fbpx
الرئيسية / آسيا / افضل الاسواق في اسطنبول : الدليل الشامل للتسوق في مولات اسطنبول
افضل الاسواق في اسطنبول

افضل الاسواق في اسطنبول : الدليل الشامل للتسوق في مولات اسطنبول

افضل الاسواق في اسطنبول | الرحالة | تجربة- عمرو شريف:

من افضل الاسواق في اسطنبول هي المولات. وزيارة المولات بيعتبر فسحه في إسطنبول, هنطلع بالأسعار ونروح المولات الأوتليت.

ومعني مول أوتليت يعني بيكون فيه ماركات عالمية أو ماركات تركية بأسعار مخفضة عن نفس الماركات دي في الأماكن التانية.

وسبب التخفيض بيكون راجع إن المعروض فيها بيكون موضه السنه السابقة أو بيكون في بعض العيوب البسيطة اللي غالبا مش بتكون ظاهرة في المنتجات، بس بالنسبة لهم دي مش الجودة المطلوبة.

افضل الاسواق في اسطنبول

بصراحة فعلا الأسعار بتكون رخيصة جدا, يعني مثلا من بعض الأمثلة اللي بتكلم عنها ماركة نايك، هتلاقي في الأوتيلت التي شيرت ممكن يكون من 17 إلى 30 ليرة (الليرة بتعمل 2.75 جنيه مصري قبل التعويم)،

ومثلا الجزمة ممكن تعمل من 80 إلى 120 ليرة، وماركه يوس إس بولو، التي شيرت فيها ممكن يعمل 30 ليرة اللي هو هنا ما بين 500 إلى 800 جنيه، وصدقوني هو هو نفس التي شيرت.

وطبعا حدث ولا حرج علي الجزم السيفتي والسويترات، أسعار بجد في الأرض وسويت ريو إس بولو يعمل 150 ليرة والسيفتي من 30 إلى 50 ليرة, وعامة الأوتيلت دي بتكون فيها معظم الماركات.

 

اقرأ أيضًا: الاسواق في اسطنبول | دليلك للتعرف على أهم المراكز التجارية و الاسواق في اسطنبول

 

1- مول فيا بورت في اسطنبول

– أحسن وأكبر مول فيهم اسمه فيا بورت هو بصراحة بعيد قوي بس يستحق المرواح، ولازم هتضيع اليوم كله فيه هو في الجنب الآسيوي جنب مطار صبيحة.

أولا هتركب مركب اسمها إيدو باص ودي مركب بتطير على الميه، وبتاخد 25 دقيقة علشان تروح بيها مينا اسمها بوستانشي والمركب دي بتتركب من كاتاباس.

ولو في تقسيم توصل لكاتباس عن طريق مترو الأنفاق محطة واحدة ولو انت في لالاي او السلطان أحمد تركب الترام لآخر محطه اسمها كاتباس.

– مواعيد الايدو دي غبيه شوية ويوم السبت إجازه – الايدو سعرها 5.30 ليرة وأحسن ميعاد هو الساعه 9.40 من كاتباس توصل 10.05 بوستانجي.

أول ما تطلع من الميناء علي شمالك في كافيه اقف قدام الكافيه عدي الرصيف والساعه 11 بالضبط الأتوبيس المجاني بتاع المول هتلاقيه جاي ياخدك وخلي بالك هتلاقي طابور للأتوبيس و بالتالي روح اتنشر من 10.30 علشان تلاقي مكان.

افضل الاسواق في اسطنبول

افضل الاسواق في اسطنبول

الأتوبيس بياخد 45 دقيقه علشان يوصل المول وفي الرجوع هتاخد برضه الأتوبيس لنفس الميناء والأتوبيس بيتحرك كل ساعة، يعني تاخد أتوبيس الساعه 5.

بس بقي يا جميل لازم تروح تتنشر بالكثير الساعه 4.30 مستنيه، أحسن هتلاقي طابور مالوش أول ولا آخر وبقول على الساعة 5 تركب لأن آخر مركب بتتحرك 6.20 من بوستانجي.

إنما بقي لو حضرتك مقيم في تقسيم ممكن تاخد بدل المركب الدولموش وهو يعني ميكرباص يوصلك لميدان تقسيم وتقريبا بنفس سعر المركب بس بقي بتستنى يتملي والكلام المصري اللي عارفينه.

ونفس سواقة سواقيين مصر شمال في شمال وسرعة وغرز بس بصراحه جوه الميكروباص نضيف جدا أولا 8 راكب و الباب بيتقفل ويتفتح كهربا وجواه كاميرات، فرق برضه.

 

اقرأ أيضًا: الاسواق الشعبية في اسطنبول : بينها سالي بازاري وسوق فاتح وبكر كوي

2- أوليفيم مول في اسطنبول

– ثاني أحسن اوتيلت مول اسمه أوليفيم مول وده مش بعيد قوي. لو انت في تقسيم تركب أتوبيس نقل عام من محطه تقسيم رقم 93 T ولو في لالاي تركب رقم 93 O رقم 93 C.

افضل الاسواق في اسطنبول
افضل الاسواق في اسطنبول

الأتوبيس هينزلك في محطة أوليفيم في وش المول دقيقتين مشي وهتلاقي نفسك جوه ويمكن السكه بتاخد نص ساعة من تقسيم، وحوالي 20 دقيقة أو أقل لو راكب من لالاي وده مول برضه حلو جدا بس أصغر من فيابور.

3- أوبتيموم مول في اسطنبول

– تالت أحس أوتليت هو اسمه أوبتيميم وده تاني في الجانب الآسيوي يعني بعيد بس بقي سهل لو في تاكسي.

هتاخد مترو إم 2 لمحطة يانباكي وبعدين تغيره لخط إم (لآخر الخط وهو 3 محطات) وتنزل تاخد المترو التاني اللي رايح محطة ياني سحاري هتطلع من الخط هتلاقي المول في وشك بس مش وشك قوي، 5 دقائق مشي.

افضل الاسواق في اسطنبول

ولو انت في لالاي هتركب المترو من يانباكي علي طول ونفس الطريق -رابع مول اسمه 212 باوراوتليت مول وده تقريبا جنب مطار أتاتورك.

لو من تقسيم هتروح كنابش يعني تركب المترو محطة وتاخدالترام من كاتباش اللي هو أول الخط لآخر محطة في خط الترام ولو في لالاي هتاخد الترام من محطة لالاي لآخر الخط.

وصلنا آخر الخط تاخد شمالك وتمشي 5 دقائق هتلاقي ميدان وفي وشك محل كبير ال سي واكيكي اقف هتلاقي ميكروباصات بالهبل قديمة ومعفنة شويه مكتوب على إزازها اسم المول اركب أي واحد فيهم بـ 1.5 ليرة هينزلك عند المول.

ودي بقى ميكروباصات فيها ناس واقفة ومبهدلة خالص وفي الرجوع نفس الطريق ميكروباص من قدام المول لغاية محطة الترام (على فكره إسطنبول فيها أكثر من 100 مول بس دول أشهرهم).

هذا التقرير منشور بالاتفاق مع صفحة Travel Secrets

حجز فنادق تركيا من Booking

فنادق اسطنبولفنادق طرابزونفنادق فتحيةفنادق انطاليافنادق مرمريسفنادق انقرةفنادق بودرومفنادق بورصةفنادق ازميرفنادق اوزنجول

مقارنة أسعار الفنادق في تركيا من مواقع مختلفة

الفنادق في اسطنبولالفنادق في طرابزونالفنادق في فتحيةالفنادق في انطالياالفنادق في مرمريسالفنادق في انقرةالفنادق في بودرومالفنادق في بورصة  – الفنادق في ازميرالفنادق في اوزنجول

العمل في الخارج

فرص عمل في الخارج – سجل السيرة الذاتية للعمل في الخارج

شاهد أيضاً

رحلتي الى جزيرة بوكيت

رحلتي الى جزيرة بوكيت : تجربة فتاة مصرية عمرها 19 عامًا

رحلتي الى جزيرة بوكيت | الرحالة | رحلة- بسمة محمود:   أنا بسمة 19 سنة، …