fbpx
الرئيسية / آسيا / الفيزا التركية | 3 حالات للحصول على تأشيرة تركيا: انت أي حالة فيهم؟
الفيزا التركية
الفيزا التركية

الفيزا التركية | 3 حالات للحصول على تأشيرة تركيا: انت أي حالة فيهم؟

الفيزا التركية | الرحالة | تجربة- بهاء فاروق:

السفر الى تركيا و السياحية في تركيا حلم لدى الكثير من الشباب العربي، وتتمتع تركيا بالعديد والعديد من الاماكن والمناطق السياحية المتنوعة، حيث تضم اماكن أثرية، إلى جانب الطبيعة الساحرة، مثل طرابزون والبوسفور. الحصول على الفيزا التركية lk السفارة التركية في مصر ليس بالأمر الصعب، وفي هذا التقرير سنركز على كيفية الحصول على الفيزا التركية بكل الطرق.

تاشيرة تركيا
تاشيرة تركيا

الفيزا التركية لأقل من 45 سنة

لو سنك أقل من 20 سنة أو أكتر من 45 سنة, أو معاك فيزا شنجن أو أمريكا صالحة, يبقى هتعمل الفيزا التركية أون لاين من الموقع ده https://www.evisa.gov.tr/en, ودي سعرها 20 دولار فقط بتدفعها بالفيزا أو الماستر كارد.

بس خلي بالك لازم تكون حاجز تذكرة على أحد الخطوط دي: Turkish Airlines, Pegasus Airlines, Onur Air or Egypt Air, ويكون معاك حجز فندق خلال فترة إقامتك في تركيا, وباسبورك صالح على الأقل 6 شهور.

بتعمل الخطوات بكل سهولة من على الموقع وبتجيلك الفيزا على الإيميل خلال دقيقتين تطبعها وكده احنا خلصنا 😀

 

الفيزا التركية السياحية

الحالة التانية: لو مكتوب في باسبورك مهنة يبقى هتعمل فيزا سياحية من السفارة التركية في مصر وخطواتها كالتالي:

– الأوراق المطلوبة لـ الفيزا التركية السياحيةمنحة مجانية لـ السفر الى تركياالسفارة التركية في مصر

1- جواز سفر ساري المفعول وصالح أقل شيء 6 شهور.

2- كشف حساب بنكي على آخر 6 شهور فيه مبلغ مش أقل من 10.000 جنيه ويكون عليه عمليات سحب وإيداع كويسة.

3- لو في حالة إنك قاصر أو كنتي بنت غير متزوجة ينفع حساب الوالد أو الوالدة أو دفتر توفير أو أي إثبات أملاك.

4- خطاب من العمل. ولو انت طالب أو طالبة بتجيب شهادة قيد من الجامعة.

5- حجز طيران وفندق مبدئي، تأمين طبي وده بيتعمل في مصر للتأمين مثلا أو أي مكتب تأمين، صورتين شخصيتين 4*6.

فيزا تركيا

استخراج الفيزا التركية السياحية

خطوات التقديم على الفيزا التركية من خلال الموقع الرسمي لـ السفارة التركية في مصر من هنا: https://goo.gl/7W2CWZ

1- هتعمل سكان لكل الأوراق على الموقع وتكمل الخطوات أون لاين وتاخد ميعاد علشان تروح تقدم فى السفارة التركية في مصر والإستلام بيكون بعد 3 أيام عمل.

2- بعد ما هتحدد الموعد هتروح السفارة التركية في مصر سواء في القاهره أو الإسكندرية وتاخد كل الورق ده معاك تاني وتسلمه في السفارة وبعد 3 أيام عمل إن شاء الله تستلم الفيزا. ملحوظة: لازم ورقة الميعاد علشان تعرف تدخل السفارة.

منطقة أغفا
منطقة أغفا

الفيزا التركية للطلبة والحاصلين

لو أنت طالب أو مكتوب في باسبورك حاصل على، يبقى لازم تطلع الفيزا التركية زيارة مش سياحة، علشان تعرف تاخد تصريح أمني.

هي نفس الخطوات السابقه ولكن بتزيد على الأوراق المطلوبة: دعوة من شركة في تركيا والفيزا مش بتكون بغرض السياحه بتعملها زياره ودي ممكن تتعمل عن طريق بعض شركات السياحة في مصر.

كده احنا خلصنا الفيزا هنروح بقى علشان نعمل التصريح الأمني من مجمع التحرير.

اماكن سياحية في تركيا
اماكن سياحية في تركيا

التصريح الأمني لـ الفيزا التركية

أي حد سنه من 18 الى 40 سنة مهما كانت مهنته أو شهادته لازم يطلع تصريح أمني للسفر إلى تركيا بس ليها حالتين:

1- لو مكتوب مهنة في جواز سفرك، تقدر تعمل فيزا سياحة أو زيارة أو عمل من سفارة تركيا.

2- لو مكتوب في جواز سفرك طالب أو حاصل على, يبقى لازم تطلع فيزا زياره فقط للحصول على تصريح أمني.

طيب إجراءات التصريح الأمني إيه: تصور الفيزا والباسبور وتاخد معاك نص جنيه وتروح مجمع التحرير, الدور الأول, مكتب رقم 15 (مكتب ظابط الاتصال) وتقدم على التصريح وتستلمه إن شاء الله بعد 4 أيام تقريبا و بتكون صلاحيته شهرين من تاريخ الاستلام.

أنصحك أيضًا بقراءة:

برنامج سياحي لمدة اسبوع في تركيا بـ 4000 جنيه: شامل الطيران والاقامة والتاشيرة

تاشيرة تركيا للمصريين : تعرف كيف تحصل عليها خطوة بخطوة وشروط التصريح الامني

فيزا تركيا للسعوديين خطوة بخطوة: كيف تحصل عليها من المطار أو الكترونيا

تاشيرة تركيا | أسرار استخراج تاشيرة تركيا : 10 معلومات يجب أن تعرفها

عروض سياحية على فنادق تركيا : فندق 3 نجوم على البوسفور بـ67 جنيه

فرص عمل في لبنان و تركيا في مجال السياحة و السفر : راتب يصل إلى 1000 دولار

حجز فنادق تركيا من Booking

فنادق اسطنبول – فنادق طرابزون – فنادق فتحية – فنادق انطاليا – فنادق مرمريس – فنادق انقرة – فنادق بودروم – فنادق بورصة – فنادق ازمير – فنادق اوزنجول

مقارنة أسعار الفنادق في تركيا من مواقع مختلفة

الفنادق في اسطنبول – الفنادق في طرابزون – الفنادق في فتحية – الفنادق في انطاليا – الفنادق في مرمريس – الفنادق في انقرة – الفنادق في بودروم – الفنادق في بورصة  – الفنادق في ازمير – الفنادق في اوزنجول

العمل في الخارج

فرص عمل في الخارج – سجل السيرة الذاتية للعمل في الخارج

شاهد أيضاً

القرية العالمية في دبي

أجمل الأنشطة السياحية في القرية العالمية في دبي ومواعيد الزيارة

القرية العالمية في دبي | الرحالة |   تشهد دولة الإمارات العربية المتحدة نهضة شاملة …