دليل “المستعجلين” للسفر الداخلي في مصر: مش لهواة الأنتخة

دليل “المستعجلين” للسفر الداخلي في مصر: مش لهواة الأنتخة

Icon فبراير 17, 2017
Icon By Ahmed Belal
Icon 0 comments

كتب- أحمد مبارك:

ليه الدليل؟
الأول: شرم الشيخ والغردقة والساحل والسخنة، أصبحوا وجهات غير مرضية ومكررة للناس اللي بتحب السفر، الأماكن دي جميلة لكن طغت عليها الفنادق وأصبحت مكان للأنتخة. السفر في وجهه الآخر يعني تنطيط وفيه جزء استكشاف طبيعة بكر، محبي الأنتخة شكرا لوجودكم لكن احنا هنا مسافرين مش مأنتخين، ممكن تحجز من على Booking فندق خمس نجوم وتنطلق، وممكن تكمل البوست وتغير رأيك، وممكن تاخد البوست وتولفه وبيقى جزء أنتخة وجزء تنطيط.
الثاني: السياحة في مصر اتحصرت في الأربع مناطق دول تقريبا وفي مناطق أخرى للاستكشاف ناس كتير جدا مرحتهاش وفي ناس مسمعتش عنها.
*ثالثا: مصر هي البديل للسفر على ما تقدر تحوش وتعمل سفرية كبيرة بره. ومصر فيها وجهات مرضية جدا.
هنغطي عدد بسيط من الوجهات اللي كتير مراحوهاش، يعني مش هتكلم عن دهب أو سينا بوديانها أو راس شيطان، خلينا نتكلم على وجهات بعيدة شوية لكن تستحق الزيارة وهتكون الوجهات في شكل نقاط بغير شرح مستفيض بحيث تكون كمرجع بسيط تقدر تنطلق منه كل نقطة وتبحث عن طريقه انطلاقك.
جنوب مصر:

  • سفاجا، مرسى علم، محمية وادي الجمال، شط حنكوراب، حماطة والقلعان، هي باكيدج كده على بعضها . مرسى علم ووادي الجمال مناطق غاية في الروعة فيها الطبيعة البكر الأجمل في مصر حرفيا للتخييم،وفيها فنادق كويسة للي يحب، وممكن تزور شط حنكوراب وتقضي يوم أو اتنين هناك في مكان غاية في الروعة، وتشوف شجر المانجروف العملاق في القلعان، واستمتع بسماء صافية تقدر بكل بساطه تصور الـ milky way والنجوم، وتزور شط حنكوراب، حيث الشعاب على بعد 5 دقايق عوم، ولو تحب روح الصفايح في حماطه ولو انت محظوظ تعوم في وسط سرب الدلافين.
  • أسوان، النوبة، غرب سهيل، قرية البرابرة، جزيرة هيسا، ومعبد فيلة.أسوان يعني الناس، والنوبه يعني الأطفال اللي بيلعبوا معاك، الرحلة هناك تعرف على ثقافة الناس الطيبة والتعامل معاهم هو كنز الرحلة.

 

غرب مصر:

  • الواحات الغربية

واحات سكان الفرافرة والصحرا البيضاء والصحرا السوداء ووادي الكريستال والجبال البركانية.

  • سيوة
    من أكتر الأماكن اللي بحبها، ناسها جميلة جدا، بلد الـ 22 مليون نخلة والزيتون وزيته والسوق القديم وعيون كليوباترا والعيون اللي في الصحرا. في عيون جنب ببعض سبحان الله واحدة تلج والتانية سخنه في عز الشتا والفرق بينهم أقل من كيلو. بحر الرمال الأعظم.. الفنادق العالمية اللي تزورها بس متقدرش تنزل فيها لأنها غالية جدا:D  الأمير شارلز شخصيا ليه جناح هناك.. البحيرات الملحية والأكل السيوي الجميل.

طبعا شمال وشرق مصر الأماكن فيهم معروفة في المدن الكبيرة وسيناء.. الأماكن اللي أنا ناوي أزورها السنه دي هيا مثلث حلايب وشلاتين وراس محمد.  بالنسبه للسفر والإقامة، أنا بحب أسافر مع جروبس، مجموعه شباب بينظموا رحلة واحنا معاهم، ودول مش شركات سياحة دول شباب لطيفة وكتير على الفيس.

 

Read Also: