fbpx
الرئيسية / أوروبا / برنامجك لشهر العسل في فينيسيا: مدينة العشاق

برنامجك لشهر العسل في فينيسيا: مدينة العشاق

تجربة- بهاء فاروق:

تصدق إن شهر العسل في فينيسيا بـ 4100 جنيه للفرد ? (الأسعار الواردة في هذا التقرير قبل تعويم الجنيه)، مبدئيًا لو انت سنجل متفكرش تزور المدينة دي علشان متتعقدش ? , فينيسيا من أشهر الوجهات الرومانسية لشهر العسل ? , أجوائها كلها بتحسسك إنك ماشي جوه فيلم رومانسي, كل حجر فيها كان شاهد على قصة حب مرت عليه ودلوقتي ممكن انت كمان تسجل قصتك في مدينة العشاق، فينيسيا ?

حتتفاجئ للوهلة الأولى إن المدينة بالكامل مبنية على سطح الماء، وإن مبانيها الملونة هتخليك تحس إنك ماشي جوه مدينة الأحلام. المدينة عباره عن 116 جزيرة بيربطهم 416 جسر وطبعا طريقة التجول بينهم عن طريق المركب. أحسن وقت تزور فيه فينيسيا في شهور الصيف، بس نصيحه ابتعد عن يوليو وأغسطس علشان بتكون حر وزحمة.

طيب تفتكر أسبوع في مدينة الأحلام دي ممكن يكلف كام؟ فينيسيا للأسف فنادقها مش رخيصة, و لكن على مين 😀 , بما اننا من عشاق السفر الرخيص فهل تتخيل أن أسبوع في فينيسيا ممكن يكلفك فقط 4100 جنيه.

الطيران: سعر التذكره على خطوط AEGEAN تكلف الفرد 2110 جنيه.

الفندق: ممكن تعد في جزيرة Lido ودي أسعارها مقبولة جدا من حيث الفنادق مقارنة بباقي جزر فينيسيا, وتحجز في فندق Ca’ del Moro, وده هيكلفك في الأسبوع للفردين حوالي 4100 جنيه يعني للفرد 2050 جنيه, الفندق 3 نجوم وفيه حمام سباحة والحجز بالسعر ده شامل الفطار كمان 🙂

يعني كده الرحله حتتكلف طيران + فندق بالفطار حوالي 4150 جنيه للفرد يا بلاش ?

وبما إنك في فينيسيا فيه حاجات متتفوتش ولازم تعملها:

طبعا متفوتش رحلة في الجندول هو غالي شوية ويمكن يكلفك حوالي 50 يورو, بس هي لحظات في العمر مش هتتعوض.

تتعشى أمام جسر ريالتو (هو اسمه كده عادي 😀 ) ده من أقدم جسور المدينة وعشاء إيطالي على ضوء الشموع أمام الجسر ده هو لحظة تاريخية لا تعوض يا أفندم  ?

لو بتحب المزارات السياحية لازم تزور كاتدرائية وساحة سان ماركو، وده المكان الأساسي للتجمع وهتلاقي فيه كافيهات ومطاعم ومتاحف كتير تستحق الزيارة ومنهم متحف دوكالي.

يا سعدك يا هناك لو حضرت الكرنفال في فينسيا ? وده بيكون في يوم 28 يناير كل سنة, من ساحة سان ماركو إلى ساحة سان باولو هتشوف الملابس التنكرية والأقنعة ? والاحتفالات وعروض مختلفة في مشهد ممتع مش هتشوفه في أي مكان تاني في العالم.

سمعت عن الزجاج الملون المورانو Murano تعرف إن ده اسم جزيرة في فينيسيا اشتهرت بأعمال الزجاج واتسمى الزجاج المورانو على اسمها, لو انت في فينسيا متفوتش زيارة الجزيرة دي

تم النشر بموافقة صفحة Travel Secrets

شاهد أيضاً

افضل فنادق انترلاكن

افضل فنادق انترلاكن

افضل فنادق انترلاكن | الرحالة | مدينة انترلاكن في سويسرا، تقف الكلمات عاجزة عن وصف …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *