فرصة.. سافر أي بلد تختارها مجانًا وبراتب شهري يصل إلى 800 دولار

فرصة.. سافر أي بلد تختارها مجانًا وبراتب شهري يصل إلى 800 دولار

Icon يناير 10, 2017
Icon By Ahmed Belal
Icon 0 comments

كتب- مصطفى توفيق:

تعرف إنه مع Aiesec لو بتتكلم إنجليزي كويس إقامتك في البلد اللي هتختارها هتبقى ببلاش، الأول علشان محدش يستصعب الموضوع أنا سافرت معاهم مرة، ومصريين كتير جدًا بيسافروا كل سنة معاهم والموضوع فعلا سهل جدًا وهيفيدك سواء سفر أو شهادة ليك.

إيه هي Aiesec؟

منظمة عالمية للتبادل الطلابي وتبادل الخريجين، وفيها كذا برنامج تقدر تقدم فيهم. الأول وده اللي أنا سافرت عليه، إنك ممكن تسافر أي بلد تلاقي فيها برنامج يناسبك من تعليم أطفال أو تصوير أو حاجات تانية كتير بتقدمها في مقابل إقامتك ببلاش وساعات بيبقى الأكل عليهم كمان.

الميزة إن الورق اللي بيديهولك للفيزا بيسهل عليك الدنيا جدًا، وبيخليك تاخدها بسهولة، الميزة التانية إنك بتاخد شهادة إنك اشتغلت معاهم وبتقوي الـ CV بتاعك جدًا طبعا إنك اشتغلت بره مصر.

مده البرنامج ده حوالي 6 أسابيع عمل فيها إجازاتك عادي طبعًا الأسبوعيه والفيزا بتبقى مدتها أكبر من كده علشان تعرف تلف في البلد بعدها، ده في حالة إنك طالب.

لو انت بقى خريج وعلى وضعك في الإنجليزي ومهاراتك كويسة في أي من المجالات بتوعهم، بتقدر تسافر مدة أطول وده برنامج مدته مش أقل من 3 شهور، والمرتبات على حسب البلد اللي رايحها، مثلا الهند 400$، في حاجات في فيتنام بـ 800$، على حسب مؤهلاتك والبلد اللي رايحها.

توصلهم ازاي؟

معظم جامعات مصر دلوقتي بقى فيها Aiesec سواء عين شمس أو جامعة القاهرة أو المنصورة، إعمل سيرش عليهم وكلمهم. انت بتعمل interview أهبل قوي مع المكان اللي انت رايحه ده، لو أول برنامج تاني برنامج، بما إنه شغل فبيحتاج يتاكد إنك فعلا كويس فهيبقى أصعب شوية، جربوا واستغلوا أي فرصة والله السفر حلو. ?