fbpx
الرئيسية / أوروبا / ازاي تلف باريس كلها بـ 17 جنيه في اليوم؟
منحة لـ السفر و الدراسة في فرنسا
منحة لـ السفر و الدراسة في فرنسا

ازاي تلف باريس كلها بـ 17 جنيه في اليوم؟

تجربة- بهاء فاروق:

طريقة جديدة علشان تتفرج على مدينة الأضواء باريس بأرخص سعر, تصدق انك ممكن تتنقل في كل باريس و تلف بين كل معالمها و كل ده مش حيكلفك أكتر من 17 جنيه في اليوم أو 80 جنيه في الأسبوع.. الحل مع خدمة Vélib ?

دي خدمة تأجير دراجات هوائية (عجل يعني) وفرتها بلدية باريس من سنة 2007 علشان تحافظ على البيئة و تتفرج على باريس بأرخص سعر وكمان تخليك تخس شوية 😀

النظام ده معتمد انك بتاخد عجلة من محطة وتلف بيها زي ما انت عاوز وترجعها محطة تانية أو نفس المحطة وهكذا, تقدر تستخدم الخدمة دي 24/7 على مدار الأسبوع.

الخدمة دي بتوفر لك استخدام أكتر من 23600 عجلة في باريس متوزعة في أكتر من 1800 محطة في كل ضواحي باريس, بين كل محطة والتانية مش أكتر من 300 متر. الحلو في الموضوع انك مش حتحمل هم انك ترجع العجلة لنفس المكان أو حتخاف تسيبها في الشارع لا تتسرق 😀 , كل اللي عليك انك توديها لأقرب محطة ليك وكده انت في السليم 😉

طريقة استخدامها بسيطه جدا: كل اللي انت بتعمله انك بتدخل على الموقع ده: http://en.velib.paris.fr/ وتسجل عليه وتشترك يوم أو اسبوع وتدفع بالكريدت كارد, حيبعتولك رقم سري وهو ده حيكون مفتاحك لاستخدام الخدمة دي من أي محطة في باريس.

الخدمة دي كمان متوفرة على أبليكاشن على الموبيل بيوضح لك أقرب محطة ليك والباقي من مدة اشتراكك ومدى توفر العجل في المحطة دي.

يعني حتلف باريس وحتوفر وتتحرك براحتك وتعمل رياضة وتدعيلي  🙂 ?

شاهد أيضاً

أجمل المدن السياحية في تايلاند

أجمل المدن السياحية في تايلاند : بينهم بانكوك وبتايا وشانجماي

أجمل المدن السياحية في تايلاند | الرحالة | رحلة- بهاء فاروق:   بداية عشقي للسفر …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *