سياحية في تركيا

الاوراق المطلوبة لـ تاشيرة تركيا في السفارة التركية في مصر

4- بالنسبة للأوراق المطلوبة بتكون أوراق حجز تذاكر الطيران ذهاب وعودة.

في طيران بيطلع من الغردقة وشرم رخيص جداً ممكن يوصل 1200 جنيه ذهاب وعودة علي الطيران التركي منخفض التكاليف (شركه اسمها بريجسوس) ودي بتدي وزن للشنطة 20 كيلو بس ومن غير وجبات في الطيارة وطبعا ممكن تشتري وزن وتشتري الوجبة أون لاين وانت بتحجز.

بتقدم حجز فندق فى تركيا طول فترة الزيارة ودي بسيطة جدا ممكن تحجزها أون لاين من أي موقع بيقدم حجز فنادق مثلا www.booking.com وميزة الموقع ده إنك ممكن تلغي ببلاش الحجز, أو ممكن تحجز هوستيل من هنا: http://bit.ly/1ketWqp .

منطقة أغفا
منطقة أغفا

كشف الحساب لـ تاشيرة تركيا

5- طبعًا بالنسبة لكشف الحساب هم مش زي أوروبا بيدققوا فيه قوي إنما لازم يكون مر عليه 6 أشهر ويكون فيه حركه سحب وإيداع كثيرة إنشالله أي مبلغ تسحبه أو تحطه ويكون فيه رصيد معقول ممكن 20 ألف أو حاجة وممكن أقل أو أكثر مفيش مقياس لأن الكشف مع باقي الورق بيفرق مع موظف السفارة التركية في مصر

والإتش آر ليتر بتاعك لو موظف بتقدمه، وبيكون فيه الراتب وتاريخ التعيين والوظيفة ولو موظف السفارة التركية في مصر شك إن الإتش آر ده مضروب أو شاكك فيه أو شركة أي كلام شغال فيها، هيقولك هات لي بقى ورقة من التأمينات إنك متأمن عليك ومبلغ التأمين اللي بيدفع.

وطبعا يا حلو لأن لو الجواب مضروب أو شركه مش بتدفع لك تأمين يبقي اتكشفت ولو حاطط مبلغ مرتب مختلف عن مرتبك اللي بيدفع عليه تأمينات هيبان لأن التأمينات الاجتماعية بتكون نسبة من المرتب فسهل موظف السفارة التركية في مصر يعرف مرتبك من التأمينات بتاعتك.

فيزا تركيا

الفيزا التركية

6- صورتين 4*6 عاديين أي صورتين، وهم بياخدوا الصورتيين وبيرجعوا لك صورة منهم وانت بتستلم الجواز.

7- لو طالب خطاب من المدرسة أو الجامعة إذا كان المتقدم طالبًا. “شهادة قيد من شئون الطلبة”.

8- إذا كان المتقدم صاحب عمل يقوم بتقديم السجل التجاري والبطاقة الضريبية. كشف حساب البنك و كده.

9- تمن الفيزا 430 جنيه بتدفعهم كاش فى السفارة التركية في مصر

التصريح الامني

10- لو انت فوق 20 سنة وأقل من 40 سنة أو حتي ست بتضطر للأسف إنك بتعمل تصريح أمني، العنوان مكتب ظابط الاتصال الدور الثاني في مجمع التحرير، والأوراق المطلوبة (صورة الفيزا- صورة الباسبور) بتطلع في 3 أيام وبرضه متروحش يوم الأحد أو الخميس لإنها بتكون زحمة جداً وممكن الزوج يقدم لزوجته.

 

معلومات مهمة عن تاشيرة تركيا

– لو انت سنك أقل من 20 سنة وأكبر من 45 سنة بتقدم على الفيزا الإلكترونية من هنا: http://bit.ly/1N9za2d

فرصة زيارة تركيا
فرصة زيارة تركيا

شروط الفيزا  التركية الإلكترونية:

1- يكون معاك حجز فندق بالفترة اللى هتقعد فيها فى تركيا ومبلغ 50$ على كل يوم.

2-  تذاكر طيران ذهاب وعودة على الطيران المصري أو على الطيران التركي.

3- غرض السفر يكون السياحة ويكون جواز سفرك صالح لمده 6 أشهر.

4-  بتدفع أون لاين تمن الفيزا 20 دولار عن طريق كريدت كارت.

5- الفيزا بتطبعها بتكون ورقه وبتكون صالحة 6 شهور من تاريخ إصدارها ومسموح لك تقعد 30 يوم بس في تركيا.

بوابة السفر و السياحة في تركيا
بوابة السفر و السياحة في تركيا

استخراج فيزا تركيا

6-  لو انت معاك فيزا الاتحاد الأوروبي (شنجن)، صالحة يعني لسه سارية، حضرتك ممكن تحجز التأشيرة أون لاين بـ 20 دولار مهما كان سنك ونفس الموضوع ينطبق على فيزا أمريكا لو معاك.

7- لو انت معاك تأشيرة تركيا قبل كده ولا تقدم أي أوراق بس جواز السفر بتاعك وخلاص لأنه أول سؤال بيسألك معاك تأشيرة تركيا قبل كده.

لما تقوله معايا بيدور عليها في الباسبور ويكتب رقمها في الأبليكاشين بتاعك، ومبيطلبش ورق لأنه بيرجع لملفك اللي عندهم برقم التأشيرة اللي كتبه.

8- لو الست طالعه مع جوزها مش لازم هي تروح أصلا ممكن الزوج يقدم جواز سفرها مع جواز سفره عادي جدا.

منحة مجانية لـ السفر الى تركيا

فيزا تركيا

9- أهم شيء إن السفارة التركية في مصر مش بتدي رفض على الجواز لو هي مش مقتنعة وانت واقف تقول لك هات لي ورقة كذا أو كذا، وتعالى تاني.

وطبعا مش بتدفع مصاريف الفيزا، تروح تكمل الورق وترجع تاني ليهم في يوم تاني تقدم، وعلى فكره ممكن تروح وتيجي كذا مرة خصوصًا أصحاب السجلات التجارية أو اللي باسبوره فاضي.

تاشيرة تركيا
تاشيرة تركيا

شركات سياحة

10- شركات السياحة كلها ممكن تقدم لك على التأشيرة لو مسافر معاها بس بتاخد منك حوالي 50 جنيه أزيد من تمن التاشيرة.

أنصحك أيضًا بقراءة:

برنامج سياحي لمدة اسبوع في تركيا بـ 4000 جنيه: شامل الطيران والاقامة والتاشيرة

تاشيرة تركيا للمصريين : تعرف كيف تحصل عليها خطوة بخطوة وشروط التصريح الامني

فيزا تركيا للسعوديين خطوة بخطوة: كيف تحصل عليها من المطار أو الكترونيا

الفيزا التركية | 3 حالات للحصول على تأشيرة تركيا: انت أي حالة فيهم؟

عروض سياحية على فنادق تركيا : فندق 3 نجوم على البوسفور بـ67 جنيه

فرص عمل في لبنان و تركيا في مجال السياحة و السفر : راتب يصل إلى 1000 دولار

حجز فنادق تركيا من Booking

فنادق اسطنبول – فنادق طرابزون – فنادق فتحية – فنادق انطاليا – فنادق مرمريس – فنادق انقرة – فنادق بودروم – فنادق بورصة – فنادق ازمير – فنادق اوزنجول

مقارنة أسعار الفنادق في تركيا من مواقع مختلفة

الفنادق في اسطنبول – الفنادق في طرابزون – الفنادق في فتحية – الفنادق في انطاليا – الفنادق في مرمريس – الفنادق في انقرة – الفنادق في بودروم – الفنادق في بورصة  – الفنادق في ازمير – الفنادق في اوزنجول

العمل في الخارج

فرص عمل في الخارج – سجل السيرة الذاتية للعمل في الخارج

شاهد أيضاً

أجمل 9 اماكن في بوكيت

أجمل 9 اماكن في بوكيت : بينها معبد شالونج وجزيرة سيميلان

أجمل 9 اماكن في بوكيت | الرحالة | تايلاند تلك الدولة الساحرة الجاذبة للسياح، نظرً …