fbpx
الرئيسية / آسيا / السفر للصين مش محتاج مكاتب سفريات : 5 نصائح مهمة لـ السياحة في الصين
السفر للصين
السفر للصين

السفر للصين مش محتاج مكاتب سفريات : 5 نصائح مهمة لـ السياحة في الصين

السفر للصين يمكن يكون حلم لناس كتير جدا وفي الحقيقة عندهم حق. الصين تقريبا قارة لوحدها، والسفر لمدن زي شنغهاي و بكين عشان السياحة النهارده مبقاش محتاج مكاتب سفريات ولا حجز فنادق غالية. بس محتاج نتابع عروض شركات الطيران عشان نجيب أرخص تذكرة طيران للصين خاصة إن سعر واستخراج تاشيرة الصين من مصر مش مشكلة على الإطلاق. تكلفة السفر الى الصين نقدر نقللها بشكل كبير لو اتبعنا نصائح معينة.

الصين بلد سياحية متنوعة وجميلة فعلا،  وليها سحرها الخاص لكن بتكون  مثيرة للقلق خاصة لو كنت بتسافرها  لأول مرة، علشان كده لو كنت  ناوي تسافر  لهناك أول مرة في حياتك، ده دليلك لأكثر الأراضي سكانا على مستوى العالم، بيقدمه له موقع الرحالة ?

أولا:- اللغة الصينية

أول حاجة بتيجي في بالك أو أول عقبة هتقابلك والأهم  هو حاجز اللغة (اللي هو كل معلوماتي عن الصيني أنه في النيش ?) ودي  يمكن العقبة الوحيدة اللي هتقابلك  هناك ولازم تتخطاها عند السفر لجميع أنحاء الصين، لأنها كمان ممكن تعوق مواصلتك لرحلتك بشكل طبيعي، وعلشان كده يستحسن تحاول تتعلم شوية كلمات مهمة وعبارات حتمية، لأنها هتسهل عليك عملية التنقل كثيرا، وطبعا بقية تعاملاتك اليومية لحد ما تنتهي من زيارة المعالم السياحية المختلفة، والكلمات دي زي مثلا أنواع أكل، أو السؤال عن الطرق والأماكن اللي هتزورها .

لو مقدرتش تتعلم اللغة الصينية يبقى قدامك حل واحد وهو إنك تشيل معاك ورقة مكتوبة باللغة الصينية من فندقك بتضم تنقلاتك والأماكن اللي هتزورها، بحيث تظهرها للمارة وسائقي سيارات الأجرة، وكمان الحافلات والمواصلات إلخ إلخ إلخ.

ثانيا:- الطقس الصيني

في أي وقت من السنة في أماكن في الصين بتتمتع بطقس مثالي للسفر، لكن مش كل الأماكن بيتوفر فيها ده دايما، وبالتالي علشان تضمن الاستمتاع في أول رحله ليك إلى الصين من غير أي مفاجاءت مش لطيفة، لازم تخطط كويس  للسفر، والقراءة عن المناطق اللي هتزورها، وعموما فصلي الربيع والخريف هي المواسم الأكثر راحة في الصين، لكن خلي بالك  إن في أجزاء كثيرة من الصين الربيع والخريف فيها لا يتعدى بضعة أسابيع فقط.

السفر للصين
السفر للصين

ثالثا:- التركيز على منطقة واحدة للزيارة

الصين بلدجميل 🙂 لكن واسعة النطاق جدا، وكبيرة بشكل لا يصدق، حتى إنها فيها أعلى جبال في العالم، وكمان مجموعة من أكبر الصحاري العالمية، ده غير  الغابات النائية، والمراعي التي لا نهاية لها، وبطبيعة الحال، فيها أكبر المدن في العالم وقد تحتاج لشهور وشهور من السفر علشان تلفها، علشان كدة  بدل  ما توزع  وقت رحلتك الأولى على البلد كلها وده هيكون متعب  جدا ليك، لازم تختار منطقة واحدة أو حتى مقاطعة واحدة فقط أثناء السفر للصين وإستكشفها براحتك بقى.

رابعا:- الطعام المحلي أثناء السفر للصين

الصين لديها العديد من الميزات الرائعة لكن نقدر نقول إن من أفضل ما فيها أكلها، لأن مطبخها  بيختلف بشكل كبير من منطقة إلى أخرى، وياريت لو تتناول المأكولات الشعبية في المطاعم المحلية هتحس زيادة من الإستمتاع وإثراء التجربة، وكمان حاول قبل ماتسافر تتعلم إزاي تستخدم عيدان الطعام  في الأكل (وربنا معاك يامووحي ?)

خامسا:- استخدام وسائل النقل العام

جينا بقى لوقت التخلص من سيارات الأجرة والطائرات، وهنتجه للحافلات والدراجات والقطارات لرؤية الصين كيفما يراها السكان المحليون، هو أكيد سيارات الأجرة أسهل لكن فكر فين المتعة في كد؟!

نظم النقل العام في الصين بالفعل كبيرة ومتقلقش من اللخبطة أو عدم المعرفة في البداية، لأن الشعب الصيني بشكل عام ودود جدا ومفيد وصادق، وخاصة مع الأجانب اللي مبيتكلموش اللغة الصينية، فا هتلاقيهم  دايما معاك لتوجيهك إلى المسار الصحيح لو فقدت طريقك، وماتخفش… محدش هيقولك “هو قالك فين؟!” ??

أنصحك أيضًا بقراءة:

الصين اليوم : هاجر الان الى هذه القرية واحصل على فيلا وسيارة و2 مليون جنيه

أهم 9 اسواق ملابس في جوانزو الصينية : الشوبينج رمز السياحة في الصين

نور القواص يكتب تجربة السفر الى الصين: حلوة بس ابعد عن المساج

السياحة في الصين : تعرف على أجمل 10 اماكن سياحية في الصين

كوانزو | دليلك الشامل للأسواق والاماكن السياحية في كوانزو الصينية

شاهد أيضاً

رحلتي الى جزيرة بوكيت

رحلتي الى جزيرة بوكيت : تجربة فتاة مصرية عمرها 19 عامًا

رحلتي الى جزيرة بوكيت | الرحالة | رحلة- بسمة محمود:   أنا بسمة 19 سنة، …