مصطفى توفيق يكتب رحلته لإندونيسيا: كيف تصلها من ماليزيا بـ20 دولارًا

مصطفى توفيق يكتب رحلته لإندونيسيا: كيف تصلها من ماليزيا بـ20 دولارًا

Icon يناير 10, 2017
Icon By Ahmed Belal
Icon 0 comments

رحلة- مصطفى توفيق:

حد جرب يعيش في وسط بركان قبل كده ؟  😀  😀 أو جربت مثلا إنك تعوم في جزيرة ظهرت على الأرض بسبب انفجار بركاني؟!، طيب عمرك بقى جربت إحساس إنك تبقى مليونير  😀  😀  😀 إندونسيا  😀  😀 إندونسيا بلد مليانة براكين والبراكين هناك من أهم مصادر السياحة، في ناس بتعمل كامبنج بالتلات أيام علشان يقعدوا قدام مناظر البراكين دي، وطبعا بدل في براكين يبقى في ينابيع سخنة  😀

تعرف بقى إنك لو في ماليزيا بـ 20$ تقدرتاخد طيارة لإندونسيا وتعيش أحلى تجربة هناك  😀

أنا جرتها ورحت جزيره Sumatra في إندونسيا، خدت الطيارة أم 180 جنيه دي ورحت على  Lake tobe او Samosir island

ساموسير هي جزيره ظهرت على الأرض بسبب انفجار بركان رهيب، ولحد دلوقتي بتحس سخونه البحيرة وانت بتعوم فيها 😀 الجزيرة فعلا وهمية ومكان رائع إنك تقعد تريح فيها وتستمتع بروعة المكان.

هناك كنت في اوتيل اسمه Saybak hotel كان ب 3.55$ في اليوم، أوضة لوحدي.  الأكل كان رخيص قوي وأفضل حاجة تاكلها الأسماك، وكان في سوق بنروحه نشتري منه الحاجات بنفس الأسعار في مصر أو أرخص كمان  🙂

الجزيره مش صغيرة خالص أنا أول يوم أجرت العجلة وبدأت أتعرف على المكان.  تاني يوم أجرت سكوتر وبدأت ألفها كلها،  رحت عند مكان ينابيع ميه سخنة وشلالات بعد كده كملنا طلعنا فوق جبل وشفنا الجزيرة من فوق بعد كده بدأنا نلف ونروح كذا قرية.

في رحلات بحرية كتير بتتعمل زي في ماليزيا بالظبط، بس الأفضل تعملها في لانكاوي لو كنت في ماليزيا علشان ميبقاش مشوار وخلاص على نفس الحاجة. سوماترة بجد تستحق تتزار لو انت في ماليزيا وتقضي فيها على الأقل 5 أيام.. البلد رخيصة والطبيعة فيها جميلة بجد.

هتروح ازاي؟؟، تنزل مطار ميدان ومن هناك تاخد Shared taxi بحوالي 66$ لساموسير ومن هناك بتاخد مركب تلت ساعه بـ 1$ علشان تدخل الجزيرة. البلد ملهاش تأشيره للمصريين ادخل على طول على هناك، والعمله الروبي الاندونيسي 1$=13500 روبي  😀 أيوه الرقم ده، فبأقل عمله بتغيرها حرفيا انت بتبقى مليونير هناك  😀  😀 متقضيش عمرك بتتفرج على بوستات بقى وحوش علشان تسافر  😀

اقرأ إيضا