fbpx
الرئيسية / آسيا / السفر الى تايلاند | فرات سامي تكتب رحلتها الى تايلاند: لا تغادرها قبل هذه المغامرة
السفر الى تايلاند
السفر الى تايلاند

السفر الى تايلاند | فرات سامي تكتب رحلتها الى تايلاند: لا تغادرها قبل هذه المغامرة

السفر الى تايلاند | الرحالة | رحلة- فرات سامي:

في أوحش من بانكوك؟ أكتر مدينة كرهتها في السفر الى تايلاند وكانت بالنسبة ليّ مجرد محطة في النص برتاح فيها يوم قبل ما أسافر لشمال أو جنوب تايلاند.

لغاية ما ناس كنت مسافرة معاهم كام يوم سألوني إيه اللي لازم يتعمل في بانكوك قبل ما يرجعوا على إسبانيا. فضلت افتكر إيه اللي عملته آخر أربع مرات عديت على بانكوك فيهم ومطلعتش غير بلستة أكل وشرب.

قلت لازم أدي بانكوك فرصتها وجمعت لسته جديدة فيها حاجات أجربها وقاومت بصعوبة إني أحط أي أكلة.

السفر الى تايلاند

أول حاجة في لستة السفر الى تايلاند ماتش “مواي تاي” أو الملاكمة التايلاندي، اللي بالنبسة ليهم في تايلاند زي الكورة في مصر. يعني بدل تشيرتات الكورة اللي بتتباع في الشارع هتلاقي شورتات ملاكمة ملونة.
توصلت مع جوجل لماتش بيتعمل كل يوم حد في استاد تبع قناة في تايلاند بتصور وتذيع الماتشات دي فبالتالي الدخول من غير فلوس يعني مفيش تجربة “لوكال” أكتر من كده!.

الوصول للاستاد كان سهل بالأتوبيس بما إنه قريب من سوق “شاتوشاك” في بانكوك . سوق كبير ومشهور بيتعمل كل ويك إند.

السفر الى تايلاند
السفر الى تايلاند

السياحة في تايلاند

كنت بدأت أشك في العنوان والطريق اللي كنت ماشية بيه على الخريطة في بانكوك لما الناس في الشارع بدأت تقل لغاية ما لقيت زحمة عند بوابة ويافطة مكتوب عليها ماتش يوم الحد.

بس سمعت جرس بشبه عليه، بصيت الناحية التانية من الشارع لقيت راجل بيبيع أيس كريم وبيرن جرس نحاس صغير، لو الجرس ده مش لي هيكون لمين تاني؟!

رحلتي الى تايلاند

عديتله وغرفلي بالمعلقة أيس كريم جوز هند، وهي تجربة مهمة لازم تعملها أثناء السفر الى تايلاند ، المهم شاورلي على علبة السوداني قلتله أكيد! وبعد السوداني اللبن المكثف، اللي تقريبًا بيتحط على كل حاجة حلوة بتتاكل أو تتشرب حتى القهوة الساقعة.

دخلت وسط الزحمة ومفيش حد بيقولك تروح فين ولا تيجي منين بس مشيت ورا الزحمة والرجالة التايلانديين اللي ماشيين في خطوة سريعة وشكلهم متحمس جدًا.

لغاية ما وصلنا لباب صالة متغطية -اللي مكانتش كبيرة زي ما تخيلتها- مدرجات حديد عالية حوالين حلبة الملاكمة، ولسه كنت هدور على مكان فاضي لقيت ناس بتشاورلي أكمل قدام لغاية ما لقيت حتة مفيهاش أكتر من سبع أجانب قاعدين.

الأيس كريم كان خلص قبل ما الماتش يبدأ طبعًا، واحد تايلاندي جنبي شافني محتاسة بالكوباية شاورلي أديهاله، وراح رميها تحت المدرجات اللي لقيت إن الكوباية بتاعتي مش أول ضيف فيها.

الملاكمة التايلاندي

النور بدأ يهدى وصوت موسيقى بدأ يعلى وأول ماتش هيبدأ. لقيت ولدين سنهم يمكن ميعديش تسع سنين، وقفوا قدام بعض وبدأوا يعملوا رقصة معينة كتحية قبل الماتش؛ حركات ماشية مع صوت طبلة ضخمة وخطواتهم كأنها جمباز”سلو موشن”.

الجو قلب فجأة كأننا تبع قبيلة والولدين بيرقصوا حولين النار. مشهد غريب في رحلة السفر الى تايلاند
الجرس ضرب والماتش بدأ، بدايته كانت مملة لحد ما لقيت رِجل واحد فيهم طارت لوِش التاني إيه يا جماعة ده؟ الضرب ده بجد كده ليه؟ عندهم كام سنة دول أصلًا؟!

سمعت كلام بسيط عن المواي تاي بس مشوفتش ولا فيديو فمتوقعتش إني هلاقى عنف كده ولا هشوف كل الدم ده. صوت الناس بدأ يعلى ومع كل ضربة بتتاخد، يروح الناس في صوت واحد قايلين”هوو!”ضربة ورا التانية وراالتالتة، تَلَت ضربات سريعة! هوو! هوو! هوو!

السفر الى تايلاند
السفر الى تايلاند

مغامرات السفر الى تايلاند

الماتشات كانت بترتيب السن وكل ما سنهم كان أكبر كل ما اللون الأحمر في وشهم بيزيد مع كل ضربة والناس تتحمس أكتر وصوتهم بيعلى سواء في الــ”هوو”أو الرهان اللي شغال قبل ما كل ماتش يخلص.

واحد يحط فلوسه على الفريق الأحمر واللي جنبي يشاور على جدول الماتشات إن الأزرق هو اللي هيكسب. كل واحد بيبعت فلوسه للراجل اللي في النص؛ أعلى صوت فيهم وشكلها سبوبة كل يوم حد.

آخر ماتش كان أكتر واحد شفت فيه شلاليت بتطير بسرعة سواء للجناب أو للوش ومبقتش عارفة أحدد مين اللي هيكسب من كتر ما الإتنين وشهم بقى متغطي دم في الآخر بعد ما إحتفلوا بنهاية الماتش، الناس وقفت تتصور مع الولد اللي كسب.

السفر الى تايلاند
السفر الى تايلاند

نصائح السفر الى تايلاند

متوقعتش أشوف يوميها كل العنف والحماس ده في مكان واحد من شعب في حجمه صغير وبيغرقك بالإبتسامات من غير ما تعرفه. بس مقدرش أنكر إن أنا إتبسطت إني أخيرًا شوفت مواي تاي، اللي في ناس بتيجي تايلاند مخصوص عشان يتعلموها وكويس إن فلوس الكامب اللي لقيته كان غالي عشان مكنتش هقدر أطير رجلي لفوق كده.

نصيحة: لو قررت تخوض تجربة السفر الى تايلاند وعايز تشوف ماتش مواي تاي، بلاش تروح واحد في الأماكن السياحية زي پوكيت اللي أصلا هيكون ماتش ما بين إتنين أجانب.

نصيحة تانية: متنهيش رحلة السفر الى تايلاند من غير ما تعيش جو ماتش مواي تاي غير لو مش عايز تشوف دم بيطير ع الأرض.

أنصحك أيضًا بقراءة:

السفر الى اسيا | فرات سامي تكتب عن مغامرة الـ 115 يوم في جنوب شرق آسيا

بانكوك تايلاند | فرات سامي تواصل رحلة الـ115 يوم في آسيا: أهلا بكم في بانكوك

السفر إلى تايلند | فرات سامي تواصل رحلة الـ 115 يوم: أسبوع العذاب في تايلاند

رحلتي الى بوكيت | فرات سامي تكتب تجربتها في أجمل جزر تايلاند: مغامرة ممتعة

رحلتي الى جزيرة كوه تاو | هذا السبب قد يفسد رحلتك إلى أجمل جزر تايلاند

شاهد أيضاً

رحلتي الى جزيرة بوكيت

رحلتي الى جزيرة بوكيت : تجربة فتاة مصرية عمرها 19 عامًا

رحلتي الى جزيرة بوكيت | الرحالة | رحلة- بسمة محمود:   أنا بسمة 19 سنة، …