fbpx
الرئيسية / أوروبا / إزاي تاخد فيزا شنجن وباسبورك لسه أبيض (تجربة عملية)
10 نصائح للحصول على تاشيرة شنجن

إزاي تاخد فيزا شنجن وباسبورك لسه أبيض (تجربة عملية)

تجربة- أحمد الداوي:
أولا احنا عددنا كان 5 أفراد, واحد فينا اللي الباسبور بتاعه فيه 4 تأشيرات, وواحد معاه فيزا تركيا فقط, وأنا وواحد باسبورنا أبيض، مفيش تأشيرات خالص ولا سافرنا قبل كده. والخامس طفل ابن واحد صاحبي, المهم دخلنا عملنا الأبليكاشن على tlscontact وده موقعهم:

https://www.tlscontact.com/eg2fr/login.php?l=en
الورق المطلوب كان كالتالي:
•كشف حساب بنكي عن آخر 3 شهور وأنا قدمت 6 شهور، أهم حاجة في كشف حساب البنك إن يبقى في حركة سحب وإيداع كتير ومش مهم المبلغ، يعني لو انت هتقعد 10 أيام عن كل يوم 100 يورو وزود 2000 أو 3000 جنيه.
•جواب من الشغل بيفيد إن انت بتشتغل في الشركة من سنة كذا لغاية دلوقتي وان انت بتقبض كذا ومن المستحسن أن يكون المبلغ أكتر من 3 آلاف جنيه.
• وثيقة تأمين صحي بتغطي حوالي 30000 يورو ودي أنا جبتها من شركة مصر للتأمين وكانت بـ 106 جنيه.
•حجز فندق وطيران مؤكد بمعنى ان انت تدخل على booking وتحجز فندق إلغاء مجاني وبعد ما تاخد التأشيرة بتكنسله عادي. والطيران بتطلع على أي شركة سياحة في ميدان التحرير وبيحجز لك طيران لفرنسا ذهاب وعودة بحوالي 30 جنيه.
•الصور الشخصية نصيحة متتصورش في أي حتة وسيبهم يصوروك في مركز tlscontact والـ 8 صور بـ 30 جنيه.
•خط سير الرحلة ودي ورقة انت بتقدمها عن كل يوم انت هتقعد فيه في فرنسا لو انت كاتب انك هتقعد 10 أيام هتدخل على trip advisor وتجيب أهم المعالم في باريس وتكتب عن كل يوم مكانين بطريقة لذيذة.
ملاحظات:
•اتأكدوا من كل البيانات اللي بتملوها في الأببليكاشن والتواريخ لأنها مهمة جدا وأي خطأ فيهم بيقلل من فرص حصولك على التأشيرة.
•متكدبش في أي معلومة علشان لو اتعرف انك بتكدب ممكن تاخد رفض مباشرة.
•انت مش بتعمل interview في مركز tlscontact انت بتتصور وبياخدا بصماتك يعني لازم تقنعهم بالورق إنك راجع تاني.
• فلوس التأشيره غير قابلة للاسترجاع يعني سواء التأشيرة طلعت أو مطلعتش مش هتاخد فلوسك تاني (بس يكفيك شرف التجربة) 😀

هذا التقرير منشور بالاتفاق مع صفحة Travel Secrets

شاهد أيضاً

افضل فنادق ميونخ

افضل فنادق ميونخ

افضل فنادق ميونخ | الرحالة | ميونخ، المدينة العريقة، العاصمة الخفية لالمانيا، مدينة الأديرة والكنائس …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *