الرئيسية / أوروبا / أحمد طارق يواصل رحلته في التشيك: العتبة مش بس في مصر

أحمد طارق يواصل رحلته في التشيك: العتبة مش بس في مصر

رحلة- أحمد طارق:
براغ يا جماعة، أو زي ما بيقولوا عليها “Praha”، وبعدين بقى في المزاولة دي؟ ليه ياعم سميتوها “براها”؟!.. الممهم وقفت واحد كده قولتله خد بقى يا عم يا بتاع “براها”، انتا ليه سميتوها كده يا نجم؟
– قال لي اسمع يا سيدي زمان كان في أميرة في التشيك نامت، وبعد ما صحيت، خير بقى اللهم اجعله خير، قالت أنا حلمت إن فيه مدينة بعد النهر عند “العتبة” اللي هناك دي إنها هتلمس السحاب.
– يا أميرة ميصحش كده؟، انتي كنتي مطبقة علي سبيستون ولا إيه؟!
– لأ هعمل المدينة يعني هعمل المدينة ✋
المهم يا سيدي ف الآخر سموها “prah” يعني “عتبه” بالتشيكي، يعني لو انتا رايح براغ و حد قالك رايح فين و انتا عايز تمنع الحسد قولوا مشوار كده كام يوم ف العتبة، وراجع ?✋?.

*موقف مصري ١٠٠٪‏*

أصحابي كانوا بيدرسوا في ألمانيا، ف اتفقنا إننا نتقابل في براغ، المهم بعد ما لفينها حتة حتة لقيت مرة واحدة كده قصر شكله غريب ومنور كده، فقلت لهم: تعالوا نشوف إيه ده قالولي بلاش ده شكله مش مكان سياحي.
قلت لهم: لا تعالوا نشوف، المهم دخلنا لقينا مكان حلو قوي وبهو كده وسلالم شغل قصور حريم السلطان ?
المهم كنا سامعين مزيكا فطلعنا فوق لقينا حفلة وناس هنود كتير قوي وبوفيه بقى وحاجة دلع خالص نعمل إيه بقى، عملنا فيها هنود واحتفلنا معاهم، رقص وأكل بقى وإيه، كانت ليلة والله ?✋?
و بس كده يا سيدي .
أهم الأماكن:
– Charles Bridge
– Dancing House
– Prague Castle
– Prague astronomical clock
– Old Town Square
مدينه تحفه بكل ما تحمله الكلمه من معني، ومش غاليه خالص.


* أزاي أعرف أشهر الأماكن اللي ممكن أزورها في أي بلد؟
– عندك أول حاجة بخطوه بسيطه قوي أدخل علي جوجل واكتب: things to do وبعدها تكتب البلد اللي انت فيها، هيجبلك أشهر الأماكن اللي ممكن تزورها، وكمان صور ليها و مكانها علي الخريطة.
– تاني حاجه بيبقي ف Guide Map لكل بلد في أي هوستيل أو فندق ببلاش هتلاقي فيها برضه أسامي أشهر الأماكن.
– آخر حاجه ممكن تسأل أي حد في المترو أو في الشارع، افتح معاه كلام وعرفه بنفسك إنك سائح و كده وقل له إيه أشهر الأماكن اللي ممكن أزورها أو أشهر الأكلات مثلا، أغلب اللي اتعرفت عليهم كانت بالطريقه دي، ناس كتير قوي بتحب تساعد.

شاهد أيضاً

قصر فرساي

قصر فرساي : نصحبك في جولة داخل أهم معلم سياحي في فرنسا

قصر فرساي | الرحالة |   كل شئ يثبت أنه مبنى استثنائي ويمتلك إبداع خاص …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *