fbpx
الرئيسية / آسيا / السيد مصطفى يواصل رحلته في كوريا: سيول مدينة القصور الإمبراطورية

السيد مصطفى يواصل رحلته في كوريا: سيول مدينة القصور الإمبراطورية

رحلة- السيد مصطفى:

سيول، عاصمة كوريا، من أكتر المدن اللي بيروح لها سياح زيارة على مستوى العالم، ودايما بتاخد مركز من المراكز الثلاثة الأولى في أي إحصاء بيتم، والسبب الرئيسي في كده هو النظام والاعتناء بالعاصمة، الكوريين صارفين فلوسهم علي الورد والزخرفة وتجميل الميادين العامة.

كمان المعلومات المنشورة علي النت معلومات وافية ومكتوب ليك اعمل كذا علشان كذا أرخص ليك، يعني مثلا تذاكر الدخول لأي قصر إمبراطوري حوالي 3000 وان كوري، وعندهم في العاصمة 4 قصور، فلو انت اشتريت تذكرة مجمعة للأربع قصور فدي صالحة لمدة 3 شهور وكمان التذكرة المجمعة أرخص لأنها بـ10 آلاف وان كوري وكمان بتاخد معاها تذاكر مجاني للمعبد الرئيسي والحديقة المقدسة.

القصور الإمبراطورية كانت حصل ليها تهدم وإهمال في أيام الاحتلال الياباني وده موضوع حساس عند الكوريين علشان كده هما عاملين مشروع سنة 2045 لإعادة بناء كل القصور الإمبراطورية مرة أخرى.

علي فكرة لو انت أجرت الزي الرسمي للأميرات والأمراء بتدخل مجانا للقصور الإمبراطورية، هم عاملين ده علشان الجو العام يفضل وانت داخل القصر تحس دايما إن في أميرات.

كل المتاحف الكورية الوطنية مفتوحة مجانا للكوريين والسياح والسبب انهم مش عايزين الجيل الصغير يطلع مفصول عن تاريخه، دايما في جولات مجانية برضه بأربع لغات، إنجليزي وصيني وياباني وكوري، والمرشد بيكون متطوع وفي الغالب بيكون مواطن كوري طلع على المعاش فده برنامج علشان ينقلوا خبراتهم للجيل الجديد، كمان بيكونوا كانوا ماسكين مناصب كبيرة في الدولة أو في شغلهم، أنا المرشد بتاعي كان مدير مالي كبير في شركة كبيرة في كوريا علي المعاش.

في متاحف الحرب المواطنين الكبار في السن بيكون هما ضحايا الحروب زي اللاجئين أو المحاربين القدامي ودي بيدي الجولة بعد حقيقي لما المرشد يحكي تجربة الشخصية بعد الجولة اللي بتكون مدتها ساعة فقط لا غير ولو مش عايز مرشد ممكن جدا عن طريق تليفونك في أبليكاشن علي باب كل صالة عرض ببار كود أول التليفون ما يقراه يشتغل معاك المرشد الإلكتروني.

في أي حتة في كوريا في الشارع وفي المحطات الرئيسية أو في المطارات في مكتب خدمة سياح، الكوريين عندهم مشكلة في اللغة وكمان بيخافوا يدوا حد معلومة غلط، هما مش عنصريين لما بيقولوا ليك معرفش ويسيبك ويمشي، عنصريين إزاي وهما بيدخلوك بلدهم من غير فيزا، كلام لا يعقل أصلا، هو مش عايز يفتي بس بيشاور ليك علي المكاتب اللي ممكن تساعدك أحسن منه.

دول بيتكلموا إنجليزي كويس جدا ومش بيسيبك لحد ما يتأكد انك فهمت انت رايح فين وتركب إيه والمعلومة اللي انت عايزها وصلت لك ولا لا.. نكمل التقرير اللي جاي في رحلة كوريا.

لمزيد من الموضوعات حول كوريا يرجى الضغط على هذا الرابط: www.al-rahhala.com/kr

شاهد أيضاً

القرية العالمية في دبي

أجمل الأنشطة السياحية في القرية العالمية في دبي ومواعيد الزيارة

القرية العالمية في دبي | الرحالة |   تشهد دولة الإمارات العربية المتحدة نهضة شاملة …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *