fbpx
الرئيسية / آسيا / نصائح السفر الى تايلند : 15 نصيحة لا تسافر تايلاند قبل معرفتها كاملة
نصائح السفر الى تايلند
نصائح السفر الى تايلند

نصائح السفر الى تايلند : 15 نصيحة لا تسافر تايلاند قبل معرفتها كاملة

نصائح السفر الى تايلند | الرحالة |

 

نيويورك ولندن وباريس ودبي كانوا أكثر مدن العالم جذباً للسيّاح إلا أن بانكوك قلبت المعادلة بامتياز، حيث تربّعت العاصمة التايلندية على عرش المدن الأكثر زيارة للسياح في العالم بعدد السياح يقدر بـ 21.5 مليون زائر وقد أنفق السياح 14.8 مليار دولار أمريكي في عام 2016 حسب تقرير ماستر كارد للمدن الاكثر زيارة عالميا في بانكوك، متفوقة بذلك على كل المدن السياحية في العالم، إذا كنت تنوي السفر الى بانكوك فيجب أن تقرأ هذا التقرير المهتم بـ نصائح السفر الى تايلند

نصائح السفر الى تايلند

 

نصائح السفر الى تايلند كثيرة ومتعددة، فتايلند من البلاد الجميلة تتميز بالشواطئ الزرقاء الصافية، والغابات الكثيفة الرائعة، على الرغم من أن بيزورها عدد كبير جدا من السياح إلا أنها مازالت محتفظة بهويتها وثقافتها الفريدة وشهرتها بابتسامة شعبها، لو أول مرة تزورها دي شوية نصائح خلى بالك منها:

1- خطط كويس لرحلتك قبل السفر الى تايلند ، تايلند بلد كبيره كلها شواطئ وجزر خلابة وكتير حدد من الاول حابب تزور ايه حسب فترة رحلتك.

2- وانت بتحجز الأوتيل ركز كويس مع موقعه، في أوتيلات بتبقي سعرها رخيص بس بعيدة جدا عن كل حاجة فهتلاقي نفسك بتدفع فلوس كتير جدا في المواصلات في تايلند

أجمل فنادق شهر العسل في تايلاند

الفنادق في تايلاند

 

3- من أهم نصائح السفر الى تايلند انك تتاكد إن الأوتيل اللي بتحجزة يكون مكيف، لان في أوتيلات كتير رخيصة بس بمراوح، التكييف أساسي لان الجو حر جدا في تايلند

4- الفطار التايلندي ملوكي، لكن لو مش فارق معاك الفطار أو مش بتحب تصحي بدري احجز أوتيل من غير فطار هيفرق معاك كتير، بس لو معاك اطفال احجز بالفطار أفضل.

5- بعض الأوتيلات بتقدم خدمة نقل النزلاء بعربيات الي أقرب شاطئ بمواعيد معينة، اسأل واعرف المواعيد.

6- حط الفلوس والباسبورات في خزنة الأوتيل، ودي من أهم نصائح السفر الى تايلند عشان لو وقع منك حاجة أو اتسرقت يبقي الفلوس والاوراق في أمان، وخد معاك الفلوس اللي هتكفيك اليوم بيومه.

محدش هيوقفك في تايلند ويقولك بطاقتك أو باسبورك. ولو حصل ولو انه مستحيل بكل بساطة هتقوله في الأوتيل وساعتها هيجي معاك الأوتيل عشان تجيبه.

برنامج سياحي لمدة 7 أيام في تايلاند
برنامج سياحي لمدة 7 أيام في تايلاند

التسوق في تايلند

 

7- مكاتب الصرافة في تايلند في نفس الشارع بتختلف في السعر من مكتب للتانى، متغيرش من أول مكتب تشوفه، وبفكرك ان دي واحدة من أهم نصائح السفر الى تايلند

8- تايلند بلد الفصال، لما تفاصل فاصل كتير عشان توصل للنص في الاخر، مثلا لو سالت على حاجة وقالك 100 بات قوله 30 عشان في الاخر تاخدها بـ 50.

9- اتقل عشان تأخد أرخص سعر، لو حاجة عجبتك عند محل ماتشتريهاش، استني في كذا محل تاني بيبيعوها.

 

جزيرة بوكيت أجمل جزر تايلاند
جزيرة بوكيت أجمل جزر تايلاند

نصائح السياحة في تايلند

 

10- خد معاك كروت فيها بيانات الأوتيل لو حصل أي حاجة توقف تاكسي وتديله الكارت هيوصلك الأوتيل وهناك تتصرف.

11- أثناء السفر الى تايلند ماتحجزش تاكسي ولا رحلة من الأوتيل، لان الأوتيل بيبقي حاطط سعر غالي جدا.

12- هتحتاج خط تليفون عليه انترنت، عشان هتتصل بشركات سياحة وهتكلم سواقين وهتستخدم الانترنت وتشغل ال جي بي اس، في خطوط موبايل مخصصة للسياح هتلاقيها في 711 وFamily Mart.

رحلة تايلاند
رحلة تايلاند

المعابد في تايلند

13- اوبر Uber موجود في تايلند، استخدمه في المشاوير الطويلة.

14- وأنت بتزور المعابد في تايلند لازم تكون لابس لبس محتشم ويفضل الأبيض، البنات يفضل لبس بنطلون أو جيب طويله.

15- جرّب الأكل في الشوارع أثناء السفر الى تايلند، عدد كبير من الاصناف المتنوعة لازم تجربها.

شاهد أيضاً

رحلتي الى جزيرة بوكيت

رحلتي الى جزيرة بوكيت : تجربة فتاة مصرية عمرها 19 عامًا

رحلتي الى جزيرة بوكيت | الرحالة | رحلة- بسمة محمود:   أنا بسمة 19 سنة، …