الرحالة و المسافرون العرب

برنامجك السياحي في اندونيسيا : الإفطار موز محمر والقهوة بـ100 دولار

برنامجك السياحي في اندونيسيا | الرحالة | رحلة- عبد الله توفيق:

 

سافرت اندونيسيا من الهند، أخدت التأشيرة في المطار ببلاش، وقررت أروح كل حتة في بالي في أسرع وقت. أجرت اسكوتر بـ ٥٠ جنيه في اليوم، وبقيت كل يوم أنام في مكان مختلف. سواء Homestay or Hotel or hostel، والأسعار بتتراوح ما بين ٧٠ جنيه لـ ٤٠٠ جنيه في الليلة حسب انت و دماغك.

 

برنامجك السياحي في اندونيسيا

 

المهم، نبدأ بالأماكن اللي خلصتها:

 

دينباسار Denpasar

 

ودي فيها مناطق جنب المطار، وهي حيوية جدًا، وهتلاقي مولات وحاجات كتير ومطاعم كبيره. ولازم تكون ضمن برنامجك السياحي في اندونيسيا 

 

المنطقه مليانه سياح علشان كده هتلاقي الأسعار غالية شوية، بس انت لازم هتفاصل في كل حاجة، حتى سعر الفندق لو مش من بوكينج روح هناك و فاصل في السعر على قد ما تقدر.

 

كوتا Kuta

 

ودي قريبة من Denpasar قوي. في ناس بتقول عليهم مكان واحد. هناك هتلاقي أكبر ملاهي مائية في آسيا وتاني أكبر ملاهي في العالم، وبرضه لازم تكون برنامجك السياحي في اندونيسيا ، وده طبعا كلامهم اللي على الموقع. سعر الدخول فيها غالي شوية. حوالي ٥٠٠ جنيه وممكن تدخلها كذا مره في اليوم أو تدفع ٨٠٠ وتدخلها على يومين براحتك. اسمها Waterbom، ودي كلها شواطئ و هتلاقي أجانب كتير هناك بيعملوا

 

اوبود Ubud

 

ودي فيها Monkey forest أكبر غابه قرود في اندونيسيا بس تخلى بالك علشان القرود هناك عدوانية وحرامية 😀 بس لازم تكون ضمن برنامجك السياحي في اندونيسيا

 

وعندك برده Ubud Palace و دا بيتعمل فيه حفلات بالليل على طول و نفس الشارع بتاعه هتلاقي محلات ومطاعم وبارات كتير، وكمان هتلاقي عندك tegalalang rice terrace و ده مكان بيزرعوا فيه الرز و شكله تحفة جدًا. روحه الصبح طبعا.

 

باتور Batur

 

ودي وصلتها بعد سواقة ساعة ونص من Ubud وفي الطريق هتلاقى محلات بتعمل أغلى قهوة في العالم  Luwak Coffee، سعر الفنجان بيوصل لـ١٠٠ دولار وكمان شوفت بتتعمل إزاي (ياريتني ما شوفت)، القهوة دي بتبقى حبوبها بتطلع من فضلات حيوان اسمه قط الزباد، اللي بيتغذى عليها، هو شبه القطه كده بس عدواني شويه. بس لازم تكون ضمن برنامجك السياحي في اندونيسيا

قابلني مطاعم كتير بوفيه مفتوح تاكل براحتك و كمان المنظر روعه بحوالي ٧٠جنيه مصري.

 

بركان باتور

 

بعدها روحت أدور على أي مكان أبات فيه لقيت Homestay سعر الليله فيه كانت بـ١٢٠ جنيه و الصراحه كان أسوأ مكان نمت فيه في حياتي بس في نفس الوقت أحسن مكان كلت فيه بان كيك ببلاش. وخللينا نقولك انه لازم يكون ضمن برنامجك لـ برنامجك السياحي في اندونيسيا

المهم رحت علشان أشوف إجراءات طلوع بركان باتور، بس عرفت إن لازم تطلع مع مرشد وبياخد حوالي ٢٥٠ جنيه. وحصل وطلعنا الساعه 4 تقريبا وكان معايا كشاف طبعا لأننا بنطلع الساعه ٤ الفجر، ومفيش ضوء خالص.

 

بعد ما وصلت فوق الساعه بقت حوالي ٦:١٠ ومفيش شمس.، طب ايه يا جماعه؟، قالوا مفيش شروق شمس النهارده. اتصدمت الصراحه بس فضلت مستني ربع ساعه كمان والحمدلله الشمس طلعت وأخدت أحسن صور. قعدت فوق فطرت موز محمر ? أيوه متستغربش هناك الموز مش بياكلوه ني لا بيتحمر أو يتشوي و يتعمل سندوتسات.

 

بعدها روحت أشوف فتحه البركان ولفيت شويه لقيت قرود كتييير فوق مش عارف بيعملوا ايه ?خلصت و نزلت كانت الساعة بقت ٩:٣٠.

اترك رد

لن يتم نشر عنوان بريدك الإلكتروني.