الرحالة و المسافرون العرب

السرقة في السفر : 8 طرق للنصب بينها الأطفال والسيدات المسنات

الرحالة | لازم تكون على دراية كافية إزاي تحمي نفسك من الوقوع في فخ اللصوص، في أماكن الزيارة لأي بلد تانية. موقع الرحالة هيرشدك بمجموعة من الخدع والحيل السياحية، تحميك من التعرض للنصب و السرقة في السفر.

١- خدعة الصحيفة

خدعة الصحيفة دي شائعة جدا وخصوصا في روما، وبتم كالآتي، وإنت ماشي في الشارع يلتف حولك مجموعة من الأطفال، في الظاهر يبدون أبرياء :)، بعدها يبدأوا بالتلويح بالصحف عليك. في الحالة دي بتصبح مشتت، وهنا ينتزع أحد الأطفال محفظتك أو حقيبتك، لو اتعرضت للحيلة دي، لازم تبعد بسرعة بعيد عن الأطفال دول، ولو تأزم الأمر يبقى تطلب المساعدة فورا.

٢-  آسف يا سيدي

والخدعة دي بتحصل بشكل أكبر في المطارات، فغالبا بيكون المسافر مشغول أو متوتر، ويأتي شخص يقف جنبك ويلقي عليك عصير، شاي، ميه، ويتعمد باصرار إنه يحاول يساعدك في تنظيف ملابسك، وفي اللحظة دي هيسرق محفظتك قبل صعودك للطائرة.

وعشان تتجنب الوقوع فريسة الحيلة دي، حط الحاجات الخاصة بيك بأمان في شنطة صغيرة امسكها كويس. وإذا كنت مسافر مع ناس كتير، خلي حقائبك في نص حقائب السفر الخاصة بمجموعتك، بدل ما تحطها على جنب أو في الخلف، أما بالنسبة لمحفظتك، لازم دايما تكون في جيبك الأمامي بدل الخلفي.

 

٣- سقوط امرأة مسنة

منتشر جدا في لندن حيلة سقوط سيدة مسنة، والحيلة دي وسيلة لإلهاءك بحيث تتعمد سيدة مسنة عمل ضجة قبل ما تقع على الأرض، بعدين بيتحرك بعض الناس المتواطئين معاها بسرعة بين الواقفين وفي اللحظة دي بيقوموا بالسرقة. وعلشان كدا من المهم أنك تفضل منتبه وحذر طول الوقت، لتجنب عمليات الاحتيال اللي بالطريقة دي أو من هذا القبيل، وإفتكر إن دايما عليك التنحي جانبا والحفاظ على ممتلكاتك.

 

٤- ألواح التزلج

احذر من تأجير ألواح التزلج وإنت مسافر إلى بوكيت في تايلاند، لأنه عند تأجير “جت سكي” من الشاطئ، وإنت راجع بيه، المؤجر هيدعي ان في  أضرار كبيرة فيه، وهيحتاج أنه يصلحه ولازم تدفع مبلغ كبير كمقابل. وعلشان تتجنب الوقوع في الفخ دا، اتأكد من معدات التزلج قبل التأجير، أو حتى ممكن تبقى تصورها.

 

٥- الـ wifi غير آمن

الناس بقت مرتبطة بالإنترنت بشكل كبير، وده إما عن طريق الموبيل أو أجهزة اللاب توب، لكن بيقابلنا واي فاي غير آمن وده طبعا بيهدد خصوصيتنا وقت السفر. وبما إن ده موسم الأجازة، وكتير من المسافرين بيفضلوا استخدام  الواي فاي العام، اللي بيقدم في الفنادق والمطارات والمطاعم وشوارع المدينة، وده اللي بيسهل إمكانية اختراق معلوماتك بسهولة جدا، فحاول دايما تكون حذر وتستخدم أنترنت أمن أو خاص بيك.

 

٦- قيادة السيارة والتهديد بالسكين

ده منتشر على نطاق واسع في أجزاء من أوروبا الشرقية والبلقان وصقلية، بحيث يشاورلك شخص ما  وانت بتسوق العربية إن في مشكلة في عربيتك، وده طبعا بيكون مجرد حجة وهمية ليس أكثر.

٧- عروض فنية وهمية

كن حذر من طلاب الفنون الشباب الموجودين في الشارع بيدعوك لمعارضهم، وغالبا بتكون مضطر لدفع رسوم الدخول، أو دفع ثمن مشروبات مبالغ في ثمنها. ودي منتشرة خاصة في الصين، فا ممكن تعتذر بأدب من كل من يطلب منك زيارة معرض فني أثناء السفر في بكين أو شنغهاي.

 

٨- حيل سياحية تستخدم لـ السرقة في السفر

احترس من شباب تقترب من السائحين ويطلبوا منهم ملء المسح للدراسات والاستطلاعات، خصوصا في برلين، وبعدين  تكتشف إنها استمارة للتوقيع على التبرع بالمال، حيث يبدأ يسألك عن اسمك وعنوانك، ولو كنت تدعم قضية المؤسسات الخيرية، وفي النهاية يجبرك بالتبرع لجمعية خيرية .

حرصًا منا على تقديم أفضل خدمة للقارئ.. إذا كان لديك أي مشكلة مع محتوى التقرير، بخصوص معلومات غير صحيحة أو منسوخة من موقع آخر، أو وجود معلومات تعتقد أنه من المفيد إضافتها، يرجى استخدام هذا النموذج لإفادتنا بالشكوى أو التصحيح أو الإضافة.

اترك رد

لن يتم نشر عنوان بريدك الإلكتروني.