fbpx
الرئيسية / آسيا / نور القواص يكتب تجربة السفر الى الصين: حلوة بس ابعد عن المساج

نور القواص يكتب تجربة السفر الى الصين: حلوة بس ابعد عن المساج

السفر الى الصين | الرحالة | رحلة- نور القواص:

السفر الى الصين حاجة منتهى البساطة إنك تطلع تاشيرة الصين مش حاجة صعبة زي مافي ناس كتير بتقول، وتحجز تذكرة طيران في حدود الـ 6500 جنيه رايح جاي، ده متوسط اسعار تذاكر السفر الى الصين . وفي تذاكر طيران رخيصة للصين تقدر تجيبها كمان من مواقع مختلفة وتحجز فندق من مكانك، وممكن تنزل تدور على فندق أول ما توصل، وغالبا الأسعار بتبدأ في الليلة الواحدة من 100 رمنبي أو يوان صيني.

السفر الى الصين

رحلتي لجوانزو في الصين بدأت كده بالظبط، رحلتي كانت على مصر للطيران رحلة 10 بالليل، بعد عشر ساعات طيران متواصل وصلت الصين تاني يوم الساعة 3 العصر بتوقيت جوانزو البلد الجميلة اللي كلها شغل وناس رايحة وجاية من كل بلاد العالم.

السفر الى الصين
السفر الى الصين

الصينيين كويسين بس أهم حاجة لما توصل المطار تبقى عارف إنك في بداية المغامرة وإوعى تخاف إنك في بلد محدش فيها بيتكلم إنجليزي، اتعامل عادي.

مترو الأنفاق في الصين جوه المطار تاخده وتنزل محطة شاوبي، وهي محطة مترو منطقة عرب جوانزو، هناك تدور على فندق حلو ورخيص والتعامل بيكون من خلال الألة الحاسبة بيقولك سعر الليلة كذا وبيكتبلك على الألة الحاسبة الرقم. تعامل عادي ?

مثلا عايز أزازة ماية أدخل السوبر ماركت إختار اللي إنت عايزه، ماية.. أكل.. شرب.. أي حاجة نفسك فيها، خدها وروح عند الكاشير إديله الحاجة هيحسبها ويطلعلك الحساب على الجهاز قدامك مثلا 30 يعني هتدفع 30 رمنبي وممكن تدفع بالفيزا لو حابب.

الاكل في الصين

حاول تاكل أكل من محلات العرب أو اي محل مكتوب عليه حلال، عشان الأكل هناك في الصين غريب عجيب كلاب وقطط وخنازير وتعابين وعقارب وحاجات كتير كده، المهم كل حاجة موجودة ماتخفش أبدا.

السفر الى الصين
السفر الى الصين

وإنت في الصين اركب المترو روح بيه في كل مكان هتتبسط، أنا شخصيا كنت في منطقة اسمها تاوجين بعد منطقة عرب جوانزو عشان أعيش المغامرة ومبقاش مجرد واحد بيحتمي في ناس زيه عرب .. لأ .. حبيت أعيش اللحظة بجد وأكتشف كل حاجة بنفسي.

أهم حاجة ماتمشيش بفلوس كتير في جيبك عشان في نشالين، وهتلاقي شحاتين كمان كل حاجة موجودة هناك زي أي بلد في الدنيا بس بجد هتتبسط جدا جدا.

حاول ماتقعدش أكتر من أسبوع عشان تحس إنك حابب البلد لأن أكتر من كده هتمل جدا وحاول تبعد عن المساج الصيني ما أدراك ما المساج الصيني.

خلص رحلتك للصين واتصور في معالم جوانزو زي مثلا برج الكانتون، وحديقة الحيوان الكبيرة، ومناطقها الواسعة، وشوارعها الكبيرة، ولازم هناك تجرب تركب عجلة؛ إيجارها 20 رمنبي 3 ساعات إوعى حد يخمك.

برضه إنزل الداون تاون، ومنطقة هايزوه، واتفرج على المحلات والدنيا الحلوة، وممكن لو ظروفك تسمح تركب القطار السريع وتطلع يومين على شينزين هتتبسط أوي أوي هناك، وتتفرج على المصانع العملاقة والشركات الكبيرة ومحلات الملابس اللي في كل مكان ولو معاك قرشيين ممكن تجيب شوية رفايع وتاجر فيها أول ماتنزل مصر يبقى طلعت مصاريف رحلتك.?

من الأخر الصين حلوة والمرة الجاية ناوي أطلع الصين بس هروح بكين عند محي بتاع لي

أنصحك أيضًا بقراءة:

الصين اليوم : هاجر الان الى هذه القرية واحصل على فيلا وسيارة و2 مليون جنيه

السياحة في الصين : تعرف على أجمل 10 اماكن سياحية في الصين

كوانزو | دليلك الشامل للأسواق والاماكن السياحية في كوانزو الصينية

السفر للصين مش محتاج مكاتب سفريات : 5 نصائح مهمة لـ السياحة في الصين

شاهد أيضاً

رحلتي الى جزيرة بوكيت

رحلتي الى جزيرة بوكيت : تجربة فتاة مصرية عمرها 19 عامًا

رحلتي الى جزيرة بوكيت | الرحالة | رحلة- بسمة محمود:   أنا بسمة 19 سنة، …