10 نصائح للمسافرين مع منتخب الفراعنة إلى الجابون: متنساش الشيح

10 نصائح للمسافرين مع منتخب الفراعنة إلى الجابون: متنساش الشيح

Icon يناير 9, 2017
Icon By Ahmed Belal
Icon 0 comments

كتب- فتحي أبو زيد:
لو كنت مسافر مع المنتخب الوطني المصري للجابون ففي حاجات لازم تخلي بالك منها اثناء فترة إقامتك هناك:
1- اللغة الرسمية في الجابون هي الفرنسية

2- بداية قبل خروجك من مطار القاهرة تأكد من حصولك على التطعيمات الوقائية للسفر للجابون، لأن من السهل جدا أن تصاب بمرض هناك.. الوقاية مهمة جدا.
3- الأكل في الجابون سيء جدا وغالي، فحاول أن تأخد معك معلبات تكفيك طول فترة الإقامة، ولو حاولت تاكل هناك اشتري سمك من على البحر، مش من الأسواق, ومتحاولش تاكل اللحوم هناك، ولو احتجت ضروري فعندك المطاعم اللبنانية لكنها غالية نسبياً.
4- مياه الشرب في الجابون فقط معدنية وزجاجة المياة هناك بما يعادل دولار تقريبا.
5- الفنادق هناك من 35 دولار/ الليلة وانت طالع. وحاول ما تسكنش سكن جماعي إلا لو كنت طالع مع جروب أصلا .
6- المواصلات في الجابون هي التاكسي فقط ولو هتتنقل بين المدن فالمراكب أفضل حاجة .
7- الجابون من الدولة الآمنة جدًا والشعب الجابوني من الشعوب الطيبة فمتقلقش ترجع لفندق الإقامة متأخر .
8- حاول تاخد معاك شيح لمقر إقامتك لأن التعابين و الزواحف هناك زي القطط هنا. في هناك حيوان شبه القنفذ اسمه الليزر وده رمز البلد هناك فمتحاولش تؤذيه لأن ممكن تتعاقب .
8- الاتصالات هناك رخيصة نوعا ما لكن اشتري خط التليفون من خارج المطار هيوفر عليك كتير، والـ 10 دولار هيكفوك نت طول فترة الإقامة.
9- متحاولش تغير عملة من الشارع أو من أي حد، فقط عندك البنوك والصرافات وموجودة بكثرة متقلقش .
10- بخصوص الهدايا فالجابون مشهورة بالمنحوتات الخشبية وأسعارها معقولة وهتلاقيها موجودة فى كل الأسواق .