fbpx
الرئيسية / آسيا / السياحة في مدينة بوكيت : بلال مؤمن يكتب رحلة الـ 30 يوم في الجنة
السياحة في مدينة بوكيت
السياحة في مدينة بوكيت

السياحة في مدينة بوكيت : بلال مؤمن يكتب رحلة الـ 30 يوم في الجنة

السياحة في مدينة بوكيت | الرحالة | رحلة- بلال مؤمن:

 

صباح الفل ?✋ إن شاء الله هبدأ أول تقارير رحلتي عن الأربع دول اللي زرتهم مؤخرا وهم: تايلاند، ماليزيا، إندونيسيا، هونج كونج. في التقرير ده هحكي لكم عن تايلاند وتحديدا السياحة في مدينة بوكيت

 

حجزت تيكت الطيارة بتاع السياحة في مدينة بوكيت قبلها بشهر ونص تقريباً وكانت Multi Ticket وده كان أرخص سعر تذكرة مالتي على “مصر للطيران”، وكانت علي موقع Ebookers.com، السعر كان 470 دولار، والذهاب من الكويت لبانكونك ترانزيت القاهرة، والعودة من هونج كونج للقاهرة، ترانزيت بانكوك.

 

وصلت مطار القاهرة الساعة ١١ مساءاً وكان الترانزيت ساعتين، بعدها ركبت طيارة بانكوك الساعه ١ صباحاً ووصلت مطار بانكوك الساعة ١٢ الظهر لـ “Suvarnabhumi”. رحلات بوكيت ممكن تسافرها من نفس المطار وده وطبعاً لو لقيت رحلات بتطلع منه ولكن الغالب إن رحلات جزيرة بوكيت بتطلع من مطار اسمه Don Meung، وفي باص مجاني بينقل بين المطارين ببلاش اسمه Shuttle Bus.

السياحة في مدينة بوكيت
السياحة في مدينة بوكيت تستحق التجربة

السياحة في مدينة بوكيت

 

الطيران الداخلي كان Air Asia، سعر التيكت كان تقريباً 30$ حوالي 550 جنيه مصري، والوزن كان ٧ كيلو بس، وتقدر تشتري وزن ووجبة من علي موقع الشركة Airasia.com وبتدفع زيادة حوالي 12$ تقريباً ٢٢٠ جنيه مصري.

كده وصلنا جزيرة بوكيت، فكل كلامنا هيكون بعملة تايلاند، اللي هي البات التايلاندي ?

سعر الدولار الأمريكي مقابل البات التايلاندي = 34.800 THB

سعر الجنيه المصري مقابل البات التايلاندي = 2 EGP

من المطار اخدت ميني باص لغاية الهوستل، وكان سعره تقريباً 200 بات ونزلت قدام الهوستل، اللي كان اسمه  Dreams وكان بعيد عن الباتونج بيتش 10 دقايق بس، وحجزته من علي العملاق Booking.com. وبدأت رحلة السياحة في مدينة بوكيت

 

في حاجة جميلة قوي حصلت لي مع مصر للطيران وهو إن الشنطة بتاعتي مجاتش معايا على نفس الطيارة، ووصلتني بعدها ب ٣ أيام وطبعاً كانت حاجة سيئة جداً، لأني اضطريت إني أنزل اشتري هدوم وكل مستلزماتي الي اصلاً كانت في الشنطة وطبعاً كانت بهدلة جامدة لي في أول رحلتي فـ Thanks Egypt Air ?

 

السفر الى بوكيت | السياحة في بوكيت | الاماكن السياحية في بوكيت | معالم بوكيت

 

السياحة في مدينة بوكيت
الهوستيل أثناء رحلة السياحة في مدينة بوكيت

الفنادق في بوكيت

 

المهم، دخلت عملت Check In واستلمت سريري واللوكر بتاعي وخرجت طبعاً عشان اشتري لبس عشان أقدر أكمل باقي رحلة السياحة في مدينة بوكيت . سعر الليلة في الهوستل كان 250 بات تايلاندي، قعدت 6 أيام كان الإجمالي 1500 بات تايلاندي.

 

بالنسبة للمواصلات في تايلاند ممكن تأجر موتور بايك طول اليوم وده سعره 250 بات طول اليوم وأغلب الرحلات هتكون بالمواصلات من وإلى الهوستل بتاعك.

 

بالنسبة لشريحة الموبايل، بلاش بلاش نشتري من المطار شريحة أو ناخد تاكسي، لأن الموضوع من المطارات بيكون أوڤر، فيه ماركت مشهور جداً اسمه 7 Eleven ده هتلاقوه منتشر كل خطوتين، دخلت اشتريت شريحة موبايل بصورة الباسبور وكان سعر الشريحة 49 بات وشحنت باقة نت كانت كافيه لمدة أسبوع ودي كان سعرها 100بات تايلاندي.



Booking.com

السياحة في مدينة بوكيت
السياحة في مدينة بوكيت تستاهل والله :D

جزر بوكيت تايلاند

 

بالنسبة أثناء السياحة في مدينة بوكيت ، يا ريت تبعدوا عن المطاعم العربية يا جماعة، لأن أقل سعر للوجبة الواحدة حوالي 350 بات، واسألوا كتير عن الأكل الحلال واعملوا حسابكم في تونة وجبنة، هتنفعكم جداً وأسعار الوجبات زي الجمبري أو السمك مع الأرز متوسط 150 بات.

 

في اليوم الأول في السياحة في مدينة بوكيت كنت على موعد مع جزيرة Phi Phi  والرحلة دي كان سعرها 1300 بات تايلاندي طبعاً بعد الفصال ? انتظرت الباص قدام الهوستل وصل الساعة 8 صباحاً واتحركنا للميناء اللي هنركب منه المركب السريع.

 

المحطه الأولى في رحلة السياحة في مدينة بوكيت كانت Maya Beach وده شط صغير وسط جزيرة من الجبال الصخرية، اتمشينا شوية على الشط وأخدنا جولة واتصورنا. المحطة التانية كانت مكان بجانب جزيرة جبلية والمية لونها كريستال وتحفه وعملنا في المكان ده Snorkeling ونزلنا شوفنا السمك والشعاب المرجانية.

 

السفر الى تايلاند | السياحة في تايلاند | الاماكن السياحية في تايلاند | فنادق تايلاند

 

بوكيت تايلند
السياحة في مدينة بوكيت

جزيرة جيمس بوند بوكيت

 

المحطه الثالثة في رحلة السياحة في مدينة بوكيت ، كانت جزيرة بي بي آيلاند وهناك لقينا البوفيه مستنينا بعد تعب السباحة ? ولفينا كتير في الجزيرة واتصورنا وكان فيه بوفيه للفاكهة كمان. أما المحطة الرابعة، فكانت شط القرود، لعبنا معاهم وأكلناهم موز كتير ? وأخذنا لهم صور كتير.

 

المحطه الخامسة والأخيرة بقى كانت في طريق العودة جزيرة اسمها كايا نوك، نزلنا عمنا شوية واتمشينا فيها وكان فيها محلات آيس كريم ومشروبات وكانت للاسترخاء قبل العودة.

 

* ملحوظة: رحلة Phi Phi Island من أجمل الرحلات في بوكيت

 

رحلة الرافتينج في بوكت

 

* اليوم الثاني في رحلة السياحة في مدينة بوكيت رحلة Rafting ودي كان سعرها 1100 بات

 

اتحركنا من قدام الهوستل الساعه ٨ صباحاً وبعدين وصلنا جنينة كبيرة كده فيها تجمع للقرود (مش عارف ايه حكايتي مع القرود ??). أكلناهم موز واتصورنا ف المكان وبعدين اتحركنا للمكان اللي هنعمل فيه الرافتينج، ودي كانت من أجمل الحاجات اللي عملتها في آسيا وحاجة بتغير النفسية جداً.. لبسنا الجواكيت ونزلنا المراكب وبدأت الرحلة ف نهر طوله ٥ كيلومتر وحاجة روعه بتمنى أكررها تاني.

 

بوكيت تايلاند
الرافتينج أثناء السياحة في مدينة بوكيت
  • اليوم الثالث في رحلة السياحة في مدينة بوكيت رحلة جزيرة James Bond ودي كان سعرها 1100 بات

جزر تايلاند

 

اتحركنا الساعة ٧ صباحاً للميناء اللي هنتحرك منه وكانت الرحلة بالسفينة الكبيرة مش السريعة وكانت ممتعة بصراحة، طول الرحله المشروبات مجاناً وكمان الغداء علي متن السفينة، وهنزور في الرحلة أربع أماكن وهم:

باناك: ودي عبارة عن مجموعة كهوف وبيتم الدخول ليها عن طريق المراكب المطاطية وبيتم ركوب كل اتنين من السياح مع شخص بيجدف من الطاقم ودخلنا كهف الخفافيش والقرود كمان.

هونق: نزلنا علي الجزيرة دي اتمشينا شوية واتصورنا جنب الصخور وكان وقت ممتع جداً.

جزيرة جيمس بوند في بوكيت

 

وأخيراً وصلنا جزيرة جيمس بوند في بوكيت اتمشينا في الجزيرة واتصورنا صور كتير جدا وعمنا فيها كانت الميه جميله جدا وكان فيه أماكن بتبيع هدايا وحاجات تذكارية بس كانت غالية لأن اعتمادها كله كان علي السياح فقط.

لاوا: وده مكان وقفنا فيه عشان الناس تنزل تعوم فيه وبما إني مش بعرف ابلبط غير ع الشط طبعاً فمنزلتش وقضيناها رقص ع المهرجانات اللي قلبنا بيها السفينة

 

السياحة في مدينة بوكيت
السياحة في مدينة بوكيت

* اليوم الرابع في رحلة السياحة في مدينة بوكيت رحلة السفاري وكان سعرها 1000 بات، كان يوم ركوب الفيل والبيتش باجي Atv وحاجة كده زي البانجي جمب بس مش فاكر اسمها بس جميله بتلبس الخوذه وجاكت الأمان وتتزحلق ع الحبل يا معلم من مكان لمكان بس جميلة ?

 

معالم السياحة في مدينة بوكيت

 

* اليوم الخامس والأخير في رحلة السياحة في مدينة بوكيت رحلة Phuket Day ودي كان سعرها 900 بات تايلاندي

ودي زورنا فيها اهم معالم بوكيت ومنها :

معبد وان تشالنوج وده يعتبر من أهم المعالم الدينية في بوكيت لكونه بيدل على رموز دينية في تايلاند. تمثال بوذا الكبير من الأماكن الدينية المهمة في بوكيت وده بيزوره ناس كتير متدينة وده ارتفاعه تقريباً 45 متر.

 

مدينة بوكيت القديمة ودي من أكتر الأماكن المحببة لقلب السياح في بوكيت عشان بسيطه جداً وروعة وده غير المعالم السياحية اللي فيها والمطاعم والكافيهات.

الرحله دي في رحلة السياحة في مدينة بوكيت كانت نص يوم يعني خلصت علي العصر كده. كنت حاجز رحلة Half Day عشان طيارتي كانت لكوالالمبور الساعة ٩ بالليل ? ركبت ميني باص من الهوستل للمطار اتحرك الساعه 5 المغرب ومدته ساعة للمطار وكان سعره حوالي 200 بات.. وبكده تكون رحلة السياحة في مدينة بوكيت خلصت وهطير دلوقتي علي ماليزيا استنوني ?

شاهد أيضاً

الجبل الأخضر

أهم الأنشطة السياحية والمغامرات في الجبل الأخضر بسلطنة عمان

الجبل الأخضر | الرحالة |   الجبل الأخضر في سلطنة عمان واحد من أهم المناطق الطبيعية …