fbpx
الرئيسية / تقارير مميزة / احترف السفر من الألف للياء: أسرار تحديد ميزانية رحلتك (2)

احترف السفر من الألف للياء: أسرار تحديد ميزانية رحلتك (2)

تجربة- بهاء فاروق

تحديد ميزانية السفر خطوة مهمة جدًا لازم تفكر فيها قبل ما تاخد قرار انت هتروح فين. صفحة Travel Secrets نشرت تقرير مهم عن ده، بناء على تجربة مؤسس الصفحة المهندس بهاء فاروق، اللي بيقول إن اختيار الدولة اللي نفسك تزورها لازم يكون متناسب مع الميزانية اللي هتحددها، يبقى قبل ما نسافر أي مكان هنحدد الأول ميزانيتنا تقريبًا قد إيه, وبعدها نشوف ممكن نروح بالميزانية دي فين.

نقول مثال: انت عارف إنك ممكن تسافر لدولة زي تركيا مثلًا طيران ورحلات وإقامة في الفندق وانتقالات بمبلغ لا يزيد عن 3500 جنيه (الأسعار الواردة في هذا التقرير قبل تعويم الجنيه), وده لو عرفت تختار الوقت المناسب للسفر وتختار المكان المناسب لميزانيتك, فأهم حاجة هي إزاي تعرف تنظم الرحلة وتختار الوقت المناسب، وصدقني بأي ميزانية هتعرف تسافر وتتبسط وتشوف أماكن جديدة.

 

أسرار تحديد الميزانية:

المرحلة الأولى: تعرف إن أكبر سعر في تحديد الميزانية هو تذكرة الطيران ( في موضوعات خاصة لأسرار اختيار أرخص سعر لتذكرة الطيران في قسم نصائح السفر)، ودي تقريبًا سعرها بيكون حوالي 34 % من إجمالي الميزانية.

المرحلة الثانية: اختيار مكان السكن المناسب لإمكانيتنا وده ممكن يكون هوستل (سرير مشاركة في غرفة) أو يكون فندق بيوفر غرف اقتصادية مثلا، وده نسبته حوالي 34 % من الميزانية.

المرحلة الثالثة: ودي المرحلة اللي بتاخد مننا وقت في الترتيب شوية وهي تحديد الأماكن اللي عاوزين نزورها وأسعار تذاكر الدخول لها. ونقدر نعرف ده بسهولة جدا من الإنترنت. أرشح لكم موقع tripadvisor.com وده منه تقدر تعرف أحسن الأماكن السياحية في أي مدينة مثلا ومنه تقدر تحدد انت عاوز تروح فين وسعر تذكرة دخول المكان ده كام. والمزارات السياحية نسبتها من الميزانية حوالي 15%.

المرحلة الرابعة: تحديد ميزانية للانتقالات وهنعرف إزاي نقدر نتحرك في أي دولة سياحية بأقل تكلفة عن طريق استخدام المواصلات العامة زي أهل البلد ودي نسبتها من الميزانية حوالي 10%.

المرحلة الخامسة: ميزانية الوجبات ومبلغ بسيط للهدايا والتذاكارات. ودي ممكن نخلي لها ميزانية لاتزيد عن 10%.

في الآخر كل اللي بترجع بيه لبلدك هو صورك وتذكارات بسيطة وذكريات حلوة وتجارب جديدة بتخليك إنسان مختلف. أهم حاجة في أي رحلة إنك تمشي وتشوف وتتوه وصدقني في كل خطوة هتكتشف حاجات جديدة.

الأحلى كمان إنك تعيش زي ما أهل البلد عايشين، يعني تاكل من أكلهم وتركب مواصلاتهم وتعرف عاداتهم وتقاليدهم وبعض كلماتهم. وده هيثبت لك قد إيه مهما كانت بتفصلنا حدود وبنختلف في عاداتنا وتقاليدنا ومعتقداتنا بس إحنا في الآخر إنسان.

شاهد أيضاً

التصريح الأمني

التصريح الأمني | تعرف على الدول التي تحتاج التصريح الامني وكيفية استخراجه

التصريح الأمني | الرحالة | ارتفع عدد الدول التي ينبغي على المصريين الحصول على تصريح …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *