الرحالة و المسافرون العرب

ايطاليا .. كيف تزور 6 مدن ايطالية في 7 أيام فقط: برنامج سياحي شامل

ايطاليا | الرحالة | كتبت: جنان عبده:

أوروبا كلها طبيعتها حلوة ومليانة بحيرات وخضار ومدنها وقراها كلها آثار. لكن إيطاليا لها طعم خاص. طبيعتها جميلة جدا مناخها متوسطي، وشعبها لطيف وفي كل مكان بتوصله بتشعر إنك بمتحف مفتوح. التنقل فيها سهل من شمالها لجنوبها لأن فيها شبكة قطارات متطورة- ترين طاليا.

عاصمتها روما بتقع في الوسط  وفيها مطار دولي وممكن تبدأ رحلتك فيها ومنها تنطلق شمالا أو جنوبا والاتنين حلوين.  ولو وصلت روما هتضرب زي ما بيقولوا عصفورين بحجر يعني تزور روما وتزور الفاتيكان اللي بتقع داخلها رغم إنها تعتبر دولة مستقلة. يعني زيارة لأصغر دولة في العالم اللي بتقع داخل مدينة 🙂 وكله في أسبوع واحد.

أنا بقترح في كل بلد تقعد  يومين تلاتة تشوف أهم المناطق اللي فيها وحواليها وتنتقل لغيرها. يعني في أسبوع ممكن تزور 3 مناطق رئيسية: روما-الفاتيكان، فلورنس-بيزا، فينيسيا-فيرونا. 

معلومات مهمة عن السياحة في إيطاليا 

  • شبكة القطارت “ترين طاليا” بتوصل تقيبا كل بلدة هناك والتنقل سواء داخل المدن او بين المدن سهل جدا.
  • في داخل المدن زي روما أو فلورنس بتقدر تستعمل المترو، وبين المدن ممكن تآخد قطار سريع – شركة ترين طاليا- مريح جدا وسهل ويختصر لك امكانية البحث عن موقف للسيارة واحتمال تاخذ مخالفة سير فاختصر من الأول.
  • مفضل لو تقدر انك تحجز مقاعدك مسبقا أون لاين خاصة لان معاك شنطة فبتضمن مقعدك والحجز بكون عن طريق الفيزا والدفع بتحول فوري ليورو
  • اختيار الفنادق في ايطاليا بالتالي بيتم بناء على قربها من محطة القطارات بكون أسهل لك وبوفر عليك وقت وفلوس.
  • خد بالك إنه في ايطاليا زي باقي دول أوروبا في ضريبة سياحية بتدفعها في الفندق لما تعمل تشيك أوت بتتراوح بين 2-5 يورو على الشخص الواحد لكل يوم بتقضيه في المدينة.
  • غالبية الاماكن السياحية في ايطاليا مفتوحة مجانا يوم الأحد الأول من كل شهر لكن بالمقابل الدور بكون طويل جدا وممكن ياخد ساعات فلو قررت تدخل ببلاش لازم توصل بساعات باكرة جدا.
  • مش محتاج تدفع بقشيش بالمطاعم لان الفاتورة شاملة:) وفّر فلوسك

برنامج سياحي في ايطاليا والفاتيكان

(روما- الفاتيكان، فلورنس- بيزا،  فينيسيا- فيرونا)

 

السياحة في روما (3 أيام)

اليوم الأول- يوم الوصول

زيارة منطقة فيها عدة مباني ومعالم أثرية وسياحية منها : الدرج (السلالم) الاسبانية،  نافورة القارب، تمثال الملك داوود والنبي موسى، نافورة تريفي أو اللي بسموها نافورة الأمنيات، معبد البانثيون– بتوصلهم بخط مترو الاحمر رقمه A تكلفته 1.5 يورو كل اتجاه. ومتنساش ترمي عملة في بركة النافورة وتطلب أمنية تتحقق 🙂 البركة مليانة عملة يا جماعة مين بيحوّشها 😀

اليوم الثاني- زيارة الكولسيوم

بتشوف فيها المدرج العملاق الكولسيوم، الفوروم– مقر الامبراطورية الرومانية القديمةـ والفيتوريو (الفيتوريانو)- نصب النصر ونصب الجندي المجهول.

ممكن توصلها بخط المترو الكحلي رقم B  – كل اتجاه 1.5 يورو. ع فكرة لو قررت تاحد مرشد سياحي يدخل معاك مع جروب ويشرح لك عن المكان ويختصر عليك الانتظار في الدور تقدر تعملها لكن بكلفك تقريا 20 يورو.

اليوم التالث- السياحة في الفاتيكان

 

هناك تشوف الكنيسة والمتحف ضروري، دخولهم بين الانتظار والتجول بياخد ساعات

ممكن تحجز تذكرة الدخول مسبقا بتساعدك على تخطي الدور الطويل. الحجز ممكن يكون بمحطات القطار في المطار وفي مكاتب السياحة.

التذكرة بتمكنك أيضا من ركوب الحافلة اللي اسمها “روما كريستيانا باص” أو “هيب هوب” باللون الاصفر وهي عبارة عن مسار سياحي مع شرح عن الاماكن اللي بتمر فيها.

الجولة في الحافلة بتستغرق ساعة بتشوف فيها أهم الأماكن في روما قبل ما توصل الفاتيكان. تكلفة الهيب هوب لمدة 24 ساعة   28 يورو.

السياحة في فلورنس (يومان)

اليوم الرابع-  زيارة مدينة وبرج بيزا المائل

هو من عجائب الدنيا السبع.

القطار من روما لفلورنس بياخد ساعة ونصف.  ولو حجزت فندقك قرب محطة المترو بكون سهل عليك انك أول ما توصل البلد تروح  الفندق تحط الشنط ترتاح شوية وتاخد قطار لبيزا. تكلفته 8.5 يورو وخلال ساعة بتكون في بيزا. ع فكرة القطارت مريحة يعني مشوار ساعة ونصف من روما واستراحة شوبة بفلورنس وبعدين سفر لبيزا كمان ساعة مش هتشعر فيه بالتعب.

في بيزا البلد هناك محطة واحدة للقطار يعني مش هتضيع وهناك من محطة القطار اللي وصلتها بتاخد الباص الاحمر اللي مكتوب عليه Lam هو اللي بمر من جنب برج بيزا المائل .

التذكرة بيورو ونص والتذكرة بتخدم 90 دقيقية من ساعة شراءها.

بقترح عليك تقضي ساعات تشوف برج بيزا المائل والكنيسة اللي قربه وبتاخد صور. لو رغبت ممكن تطلع البرج تتصور فوق. بس خد بالك فيه 294 درجة.

قربه في مطاعم ممكن تتغدى هناك بأجواء ايطالية حلوة. وممكن تركب حنطور وتعمل جولة.

 

اليوم الخامس- السياحة في فلورنس

في هناك كنيسة الدومو والساحة اللي قبالها تقدر تقعد فيها المناظر حلوة والأكل شهي ورخيص خاصة البيتسا بكل أنواعها بيتسا عائلية لـ 3 أشخاص بـ 8 يورو .

من الدومو كمل مشي  لـ غاليري الأكاديمي دخول المتحف بـ 8 يورو.

بعدين كمل الى قصر فيكو– القصر القديم الموجود في الساحة في نسخة من تماثيل داوود اللي النسخة الأصلية منه موجودة في “أكاديميا غاليري”.

بداخل القصر في ساحة واسعة وفي نافورة مياه تقدر تشرب منها. وبعدين ممكن تقطع الجسر فوق نهر آرنو العظيم وتكمل باتجاه القصر التاني قصر بيتي وتدخله تشوف القصر وممكن تشوف الجناين وتقضي ساعات هناك.

ع الجسر قدام التمثال في اقفال الحب خد معاك واحد لو عايز ومتنساش ترمي القفل في النهر وتاخط صور هناك منظر جميل جدا.

* إنت طبعا ممكن تعمل يومك الرابع في فلورنس والخامس في بيزا زي ما تحب ومتفرقش المهم تشعر مرتاح مع البرنامج وتعمل اللي بلاءمك

 

السياحة في فينيسيا (يومان)

اليوم السادس |  زيارة بيت روميو وجولييت

اليوم الاول لوصلك لـ فينيسيا روح فيرونا (مفضل تترك فلورنس  باتجاه فينيسيا صباحا لانه القطار بياخد ساعتين).

القطار السريع بياخد ساعتين  و 35 دقيقة من فلورنس لـ فينيسيا وتكلفته 39 يورو للشخص.

خط D2 مثلا بياخدك من محطة القطار المركزية الى داخل المدينة وبوقف في عدة محطات وتكلفته 7.5 يورو. ممكن تحط الشنط في الفندق  ترتاح شوية لما توصل فينيسيا وتاخد قطار تطلع لفيرونا 

فيرونا | الوصول لفيرونا نسبيا سهل من محطة القطار المركزية اللي في فينيسيا أنا أشتريت تذكرة بالاتجاهين بتكلف في القطار العادي في عربة غير محجوزة  مسبقا 17 يورو.

فيرونا هي آخر محطة للقطار، وللوصول لبيت جولييت لازم تنزل  في المحطة الأخيرة، هم بالأساس محطتين بس في فيرونا.

ممكن تمشي حوالي 20 -30 دقيقة أو تاخدي باص من المحطة هنا وبمر كل  10 دقايق أي باص رقمه  11 أو 12 أو 13 بوصل لهناك.

في بيت جوليت بتشوف البيت التاريخي اللي اتصور فيه فيلم روميو وجولييت والبلكونة الشهيرة.

بعد ما تاخد صور ممكن تنزل تشوف البلد والمنطقة اللي حوالي البيت حلوة وبتقدر تاكل هناك وجبة بين 10-13 يورو وتاخد بعدها آيس كريم.

 

برنامج سياحي في ايطاليا والفاتيكان

اليوم السابع | السياحة في فينيسيا

 

لتتعرف عليها- ممكن تروحها مشيا على الاقدام تتجول في أزقتها وممكن تاخد سفينة أو مركب هناك.

جولة في قارب الحب ممكن تكون بالنهار أو بالليل. وهو زورق صغير بوسع لغاية 6 أشخاص باللون الأسود وبقوده كابتن مع مجداف بتعملك جولة مدتها 35 دقيقية في زقاقات المدينة الجميلة ومن تحت جسورها المنخفضة وبين البيوت.

رحلة جميلة لكن تكلفتها  للمركب 80 يورو ممكن تتقاسمها مع ناس إضافيين خلال رحلة السياحة في فينيسيا.

في شركتين واحدة سواقيها- الكابتن يعني بلبسوا بلوزة مخططة أحمر وأبيض والتانية محطتها قبالها قريب من المحطة المركزية للقطار وبلبسوا بلوزة مخططة أبيض وأسود. أنا سميته “قارب الحب”.

وفي قوراب مشابهة لونها كُحلي من محطة سان ماركو.

في فينيسا لازم تتجول بساحة سان ماركو وتشوف الكنيسة اللي هناك.

في الليل المنظر رائع وفي فرق موسيقيه والقعده في المقاهي هناك حلوة بس خد بالك كوباي الشاي بـ 11 يورو  مع انه وجبة سمك مشوي فاخرة  بـ 18 يورو يعني قد كباية ونص شاي

كمان لو تقدر ممكن تزور  واحدة من الجزر، أنا أخترت جزيرة بورانو– جزيرة الصيادين- الجزيرة الملونة. لو حبيت تروح جزيرة بورانو خد المركب رقم 14 من محطة سان زكريا. وفي كمان جزيرة مورانو بيعملو زجاج ملون حلو كثير.

الجزيرة جميلة جدا كلها بيوت ملونة وازقتها حلوة بتتجول فيها بسهولة وما في مجال ابدا انك تضيع. بتقضي فيها ساعات ممكن تاكل وجبة سي فود وترجع بالسفينة الى فينيسيا.

العودة الى فينيسيا والمغادرة باتجاه مطار روما. المطار موجود قريب من فينيسيا بتحتاج لوصوله بالسفينة حوالي ساعة وعشرين دقيقية بتقطع التذكرة  من سان ماركو رقم الباص-السفينة يعني هو  A تكلفته 15 يورو.

 

  • طبعا كمان هنا تقدر تعمل برنامج عكسي يعني اليوم السادس كله يوم وصولك فينيسيا تقضيه فيها تتعرف عليها واليوم الأخير تروح فيرونا. كله ممكن شوف إنت اللي بلاءمك أكثر.

اترك رد

لن يتم نشر عنوان بريدك الإلكتروني.